EFESIOS 2:5 - Chatino Zona Alta Occidental5 kanꞌ chaꞌ nda Ndiose xka chalyuu ꞌñaan, chaꞌ wa ndyuꞌu Krixtu xiyaꞌ. Wa mdyii chalyuu ꞌñaan, mskeꞌ tianꞌ nu ngwa sꞌni kanꞌ, chaꞌ ja mdukwaan ꞌaan chaꞌ nu nchkwiꞌ Ndiose loꞌoan; loꞌo ni, chaꞌ nchka tꞌnan ꞌa tiꞌ Ni ꞌñaan, kanꞌ chaꞌ wa mdoꞌo laan ꞌin chaꞌ kuxi, wa yꞌni tyii Ni kiꞌya nu ndukwian. Faic an caibideil |
EFESIOS 2:5
20 Iomraidhean Croise
Ti kwiꞌ tyiꞌi nu ta Ndiose chaꞌ kanun niꞌ kasiya ꞌñaan, kanꞌ lka nu ta chalyuu suꞌwe ꞌñaan; ja luꞌuan loꞌo jwersa nu ndiꞌin ti ꞌñaan ―ndukwin Jesús―. Kwiꞌ ngwañaꞌan, nchga chaꞌ nu nchkwiǐnꞌ loꞌo wan ni, chaꞌ ꞌin ska nan nu ta Ndiose ꞌin nten lka chaꞌ kanꞌ, ska chaꞌ nu xuꞌwi niꞌ kasiya ꞌin nten lka kanꞌ; loꞌo kaja chalyuu kwi ꞌin neꞌ xa nu tukwa neꞌ chaꞌ kanꞌ.
Mskanꞌ Ndiose chaꞌ loꞌo ayman Abraham chunꞌ nu msñi yu chaꞌ nu ykwiꞌ Ni, chaꞌ ka biyaꞌ tiꞌ nchga nten taꞌaan chaꞌ xkwiꞌ suꞌwe ꞌa nsuꞌwi tiye Ni ꞌñaan; kanꞌ chaꞌ ykwiꞌ Ni chaꞌ kanꞌ loꞌoan. Nganun chaꞌ kanꞌ chaꞌ ꞌin nchga nten ꞌin Abraham nu kan lo chalyuu nde loo la. Siꞌi sa kwa ti nten nu kunan chaꞌ kula kanꞌ, kanun chaꞌ suꞌwe kanꞌ ꞌin neꞌ; kwiꞌ ngwañaꞌan, kanun chaꞌ suꞌwe kanꞌ ꞌin nchga nten taꞌaan nu xñian chaꞌ ꞌin Ndiose sa ñaꞌan msñi yu kula Abraham chaꞌ ꞌin Ni, ngwañaꞌan ndyoꞌo chaꞌ bra nu nchkwianꞌ chaꞌ sti nchga neꞌ taꞌaan ngwa ayman Abraham kanꞌ, chabiyaꞌ ꞌin Ndiose.
Loꞌo ni, nchka ꞌa tiǎnꞌ chaꞌ ja tsaa tii chaꞌ suꞌwa yaꞌ Jesucristo nu nka Xꞌnaan ꞌin nchga wan, chaꞌ kaꞌan ꞌa chaꞌ suꞌwe ngiꞌni Ni loꞌoan nchga tsan. Kwiꞌ ngwañaꞌan nchka tiǎnꞌ chaꞌ nchga tsan kuwe tiꞌ wan chaꞌ suꞌwe ꞌa nka tiye Ni ñaꞌan Ni ꞌñaan. Kwiꞌ ngwañaꞌan, nchka tiǎnꞌ chaꞌ kanun Tyiꞌi Ndiose niꞌ kasiya ꞌwan, chaꞌ kwiꞌ Ni ngiꞌni Ni chaꞌ suꞌwa ndiꞌin chaꞌ ꞌñaan loꞌo Ni, loꞌo xka ta nten taꞌa msñian chaꞌ ꞌin Ndiose. Ngwañaꞌan ka sikwa.
Ñaꞌan tiꞌ si wa ngujwi wan, ngwañaꞌan ndyoꞌo chaꞌ ꞌwan, chaꞌ nu mdiꞌin ꞌa kiꞌya ꞌwan loꞌo Ndiose. Kanꞌ chaꞌ ja mjwi ñaꞌan nu lkwan Ndiose ꞌwan bra kanꞌ, chaꞌ ja mdiꞌin chaꞌ ꞌwan siyaꞌ ti loꞌo Ni nu ngwa bra kanꞌ. Loꞌo ni, wa yꞌni Ni chaꞌ ndyuꞌu wan xiyaꞌ sa ñaꞌan nu ndyuꞌu Krixtu. Wa yꞌni Ni chaꞌ tlyu tiꞌ ꞌñaan ꞌin nchga kiꞌya nu ndukwian ꞌin Ni.
Loꞌo ngulaa Ni ꞌñaan chunꞌ nchka tꞌnan ꞌa tiꞌ Ni ꞌñaan bra kanꞌ; nchka tꞌnan tiꞌ Ni ꞌñaan ni, siꞌi chunꞌ ska chaꞌ suꞌwe nu wa yꞌnian, siꞌi chunꞌ ska tñan kti nu wa yꞌnian. Ndiose yꞌni tñan kanꞌ, Ndiose yꞌni luwi kasiya ꞌñaan, kanꞌ chaꞌ ka chkwianꞌ chaꞌ wa ngula kwian xiyaꞌ; wa ngwa kwi kasiya ꞌñaan ni, chunꞌ tñan nu wa yꞌni Tyiꞌi Ndiose loꞌoan.
Sanasan