1 CORINTIOS 3:10 - Chatino Zona Alta Occidental

¹⁰ loꞌo naꞌ ni, ñaꞌan tiꞌ nten nu nñan naꞌan kanꞌ chaꞌ ꞌin Ndiose, ngwañaꞌan lkaǎn loꞌo wan, chunꞌ nduꞌuǔn chaꞌ ꞌin Ndiose ꞌwan. Xka chaꞌ ni: sa ñaꞌan lka si wa mstyaǎn suꞌwe ska kiyaꞌ naꞌan, loꞌo kanꞌ mdiyan xka ta yu nu kwiñan ji naꞌan kanꞌ, ngwañaꞌan lka taꞌa ndaꞌaǎn tñan nu ngwaꞌu la chaꞌ kanꞌ ꞌwan. Nchga nten nu nñan naꞌan ndiꞌin chaꞌ tyaꞌan suꞌwe chaꞌ tiye neꞌ kulo ndukwa la sa ñaꞌan tyisnan tyaꞌ naꞌan; kwiꞌ ngwañaꞌan nchga taꞌa ngiꞌni ba tñan, ndiꞌin chaꞌ kiꞌya suꞌwe ba kwenta sa ñaꞌan nu ka kwaꞌu suꞌwe la ba chaꞌ kanꞌ ꞌin nten.

1 CORINTIOS 3:10 Iomraidhean Croise

SAN MATEO 24:45

’¿Ta ndiya nten ꞌwan nu tyukwi ti tiye nchka tiꞌ kuꞌni tñan ꞌñaǎn a? Nde lka chaꞌ nu kuꞌni wan sikwa: Ska msu nu suꞌwe ni, ta xꞌnan yu tñan ꞌin yu chaꞌ ka yu ndloo niꞌ ñaꞌan ꞌin xꞌnan yu; kulo xꞌnan yu tñan ꞌin yu chaꞌ xku yu ꞌin nchga nten nu ndiꞌin niꞌ ñaꞌan kanꞌ, ni siya ja ndiꞌin xꞌnan neꞌ.

SAN MATEO 7:24

’Nchga nten nu kunan suꞌwe chaꞌ nu nchkwiǐnꞌ re, nchga nten nu tukwa chaꞌ nu nchkwiǐnꞌ, lka neꞌ kanꞌ sa ñaꞌan lka ska nten nu ngiꞌni suꞌwe kwenta xa nu ti ji kwiñan yu naꞌan ꞌin yu. Kanꞌ mñan yu kanꞌ naꞌan ꞌin yu chunꞌ ska kee jaaꞌ.

SAN LUCAS 11:35

Ndii ti tiꞌ wan sikwa; kiꞌya wan kwenta si chañi chaꞌ nsuꞌwi xaa luwi niꞌ kasiya ꞌwan, si ja nsuꞌwi chaꞌ kuxi niꞌ kasiya ꞌwan.

SAN LUCAS 21:8

―Kiꞌya wan kwenta ―ndukwin Jesús bra kanꞌ―, chaꞌ ja tukwin kwiñi lyoꞌo ꞌwan. Kaꞌan ꞌa nten kan nu chkwiꞌ chaꞌ ykwiꞌ neꞌ lka Krixtu: “Wa ndiya bra nu mdiyan Ni xiyaꞌ” nchkwin neꞌ kanꞌ. Ja xñi wan chaꞌ nu chkwiꞌ neꞌ kanꞌ.

LOS HECHOS 18:27

Chunꞌ ndiꞌin la ngwa tiꞌ Polo tsaa yu nde lo yuu ꞌin Acaya. Suꞌwe nka tiye nchga nten ꞌin Jesucristo nde Efeso chaꞌ tsaa yu nde kwa, kanꞌ chaꞌ ngwaꞌan neꞌ ska kityi chaꞌ tsaa seꞌen ndiꞌin nten ꞌin Jesucristo nde kwa, chaꞌ suꞌwe ti chkwiꞌ neꞌ loꞌo yu xa nu kala yu nde seꞌen ndiꞌin neꞌ. Ndyaa yu bra kanꞌ, mdiyan yu lo yuu ꞌin Acaya bra kanꞌ. Loꞌo mdayaꞌ ꞌa yu ꞌin nten nu ndiꞌin chaꞌ ꞌin loꞌo Jesucristo nchga kichen seꞌen ndyaa yu. Chaꞌ suꞌwe ꞌa nka tiye Ndiose ñaꞌan Ni ꞌin nten, kanꞌ chaꞌ wa msñi neꞌ kwa chaꞌ ꞌin Ni.

ROMANOS 1:5

Suꞌwe ꞌa ngiꞌni Ndiose loꞌoǔn chunꞌ tñan nu yꞌni Jesucristo. Wa ngulo Ni tñan ꞌñaǎn chaꞌ tsaꞌaǎn ñaꞌaan chalyuu, nchga seꞌen ndiꞌin nten; chabiyaꞌ ꞌin Ndiose tsaꞌaǎn chkwiǐnꞌ chaꞌ suꞌwe ꞌin Ni loꞌo nten. Nchka tiꞌ Ndiose chaꞌ kaja nten ꞌin Ni nde nchga kichen, nten nu sten chaꞌ ꞌin Ndiose, nten nu kunan nchga chaꞌ nu nchkwiꞌ Ni.

ROMANOS 12:3

Tlyu ꞌa chaꞌ suꞌwe yꞌni Ndiose loꞌoǔn, bra nu mda Ni tñan re ꞌñaǎn; kanꞌ chaꞌ nchkwiǐnꞌ loꞌo wan ni, chaꞌ ja kuꞌni ꞌa siyeꞌ wan loꞌo xka ta nten. Nde ñaꞌan ndiꞌin chaꞌ tyaꞌan chaꞌ tiye wan chaꞌ ꞌin nchga tñan nu nchka ꞌwan ni; tyuꞌwi tiꞌ wan chaꞌ Krixtu yꞌni chaꞌ nchka ꞌwan kuꞌni wan tñan kanꞌ, chunꞌ nu msñi wan chaꞌ ꞌin Ni.

ROMANOS 15:15

Wa ngwaꞌaǎn kityi re chaꞌ tsaa seꞌen ndiꞌin wan la kwa; loꞌo ja siyaꞌ ntseěn chkwiǐnꞌ chaꞌ kanꞌ loꞌo wan, chaꞌ xñi suꞌwe la wan chaꞌ kanꞌ. Ndiya chabiyaꞌ ꞌñaǎn chaꞌ chkwiǐnꞌ loꞌo wan ngwañaꞌan, chaꞌ Ndiose mda tñan re ꞌñaǎn, chaꞌ suꞌwe ꞌa yꞌni Ni loꞌoǔn.

ROMANOS 15:20

Lye ꞌa yꞌniǐn tñan, chaꞌ ndaꞌan naǎn nchga kichen seꞌen nu ti ji kunan neꞌ chaꞌ ꞌin Krixtu. Kanꞌ ti kichen nganuǔn ngwaꞌuǔn chaꞌ suꞌwe kanꞌ ꞌin nten, chaꞌ ja nchka tiǎnꞌ steěn yuꞌwiǐn lo tñan nu ngiꞌni xka ta nten ꞌin Krixtu.

1 CORINTIOS 3:11

Loꞌo Ndiose ni, wa lka mstya Ni ꞌin Jesucristo, chaꞌ ska ti Ni lka suun nchga chaꞌ kanꞌ, chaꞌ ti kwiꞌ Jesús lka kiyaꞌ chaꞌ nu wa msñian ꞌin Stian Ndiose; ja nsuꞌwi xka la joꞌo, ta xka la nten nu lka suun chaꞌ kanꞌ.

1 CORINTIOS 9:2

ni siya nxkeꞌ tiꞌ xka ta nten chaꞌ siꞌi tñan ꞌin Ni lkaǎn. ꞌWan neꞌ Corinto, wa nsuꞌwi lyo wan ꞌñaǎn, chaꞌ naꞌ ykwiǐnꞌ chaꞌ ꞌin Jesús loꞌo wan ti kulo. Chañi chaꞌ kanꞌ. Ka jlyo tiꞌ nten chaꞌ tñan ꞌin Jesús ngiꞌniǐn, bra nu ñaꞌan neꞌ sa ñaꞌan yaa toꞌo chaꞌ kanꞌ loꞌo wan.

2 CORINTIOS 10:15

Ja nchkwiꞌ ba chaꞌ ꞌin tñan nu ngiꞌni xka ta nten chabiyaꞌ ꞌin Ndiose; nchkwiꞌ ba chaꞌ ꞌin sa kwa ti tñan nu nda Ni chabiyaꞌ chaꞌ kuꞌni ykwiꞌ ba nde seꞌen ndiꞌin wan. Sa kanꞌ ti chaꞌ nchka tiꞌ ba, chaꞌ xñi suꞌwe la wan chaꞌ ꞌin Ndiose chunꞌ ndiꞌin la, chaꞌ bra kanꞌ kaꞌan la tñan ka kuꞌni ba loꞌo wan, ti kwiꞌ ñaꞌan nu wa nda Ni chabiyaꞌ chaꞌ kuꞌni ba.

EFESIOS 2:20

Nchga wan nu msñi wan chaꞌ ꞌin Krixtu, wa lkaan taꞌaan; ska ti Krixtu lka ndloo la ꞌñaan. Chunꞌ tñan nu yꞌni Krixtu, kanꞌ chaꞌ wa nganun suꞌwe chaꞌ ꞌwan loꞌo Ndiose; chunꞌ Krixtu, kanꞌ chaꞌ wa mjwi tñan nu kuꞌni skaa wan, chaꞌ ka wan tñan ꞌin Ni, chaꞌ wa ngwa suꞌwa chaꞌ ꞌwan loꞌo Ni. Ñaꞌan tiꞌ ska naꞌan nu suꞌwe ꞌa ndyaꞌ, ngwañaꞌan lka wan. Tsaa ꞌa ndukwa kiyaꞌ naꞌan kanꞌ, chaꞌ nsuꞌwi ska kee tlyu kiyaꞌ naꞌan kanꞌ nu nda jwersa ꞌin naꞌan kanꞌ; chunꞌ kee kanꞌ ndyaꞌ tyukwi ñaꞌaan naꞌan kanꞌ bra kanꞌ. Loꞌo nten nu yꞌni xaꞌan chaꞌ ꞌin Jesús ti kulo, loꞌo ayman nu ykwiꞌ chaꞌ ꞌin Ndiose loꞌo nten nu ngwa sꞌni, ti kwiꞌ neꞌ kanꞌ mstya neꞌ kiyaꞌ chaꞌ kanꞌ, chaꞌ msñi wan chaꞌ ꞌin Ndiose; loꞌo ska ti Krixtu lka nu nduun loo la ꞌwan.

COLOSENSES 1:29

Kanꞌ chaꞌ lye ꞌa ngiꞌniǐn tñan; ngula ꞌa tñan ngiꞌniǐn, loꞌo ngwañaꞌan tlyu ꞌa jwersa nda ykwiꞌ Krixtu ꞌñaǎn chaꞌ xuꞌwi niꞌ kasiya ꞌñaǎn, chaꞌ taloǔn kuꞌniǐn tñan re.

COLOSENSES 4:17

Nde lka chaꞌ nu chkwiꞌ wan loꞌo Arquipo taꞌaan: “Wa nda ykwiꞌ Xꞌnaan ska tñan nu kuꞌnii chaꞌ ꞌin Ni” nchkwin wan ꞌin yu, “kanꞌ chaꞌ ni, suꞌwe ti kuꞌnii tñan kanꞌ, chaꞌ tsaa toꞌo suꞌwe ran”.

1 TIMOTEO 4:16

Taloo kuꞌnii tñan kanꞌ sikwa. Kuꞌnii kwenta ꞌin ti ykwiiꞌ tii chaꞌ xkwiꞌ chaꞌ suꞌwe kuꞌnii. Suꞌwe ti kwaꞌuu ꞌin neꞌ taꞌaan, chaꞌ ngwañaꞌan kunan suꞌwe neꞌ chaꞌ nu nduꞌuu ꞌin neꞌ, chaꞌ kulaa Ndiose ꞌin neꞌ kanꞌ ꞌin chaꞌ kuxi bra kanꞌ. Kwiꞌ ngwañaꞌan kulaa Ni ꞌiin bra kanꞌ.

2 TIMOTEO 2:15

Lye ꞌa kuꞌnii tñan nu wa nda Ndiose ꞌiin, chaꞌ ja ka jyuꞌu tiiꞌ ꞌin tñan nu wa yꞌnii nde re, bra nu tsaa tyiꞌian nde seꞌen ndiꞌin Ni. Chañi ꞌa lka chaꞌ ꞌin Ndiose, kanꞌ chaꞌ ti kwaꞌuu la chaꞌ nu ñi kanꞌ ꞌin neꞌ sikwa; loꞌo suꞌwe ti ka tiye Ni ñaꞌan Ni ꞌiin bra kanꞌ.

SANTIAGO 3:1

ꞌWan taꞌa msñian chaꞌ ꞌin Krixtu, ja suꞌwe si tyun ꞌa wan nchka tiꞌ wan kwaꞌu wan ꞌin taꞌa nten wan; yaꞌ la si chinꞌ ti nan kaan mstru chaꞌ kwaꞌuan chaꞌ ꞌin Ndiose ꞌin taꞌaan. Wa jlyo tiꞌ wan chaꞌ lye ꞌa ñaꞌan kwiꞌya neꞌ ꞌñaan nu lkaan mstru, kanꞌ chaꞌ ndla ꞌa chkwiꞌ neꞌ ꞌñaan si chen ñaꞌan tyoꞌo tñan nu ngiꞌnian xa wa ngwaꞌuan ꞌin taꞌaan.

1 SAN PEDRO 4:11

Kwaꞌu wan chaꞌ ꞌin Ndiose ꞌin nten, si kanꞌ lka tñan nu wa nda Ni ꞌwan chaꞌ kuꞌni wan; kwaꞌu wan nchga chaꞌ nu nchka tiꞌ Ni chkwiꞌ Ni loꞌo neꞌ. Kwiꞌ ngwañaꞌan, tayaꞌ wan ꞌin taꞌa nten wan loꞌo tyukwi jwersa nu nda Ni ꞌwan, si kanꞌ lka tñan nu wa nda Ni ꞌwan chaꞌ kuꞌni wan. Bra nu ñaꞌan nten chaꞌ suꞌwe nu ngiꞌni wan, bra kanꞌ kuꞌni tnun neꞌ ꞌin Ndiose chabiyaꞌ ꞌin Jesucristo. Loꞌo bra kanꞌ ja tsaa tii ꞌa chaꞌ kuꞌni tnun nten ꞌin Krixtu kanꞌ, chaꞌ Krixtu lka ndloo siyaꞌ ti. Ngwañaꞌan ka sikwa.

2 SAN PEDRO 3:15

Tyuꞌwi tiꞌ wan chaꞌ ndalo ꞌa Ndiose ꞌñaan, wa nda ꞌa Ni tyempu ꞌñaan chaꞌ tyoꞌo laan ꞌin chaꞌ kuxi. Kwiꞌ ngwañaꞌan Palyu taꞌaan ni, ti kwiꞌ taꞌa chaꞌ ngwaꞌan yu lo kityi; taꞌa suꞌwe nsuꞌwian lka yu kanꞌ, loꞌo suꞌwe ꞌa nchkwiꞌ kityi nu ngwaꞌan yu ngala seꞌen ndiꞌin wan. Ndiose lka nu ngwaꞌu ꞌin yu nchga chaꞌ suꞌwe nu ngwaꞌan yu lo kityi kanꞌ.

EL APOCALIPSIS 21:14

Loꞌo tii tyukwa kee tnun nsuꞌwi kiyaꞌ loꞌoo kanꞌ; siꞌ kee kanꞌ wa ndukwa nin tii tyukwa nten, kwiꞌ nu ngulo nu lka ñaꞌan tiꞌ slyaꞌ kanꞌ tñan, chaꞌ kuꞌni neꞌ tñan chabiyaꞌ ꞌin Ndiose bra kanꞌ; kanꞌ lka taꞌa mdaꞌan Krixtu.

EL APOCALIPSIS 21:19

Wa ngwa tkanꞌ kee tnun nu nsuꞌwi kiyaꞌ loꞌoo kichen loꞌo nchga lo kee xaa nu nsuꞌwi lo chalyuu. Kee nu nchka kulo nu nsuꞌwi kiyaꞌ loꞌoo, wa ngwa tkanꞌ ran loꞌo kee jaspe; loꞌo kee nu nchka tukwa nu nsuꞌwi kiyaꞌ loꞌoo, ngwa tkanꞌ ran loꞌo kee zafiro, ska kee kolo kuxiꞌ xaa; kwiꞌ kee nu nchka snan nu nsuꞌwi kiyaꞌ loꞌoo, ngwa tkanꞌ ran loꞌo kee ágata, ska kee tyun kolo; kwiꞌ kee nu nchka jakwa nu nsuꞌwi kiyaꞌ loꞌoo, ngwa tkanꞌ ran loꞌo kee esmeralda, ska kee kolo ngaꞌá;