EFESIOS 3:6 - Chatino Zona Alta Occidental

⁶ Ja ya kunan nten chalyuu chaꞌ nu wa ytsaꞌ Ni ꞌñaǎn. Nde ñaꞌan ndyoꞌo chaꞌ kanꞌ: Nten nu ja lka neꞌ judío ni, ka neꞌ kanꞌ ti kwiꞌ sa ñaꞌan lka neꞌ judío nu ndiꞌin chaꞌ ꞌin loꞌo Ndiose, bra nu ka biyaꞌ tiꞌ neꞌ chaꞌ ꞌin Krixtu; si xñi neꞌ kanꞌ chaꞌ ꞌin Jesucristo, loꞌo neꞌ kanꞌ ka suꞌwe kasiya ꞌin neꞌ tloo Ndiose bra kanꞌ. Ka suꞌwa chaꞌ ꞌin taꞌa tyukwaa ta nten bra kanꞌ, bra nu xñi neꞌ sa tlyu ti chaꞌ ꞌin Krixtu. Loꞌo nten nu ja lka neꞌ judío, kaja nchga chaꞌ nu wa ykwiꞌ Ndiose chaꞌ kaja ꞌin neꞌ loꞌo Jesucristo.

EFESIOS 3:6 Iomraidhean Croise

1 CORINTIOS 12:12

Loꞌo nan ni, ska ti nten lkaan, ni siya tyun ꞌa tijyan nsuꞌwi laja kunaanꞌ. Kwiꞌ ngwañaꞌan lka loꞌo nchga neꞌ taꞌa msñian chaꞌ ꞌin Krixtu ska kichen; ska ta ti nten lkaan, ni siya xka ñaꞌan ngiꞌni skaan.

1 CORINTIOS 12:27

Taꞌa wan suꞌwa chaꞌ ꞌwan loꞌo nchga nten taꞌa msñian chaꞌ ꞌin Krixtu skaa kichen sikwa; kwiꞌ ngwañaꞌan kwenta skaa wan lka wan nten ꞌin Krixtu.

GÁLATAS 3:14

Loꞌo ni, kaja chaꞌ suꞌwe ꞌin neꞌ xka laꞌa tsuꞌ chabiyaꞌ ꞌin Jesucristo, ti kwiꞌ chaꞌ suꞌwe nu ndukwin Ndiose ꞌin ayman Abraham nu ngwa sꞌni. Bra kanꞌ loꞌo taꞌaan ka nchga chaꞌ nu ykwiꞌ Ndiose loꞌo Abraham, chaꞌ kaja Tyiꞌi Ni nu xuꞌwi niꞌ kasiya ꞌñaan taꞌaan bra nu xñian chaꞌ ꞌin Krixtu.

GÁLATAS 5:24

Wa ngujwi Krixtu lo wsi chaꞌ katin kiꞌya nu ndukwian; kanꞌ chaꞌ wa yꞌni tyian nchga chaꞌ kuxi nu yuꞌwi niꞌ kasiya ꞌñaan sꞌni la; wa ngula yaanꞌ nchga chaꞌ kuxi nu mdiya tianꞌ sꞌni, wa mdyii nchga chaꞌ kanꞌ chunꞌ ndiꞌin chaꞌ ꞌñaan loꞌo Krixtu, wa yꞌni tyian ꞌin ran ñaꞌan tiꞌ si loꞌoan wa ngujwian lo wsi.

EFESIOS 3:3

Wa ytsaꞌ Ni ꞌñaǎn sa ñaꞌan nu nchka tiꞌ Ni chaꞌ kuꞌni Ni lo chalyuu. Ni siya ja ytsaꞌ Ni ꞌin nten sꞌni sa ñaꞌan nan kuꞌni Ni lo chalyuu, sa la ni wa ytsaꞌ Ni chaꞌ kanꞌ ꞌñaǎn, ti kwiꞌ chaꞌ nu ndukwa lo kityi ti sꞌni, chaꞌ ka chalyuu ni, kanꞌ lka chaꞌ nu ndaꞌaǎn lo kityi re chaꞌ tsaa seꞌen ndiꞌin wan.

EFESIOS 5:30

chaꞌ ska ta ti nten ka taꞌaan chaꞌ ꞌin Krixtu, chaꞌ nsuꞌwi tñan nu kuꞌni nchgaan chaꞌ ꞌin Ni.

EFESIOS 5:7

Kanꞌ chaꞌ nchkwiǐnꞌ loꞌo wan, chaꞌ ja sten yuꞌwi wan loꞌo nten nu ngiꞌni ngwañaꞌan.

COLOSENSES 2:19

loꞌo ja ndukwa ꞌa neꞌ kanꞌ chaꞌ nchkwiꞌ Krixtu nu nka ndloo la ꞌñaan. Krixtu nduun loo la ꞌin nchga ta nten nu ngiꞌni tnun ꞌin Ndiose nchga seꞌen; kanꞌ chaꞌ suꞌwa ꞌa chaꞌ ꞌñaan loꞌo xka la taꞌa ntean, kanꞌ chaꞌ suꞌwe la ndiꞌin chaꞌ ꞌñaan loꞌo Ndiose, chaꞌ kaꞌan la tñan ngiꞌni Krixtu niꞌ kasiya ꞌin nten ꞌin Ni, sa ñaꞌan nu nchka tiꞌ Ndiose chaꞌ ka.

1 SAN JUAN 1:3

Loꞌo ni, kwaꞌu ba ꞌwan nchga chaꞌ nu wa naꞌan ba, kwaꞌu ba nchga chaꞌ nu wa ynan ba. Chañi lka chaꞌ suꞌwa ti ka kasiya ꞌñaan loꞌo Ndiose Stian, ngwañaꞌan loꞌo Jesucristo ska ti nu lka Sñiꞌ ykwiꞌ Ni. Loꞌo ni, nchka tiꞌ ba chaꞌ suꞌwa ti ka tiye wan loꞌo ba;

1 SAN JUAN 2:25

Kanꞌ lka chaꞌ nu yꞌni suꞌwa Jesucristo ꞌñaan, chaꞌ ka kaja xka chalyuu kwi nu ja tsaa tii ꞌa ꞌñaan.