EFESIOS 4:23 - Chatino Zona Alta Occidental

²³ Ndiꞌin chaꞌ kuꞌni kwi Ndiose nchga chaꞌ nu nsuꞌwi niꞌ kasiya ꞌwan, loꞌo nchga chaꞌ nu kiꞌya ke wan;

EFESIOS 4:23 Iomraidhean Croise

ROMANOS 12:2

Ja ta ꞌa wan tyempu chaꞌ tatsaa nten ꞌwan chaꞌ kuꞌni wan chaꞌ kuxi; xka ñaꞌan tyiꞌin wan lo chalyuu ni, chaꞌ wa mxaꞌan nchga chaꞌ nu yuꞌwi niꞌ kasiya ꞌwan nu ngwa sꞌni la. Kanꞌ chaꞌ ni, ka biyaꞌ tiꞌ wan nchga tñan nu nchka tiꞌ Ndiose chaꞌ kuꞌni wan. Ka jlyo tiꞌ wan sa ñaꞌan tñan nu suꞌwe la kuꞌni ska wan, sa ñaꞌan tñan nu nchka la tiꞌ Ndiose chaꞌ kuꞌni ska wan; ka jlyo tiꞌ wan sa ñaꞌan tñan nu tsaa toꞌo suꞌwe la. Nchga chaꞌ kanꞌ ka biyaꞌ tiꞌ wan ni.

ROMANOS 6:4

Loꞌo nu ndyukwatyaan ni, stean niꞌ tyiꞌa sa ñaꞌan lka si suꞌwa mtsianꞌ loꞌo Krixtu niꞌ kwaa, ngwañaꞌan lkaan. Bra kanꞌ nsuan sa ñaꞌan lka si lkaan ayman, chaꞌ ka tyuꞌuan xiyaꞌ sa ñaꞌan lka si tyoꞌoan lo tyiꞌa, ngwañaꞌan lkaan, chaꞌ tnun ꞌa chaꞌ yꞌni Ndiose Sti yu bra nu ndyuꞌu Krixtu xiyaꞌ. Kwiꞌ ngwañaꞌan, kaja xka chalyuu kwi ꞌñaan chabiyaꞌ ꞌin Krixtu.

ROMANOS 8:6

Kanaꞌ chalyuu ꞌñaan, si kuꞌnian xkwiꞌ chaꞌ xaꞌan nu nsuꞌwi chalyuu; loꞌo kaja chalyuu kwi ꞌñaan chaꞌ tiin ti tyiꞌian, si kunaan nchga chaꞌ nu nchkwiꞌ Ndiose.

EFESIOS 2:10

Ndiose ngwiñan Ni ꞌñaan taꞌaan, kwiꞌ Ni yꞌni suꞌwa Ni chaꞌ ꞌñaan loꞌo Jesucristo; loꞌo ni, nchka tiꞌ Ni chaꞌ xkwiꞌ chaꞌ suꞌwe ti kuꞌnian xa nu tyiꞌian lo chalyuu, chaꞌ wa lka nda Ni ska tñan suꞌwe nu ka kuꞌnian kwenta skaan lo chalyuu re.

COLOSENSES 3:10

loꞌo ni, wa mjwi xka chalyuu kwi ꞌwan. Xka lo nten lka wan ni; wa mxaꞌan Ndiose nchga chaꞌ nu nsuꞌwi niꞌ kasiya ꞌwan ni, chaꞌ ka wan sa ñaꞌan nu nchka tiꞌ Ndiose, laja nu ngiꞌni xaꞌan ji wan nchga chaꞌ nu ndiꞌin ꞌin Ni.

TITO 3:5

Loꞌo ngulaa Ni ꞌñaan chunꞌ nchka tꞌnan ꞌa tiꞌ Ni ꞌñaan bra kanꞌ; nchka tꞌnan tiꞌ Ni ꞌñaan ni, siꞌi chunꞌ ska chaꞌ suꞌwe nu wa yꞌnian, siꞌi chunꞌ ska tñan kti nu wa yꞌnian. Ndiose yꞌni tñan kanꞌ, Ndiose yꞌni luwi kasiya ꞌñaan, kanꞌ chaꞌ ka chkwianꞌ chaꞌ wa ngula kwian xiyaꞌ; wa ngwa kwi kasiya ꞌñaan ni, chunꞌ tñan nu wa yꞌni Tyiꞌi Ndiose loꞌoan.

1 SAN PEDRO 1:13

Kanꞌ chaꞌ kuwe chinꞌ tiꞌ wan, chaꞌ tiya ti tiꞌ wan tyiꞌin wan lo chalyuu, chaꞌ nchga tsan tyiꞌin ta wan ꞌin chaꞌ suꞌwe tnun nu kuꞌni Ni loꞌo wan bra nu kulaa ji Ni ꞌwan; ngwañaꞌan ka bra nu tyoꞌo tukwa Jesucristo tyaan Ni xiyaꞌ.