EFESIOS 4:12 - Chatino Zona Alta Occidental

¹² Ngwañaꞌan yꞌni xuꞌwe Ni ꞌñaan, taꞌaan nu ndiꞌin chaꞌ ꞌñaan loꞌo Ni, chaꞌ ka kuꞌnian tñan ꞌin Ni, chaꞌ kanun tsaa la chaꞌ kanꞌ niꞌ kasiya ꞌñaan nan nu msñian chaꞌ ꞌin Krixtu sa tlyu ti.

EFESIOS 4:12 Iomraidhean Croise

SAN LUCAS 22:32

Bra kanꞌ wa mjñaǎn ꞌin Ndiose Stiǐn chaꞌ ꞌiin, Tyu, chaꞌ ja tsaa tii chaꞌ tsaa ñaꞌan tiiꞌ ꞌñaǎn. Bra wa mdijin chaꞌ kuxi kanꞌ ꞌiin, chaꞌ xiyaꞌ chkwiiꞌ chaꞌ ꞌñaǎn, bra kanꞌ ka tayaaꞌ ꞌin xka la taꞌa wan chaꞌ suꞌwe la xñi neꞌ chaꞌ ꞌñaǎn.

LOS HECHOS 1:17

Suꞌwa ti mdaꞌan ayman Juda loꞌoan, suꞌwa ti yꞌni yu tñan loꞌoan nu ngwa xkanꞌ.

LOS HECHOS 1:25

chaꞌ ka tsaa yu kanꞌ nchga kichen, chaꞌ chkwiꞌ yu chaꞌ ꞌiin, ti kwiꞌ tñan loo ayman Juda. Wa ngulaa yaꞌ ayman kanꞌ tñan chaꞌ xaꞌan ꞌa yu, loꞌo ndyaa yu nde seꞌen nganun chaꞌ tsaa yu bra kanꞌ.

LOS HECHOS 11:23

Loꞌo mdoꞌo Bernabé ndyaa yu, mdiya yu kichen kanꞌ, naꞌan yu sa ñaꞌan chaꞌ suꞌwe nu wa yꞌni Ndiose loꞌo neꞌ kanꞌ. Suꞌwe ꞌa ngwa tiye Bernabé bra kanꞌ. Ykwiꞌ yu loꞌo nchga nten ꞌin Jesucristo la kanꞌ, chaꞌ tyukwi ti tiye neꞌ kuꞌni neꞌ tñan nchga tsan, nchga tñan nu nchka tiꞌ ti kwiꞌ Xꞌnaan chaꞌ kuꞌnian.

LOS HECHOS 20:24

Ja ntseěn ꞌin chaꞌ nu nchkwiꞌ neꞌ kanꞌ, ja nꞌni chaꞌ ꞌñaǎn ni siya kujwi neꞌ ꞌñaǎn. Ska ti chaꞌ nchka tiǎnꞌ, chaꞌ suꞌwe ti tyii tñan nu mda Ni Jesús ꞌñaǎn, chaꞌ chkwiǐnꞌ chaꞌ suꞌwe ꞌin Ndiose loꞌo nten chalyuu, chaꞌ suꞌwe ꞌa nka tiye Ndiose ñaꞌan Ni ꞌin nchga nten ―ndukwin Palyu.

LOS HECHOS 20:28

Loꞌo ni, ndiꞌin chaꞌ ñaꞌansiin wan ꞌwan, ti ykwiꞌ ti wan; kwiꞌ ngwañaꞌan, ñaꞌansiin wan ꞌin nchga nten ꞌin Jesucristo nde kichen tyi wan, chaꞌ wa nda Tyiꞌi Ndiose tñan ꞌwan chaꞌ ka wan ndloo ꞌin nchga ta nten kanꞌ. Tnun ꞌa tñan yꞌni Xꞌnaan chaꞌ katin kiꞌya nu ndiꞌin ꞌñaan bra nu ngujwi yu lo wsi, ngalu tnen ykwiꞌ yu.

LOS HECHOS 9:31

Loꞌo ndyaa tiꞌin tiin ti nten ꞌin Jesucristo bra kanꞌ, ni siya nde lo yuu nu kwenta ꞌin Judea, ni siya lo yuu ꞌin Galilea, ni siya lo yuu ꞌin Samaria; nchga tsan ngiꞌni xaꞌan la neꞌ chaꞌ ꞌin Jesucristo. Ngiꞌni tnun neꞌ ꞌin Jesús, loꞌo ngiꞌni neꞌ nchga tñan nu nchka tiꞌ Ndiose nu nka Xꞌnaan chaꞌ kuꞌni neꞌ. Kwiꞌ Tyiꞌi Ndiose nda jwersa ꞌin neꞌ kanꞌ, loꞌo ti kaꞌan la nten msñi chaꞌ ꞌin Jesús bra kanꞌ.

ROMANOS 12:5

Kwiꞌ ngwañaꞌan lkaan, taꞌaan nu ndiꞌin chaꞌ ꞌñaan loꞌo Krixtu; ni siya tyun ꞌa neꞌ taꞌaan, ska ti nten lkaan taꞌaan, ska ti nten lkaan tyukwi ñaꞌaan, taꞌaan suꞌwa ndiꞌin chaꞌ ꞌñaan loꞌo taꞌaan.

ROMANOS 12:7

Xa nu nchka ꞌin ska wan tayaꞌ wan ꞌin taꞌa nten wan, tyukwi ti tiye wan tayaꞌ wan ꞌin neꞌ kanꞌ sikwa. Xa nu nchka ꞌin ska wan kwaꞌu wan ska chaꞌ nu ñi ꞌin taꞌa nten wan, tyukwi ti tiye wan kwaꞌu wan chaꞌ kanꞌ ꞌin neꞌ sikwa.

ROMANOS 14:19

Suꞌwe sikwa. Taꞌaan ndiꞌin chaꞌ tsaa naan ñaꞌan nu tyiꞌin suꞌwean loꞌo taꞌa nten nan, ñaꞌan nu ka tayaanꞌ ꞌin taꞌa ntean, chaꞌ suꞌwe tyiꞌian loꞌo Krixtu;

ROMANOS 15:14

ꞌWan taꞌa ndiꞌin chaꞌ ꞌñaan loꞌo Krixtu, nsuꞌwi lyoǔn ꞌwan chaꞌ suꞌwe ꞌa tiye wan; suꞌwe ꞌa nchka biyaꞌ tiꞌ wan chaꞌ ꞌin Krixtu, kwiꞌ ngwañaꞌan nchka ꞌa ꞌwan chkwiꞌ wan chaꞌ ꞌin Ndiose loꞌo neꞌ taꞌa wan.

ROMANOS 15:2

Tsaa naan sa ñaꞌan ka suꞌwe la chaꞌ ꞌin nchgaan nu lkaan nten ꞌin Krixtu nu ndiꞌin kwiꞌ seꞌen ti. Tayaanꞌ ꞌin neꞌ kanꞌ, chaꞌ tyukwi la ti tiye neꞌ tsaa ñaꞌan tiꞌ neꞌ ꞌin Krixtu;

ROMANOS 15:29

Bra nu kalaǎn, bra kanꞌ jlyo tiǎnꞌ chaꞌ kaꞌan ꞌa chaꞌ suꞌwe ꞌin Krixtu ndiꞌin chaꞌ chkwiǐnꞌ loꞌo wan, chaꞌ kaja la ñaꞌan nu sten la neꞌ chaꞌ ꞌin Krixtu bra kanꞌ.

1 CORINTIOS 12:27

Taꞌa wan suꞌwa chaꞌ ꞌwan loꞌo nchga nten taꞌa msñian chaꞌ ꞌin Krixtu skaa kichen sikwa; kwiꞌ ngwañaꞌan kwenta skaa wan lka wan nten ꞌin Krixtu.

1 CORINTIOS 12:7

Ngiꞌni Tyiꞌi Ndiose loꞌoan chaꞌ taꞌaan ka kuꞌnian ska tñan chaꞌ ꞌin Ni, taꞌaan nu ndiꞌin chaꞌ ꞌñaan loꞌo Jesús; kanꞌ lka ska loo tñan nu tayaanꞌ ꞌin taꞌaan. Loꞌo chaꞌ kanꞌ ka jlyo tianꞌ chaꞌ ndiꞌin Tyiꞌi Ndiose niꞌ kasiya ꞌñaan.

1 CORINTIOS 14:12

Wa jlyo tianꞌ chaꞌ nchka ꞌa tiꞌ wan chaꞌ ka kuꞌni wan nchga tñan nu nda Tyiꞌi Ndiose ꞌñaan; kanꞌ chaꞌ jñan wan chabiyaꞌ ꞌin Ndiose chaꞌ ka ꞌwan kuꞌni wan nchga loo tñan nu suꞌwe, nchga tñan nu tayaꞌ ꞌin neꞌ taꞌa msñi wan chaꞌ ꞌin Jesús la kanꞌ, chaꞌ sten la neꞌ chaꞌ ꞌin Ni.

1 CORINTIOS 14:14

Nde ñaꞌan nchka chaꞌ si chaꞌ ꞌin neꞌ xka kichen chkwianꞌ bra nu ngiꞌniin tnuan ꞌin Ndiose. Chañi chaꞌ niꞌ kasiya ꞌñaan nchkwianꞌ loꞌo Ni; sa kanꞌ ti chaꞌ nan, ti ykwiinꞌ tian, ja nchka biyaꞌ tianꞌ ni chaꞌ nchkwianꞌ.

1 CORINTIOS 14:26

ꞌWan taꞌa msñian chaꞌ ꞌin Jesús, nde ñaꞌan kuꞌni wan bra nu tyoꞌ tiꞌin wan loꞌo taꞌa wan. Tyituun ska wan chaꞌ katsaꞌ wan ꞌin taꞌa wan ni kantu ka nu kula tuꞌwa wan chaꞌ ꞌin Ndiose; bra kanꞌ tyituun xka nu kwaꞌu chaꞌ ꞌin Ndiose ꞌin taꞌa wan; chunꞌ ndiꞌin la chkwiꞌ xka neꞌ ska chaꞌ nu nchka tiꞌ Ni chkwiꞌ Ni loꞌo wan; loꞌo ka chkwiꞌ wan ska chaꞌ nu nchkwiꞌ neꞌ xka kichen, bra nu ndiya neꞌ taꞌa wan nu ka ꞌin xaꞌan chaꞌ kanꞌ loꞌo chaꞌ nu nchkwiꞌ wan, chaꞌ ka biyaꞌ tiꞌ nchga nten nu ndiꞌin nde kwa. Ndiꞌin chaꞌ kuꞌni wan nchga chaꞌ nu kuꞌni wan chaꞌ sten la nchga taꞌa ndyoꞌ tiꞌin wan chaꞌ ꞌin Ndiose.

2 CORINTIOS 12:19

Siꞌi nan nchka tiꞌ ba chaꞌ tyoꞌo luwi chaꞌ ꞌwa loꞌo wan; wa lka nduwe tiꞌ ba chaꞌ ñaꞌan Ndiose ꞌwa, kanꞌ chaꞌ sa kwa ti chaꞌ nchkwiꞌ ba, sa ñaꞌan chaꞌ nu nchka tiꞌ Krixtu chaꞌ chkwiꞌ ba loꞌo wan. Kwiꞌ ngwañaꞌan, nchga tñan nu ngiꞌni ba, ngiꞌni ba tñan kanꞌ chaꞌ tayaꞌ ba ꞌwan, chaꞌ suꞌwe ꞌa nka tiye ba ñaꞌan ba ꞌwan taꞌa suꞌwe ndiꞌin ba.

2 CORINTIOS 13:11

ꞌWan taꞌa msñian chaꞌ ꞌin Jesucristo, nslaǎnꞌ loꞌo wan ni, xa wa tyii ti kwaꞌaǎn kityi re. Kuꞌni ji wan sa ñaꞌan nu ndiꞌin chaꞌ kuꞌni wan chaꞌ lka wan nten ꞌin Ndiose. Kunan suꞌwe wan nchga chaꞌ nu nchkwiǐnꞌ lo kityi re. Ka suꞌwa ka tiye wan loꞌo xka ta taꞌa nten wan. Suꞌwe ti tyiꞌin wan loꞌo nchga nten. Loꞌo bra kanꞌ ti kwiꞌ Ndiose, tyiꞌin Ni loꞌo wan nchga tsan; suꞌwe ꞌa ka tiye Ni ñaꞌan Ni ꞌñaan, kwiꞌ ngiꞌni Ni chaꞌ tiin ti tyiꞌian niꞌ kasiya ꞌñaan.

2 CORINTIOS 13:9

Bra nu suꞌwe ꞌa nganun tsaa chaꞌ ꞌin Ndiose niꞌ kasiya ꞌwan, suꞌwe ꞌa nka tiye ba bra kanꞌ, ni siya chinꞌ ti chaꞌ nchka ꞌin ykwiꞌ ba; kanꞌ chaꞌ njñan ba chaꞌ ꞌin Ndiose chaꞌ ꞌwan, chaꞌ xñi ñi tiye wan chaꞌ ꞌin Ni.

2 CORINTIOS 3:8

loꞌo ni, ¡tnun la chaꞌ nchka bra nu chkwianꞌ chaꞌ ꞌin Jesús loꞌo nten, chunꞌ chaꞌ ngiꞌni Tyiꞌi ykwiꞌ Ni tñan niꞌ kasiya ꞌin neꞌ!

2 CORINTIOS 4:1

Kanꞌ chaꞌ ja nchka ndaja tiꞌ ba ꞌin tñan nu ngiꞌni ba. Ti kwiꞌ Ndiose lka nu wa nda tñan kanꞌ ꞌwa, chunꞌ nchka tꞌnan tiꞌ Ni ꞌwa.

2 CORINTIOS 5:18

Ndiose lka nu yꞌni nchga chaꞌ kanꞌ, chaꞌ ka suꞌwe chaꞌ ꞌñaan loꞌo Ni chunꞌ tñan nu yꞌni Krixtu. Loꞌo ni, wa mda Ni tñan ꞌñaan chaꞌ chkwianꞌ loꞌo nten sa ñaꞌan ka suꞌwe chaꞌ ꞌin neꞌ loꞌo Ndiose.

2 CORINTIOS 6:3

Ja nchka tiꞌ ba chaꞌ xtyi lyoꞌo nten ꞌwa chunꞌ tñan nu ngiꞌni ba, chaꞌ loꞌo ꞌin Ndiose xtyi lyoꞌo neꞌ bra kanꞌ si ngwañaꞌan; kanꞌ chaꞌ ja ta ba chabiyaꞌ chaꞌ tyoꞌo tukwa ska chaꞌ kuxi seꞌen ndiꞌin ba, kwiꞌ nu kuꞌni chaꞌ chkwiꞌ kuxi neꞌ ꞌwa.

2 CORINTIOS 7:1

ꞌWan taꞌaan, nu suꞌwe ꞌa nka tiyeěn ñaꞌaǎn ꞌwan, kanꞌ lka ska chaꞌ nu wa mskanꞌ Ndiose loꞌoan, chaꞌ ka ꞌñaan chunꞌ ndiꞌin la. Kanꞌ chaꞌ sikwa, ndiꞌin chaꞌ kulaa yaanꞌ nchga chaꞌ kuxi chaꞌ ja ka ñuꞌun kasiya ꞌñaan, ja ka ñuꞌun tyukwi ñaꞌaan. Kwiꞌ ngwañaꞌan, lye ꞌa kuꞌnian tñan chaꞌ kaan nten ꞌin Ndiose; nchga tñan nu kuꞌnian lo chalyuu, kuꞌnian ꞌin ran ñaꞌan tiꞌ si wa nduun Ndiose ñaꞌan kwiꞌya Ni ꞌñaan.

EFESIOS 1:23

Taꞌaan nu msñian chaꞌ ꞌin Krixtu skaa kichen, sa tlyu ti ndiꞌin chaꞌ ꞌñaan loꞌo Krixtu. Ñaꞌan tiꞌ si lkaan ska tsuꞌ yaꞌ Krixtu, ngwañaꞌan lkaan chaꞌ ꞌin Krixtu, chaꞌ kuꞌnian tñan nu nsuꞌwi ꞌin Ni lo chalyuu. Kwiꞌ ngwañaꞌan, nchga loo nan nu nsuꞌwi lo chalyuu, ndiꞌin nan kanꞌ chaꞌ ꞌin Krixtu.

EFESIOS 4:16

chabiyaꞌ ꞌin Krixtu, kanꞌ chaꞌ lkaan ska ti nten tloo Ndiose. Nsuꞌwi tñan chaꞌ kuꞌnian kwenta skaan; ndiꞌin chaꞌ tayaanꞌ ꞌin taꞌaan chaꞌ ja xñi neꞌ xka tuwiin kuxi, chaꞌ ngwañaꞌan suꞌwa ti ka tiyean loꞌo taꞌaan. Si suꞌwe ti ndiꞌian loꞌo taꞌaan, bra kanꞌ sa tlyu ti tayaanꞌ ꞌin taꞌaan, chaꞌ kanun tsaa la chaꞌ ꞌin Jesús niꞌ kasiya ꞌñaan skaan, chunꞌ suꞌwe ꞌa nka tiyean ñaꞌaan ꞌin taꞌaan.

EFESIOS 4:29

Ja chkwiꞌ ꞌa wan chaꞌ tiꞌí loꞌo taꞌa nten wan, kunaan wan chaꞌ suꞌwe ti nu chkwiꞌ wan loꞌo taꞌa wan; kunaan wan sa ñaꞌan nu ka tayaꞌ wan ꞌin neꞌ chaꞌ sten la neꞌ chaꞌ ꞌin Ndiose, chaꞌ kanun ska chaꞌ suꞌwe niꞌ kasiya ꞌin neꞌ bra nu kunan neꞌ chaꞌ nu chkwiꞌ wan.

EFESIOS 4:4

Taꞌaan nu msñian chaꞌ ꞌin Krixtu, ska ti nten lkaan, ska ti Tyiꞌi Ndiose ndiꞌin loꞌoan; ti kwiꞌ ti chaꞌ, suꞌwa ti ngataan ꞌin chaꞌ suꞌwe nu ta Ndiose ꞌñaan chalyuu nde loo la, kanꞌ chaꞌ wa ngulo suwi Ni ꞌñaan.

COLOSENSES 1:24

Suꞌwe nxkeꞌ tiǎnꞌ ni siya wa mdijiǐn chinꞌ nu tiꞌí chaꞌ ꞌwan; suꞌwe nxkeꞌ tiǎnꞌ chaꞌ ndijiǐn nu tiꞌí chaꞌ ka suꞌwe chaꞌ ꞌin nchga ta nten nu msñi chaꞌ ꞌin Krixtu nchga kichen. Loꞌo Krixtu ni, mdijin ꞌa Ni nu tiꞌí lo chalyuu chaꞌ ꞌñaan, chaꞌ kaan nten ꞌin ykwiꞌ Ni; kwiꞌ ngwañaꞌan naꞌ, ndijiǐn nu tiꞌí, chaꞌ nu ndiꞌin chaꞌ ka suꞌwa chaꞌ ꞌñaan taꞌaan loꞌo ykwiꞌ Krixtu bra nu mdijian nu tiꞌí lo chalyuu re chaꞌ wa ytean chaꞌ ꞌin Krixtu.

COLOSENSES 1:28

Kanꞌ chaꞌ lye ꞌa nchkwiꞌ ba chaꞌ ꞌin Krixtu loꞌo nchga nten; suꞌwe ti, tiyaꞌ ti nduꞌu ba chaꞌ re ꞌin neꞌ, lye ꞌa nchkwiꞌ ba loꞌo neꞌ chaꞌ ja kuꞌni ꞌa neꞌ chaꞌ kuxi. Nchka ꞌa tiꞌ ba chaꞌ ka suꞌwe ꞌa ka tiye nchga nten tloo Krixtu bra nu kala neꞌ seꞌen ndiꞌin Ndiose.

COLOSENSES 4:17

Nde lka chaꞌ nu chkwiꞌ wan loꞌo Arquipo taꞌaan: “Wa nda ykwiꞌ Xꞌnaan ska tñan nu kuꞌnii chaꞌ ꞌin Ni” nchkwin wan ꞌin yu, “kanꞌ chaꞌ ni, suꞌwe ti kuꞌnii tñan kanꞌ, chaꞌ tsaa toꞌo suꞌwe ran”.

1 TIMOTEO 1:12

Ndyaǎn ꞌa xuꞌwe ꞌin Jesucristo nu nka Xꞌnaan chaꞌ nu yꞌni Ni chaꞌ ngwa ꞌñaǎn kuꞌniǐn tñan ꞌin Ni; ndyaǎn xuꞌwe ꞌin Ni chaꞌ ngulo suwi Ni ꞌñaǎn chaꞌ kuꞌniǐn tñan ꞌin Ni, chunꞌ jlyo tiꞌ Ni chaꞌ ndukwaǎn tñan nu ndlo Ni.

2 TIMOTEO 4:11

xka ti Luka ti ndiꞌin loꞌoǔn nde re. Tsaa naan ꞌin Marku chaꞌ kaan loꞌo ꞌin yu nde re, chaꞌ loꞌo yu nchka ꞌin yu tayaꞌ yu ꞌñaǎn loꞌo tñan re.

2 TIMOTEO 4:5

Nuꞌwin ni, tyaꞌan chinꞌ chaꞌ suꞌwe tiyee nan lka nu suꞌwe la kuꞌnii, chaꞌ taloo la bra nu tiꞌí ꞌa tiꞌ neꞌ ꞌiin, chaꞌ ñaꞌan ti chkwiiꞌ chaꞌ suꞌwe ꞌin Ndiose loꞌo nten, chaꞌ ti kuꞌnii la nchga tñan nu ndiꞌin chaꞌ kuꞌnii chaꞌ ꞌin Ndiose.

HEBREOS 13:17

Kunan wan chaꞌ nchkwiꞌ nten nu nka tñan chaꞌ ꞌin ska ta neꞌ taꞌa wan; kuꞌni wan nchga tñan nu kulo neꞌ kanꞌ wan. Tnun ꞌa tñan nu ndiꞌin ꞌin neꞌ kanꞌ, chaꞌ nduwe ꞌa tiꞌ neꞌ sa ñaꞌan tñan nu ngiꞌni wan kwenta skaa wan; ndiꞌin chaꞌ tijin neꞌ kwenta ꞌin Ndiose ykwiꞌ si chañi chaꞌ ti nganan suꞌwe wan chaꞌ ꞌin Ni. Loꞌo suꞌwe la nka tiye neꞌ kanꞌ si ndiya tiꞌ wan kuꞌni wan sa ñaꞌan tñan nu chkwiꞌ neꞌ loꞌo wan; si nu ja kuꞌni wan ngwañaꞌan ni, ka xiꞌin tiꞌ neꞌ kanꞌ bra kanꞌ, loꞌo ja ka ꞌa tayaꞌ neꞌ ꞌwan bra kanꞌ.

HEBREOS 6:1

Ndla ti kuꞌnian sikwa, chaꞌ kunaan suꞌwean nchga chaꞌ nu nchkwiꞌ Krixtu; ndiꞌin chaꞌ kaan nten nu suꞌwe ndaꞌan chaꞌ tiye. Ja suꞌwe si ska loo ti chaꞌ kuꞌnian, sa ñaꞌan nu yꞌni xaꞌaan tian ti kulo. Loꞌo nchga chaꞌ nu nchkwiꞌ Krixtu ndiꞌin chaꞌ kuꞌnian. Wa jlyo suꞌwe tianꞌ la seꞌen ndiꞌin kiyaꞌ chaꞌ ꞌin Krixtu: wa mdyii ykwianꞌ sa ñaꞌan ka kulaa yaanꞌ nchga chaꞌ kuxi nu yꞌnian nu ngwa sꞌni, nu ja nnanjoꞌo ꞌñaan chaꞌ ꞌin Ndiose; wa ykwianꞌ sa ñaꞌan ka tsaa ñaꞌan tianꞌ chaꞌ ꞌin Ndiose;