1 CORINTIOS 13:7 - Chatino Zona Alta Occidental

⁷ Bra nu chañi chaꞌ suꞌwe nka tiyean ñaꞌaan ꞌin nten, lye la taloan ꞌin neꞌ bra kanꞌ, ni siya kuꞌni neꞌ nchga chaꞌ kuxi; tsaa ñaꞌan tianꞌ nchga chaꞌ suꞌwe, tyiꞌin taan chaꞌ suꞌwe la ka chaꞌ nde loo la, ni siya ja jlyo tianꞌ; kwiꞌ ngwañaꞌan, ndiꞌin chaꞌ taloan loꞌo nchga chaꞌ nu nchka ꞌñaan lo chalyuu re ni.

1 CORINTIOS 13:7 Iomraidhean Croise

SAN MATEO 10:22

Kwiꞌ ngwañaꞌan kuꞌni liyeꞌ tiꞌ nchga nten ꞌwan chunꞌ ndyaa ñaꞌan tiꞌ wan ꞌñaǎn. Nten nu talo chaꞌ tyijin nchga chaꞌ kuxi kanꞌ, suꞌwe ti tyoꞌo neꞌ kanꞌ, kaja chalyuu kwi nu ja tsaa tii ꞌa ꞌin neꞌ kanꞌ bra kanꞌ.

SAN MARCOS 9:23

―¿Ni chaꞌ lka ndukwiin ꞌñaǎn ngwañaꞌan “si nchka ꞌñaǎn?” ―ndukwin Jesús ꞌin yu―. Nchga lo tñan nchka ꞌin ska nten nu ndyaa ñaꞌan tiꞌ ꞌin Ndiose ―ndukwin.

ROMANOS 15:1

Nchgaan nu ngula nka tiyean chunꞌ wa ytean chaꞌ ꞌin Krixtu, ndiꞌin chaꞌ taloan ꞌin taꞌaan nu ti ji xñi suꞌwe chaꞌ kanꞌ; ndiꞌin chaꞌ kuwe tianꞌ ꞌin neꞌ. Ja tyaꞌan ꞌa chaꞌ tiyean xkwiꞌ chaꞌ ꞌin tñan ngiꞌnian, ti ykwiinꞌ tian.

ROMANOS 8:24

Ndyaa ñaꞌan tianꞌ chaꞌ ngulaa Ni ꞌñaan, ni siya ndiꞌin chaꞌ kataan sa ñaꞌan bra tiya tsan tlyu kanꞌ, chaꞌ kuꞌni tyii Ni tñan nu ngiꞌni Ni. Ska nan nu chan ꞌa ndiꞌin taan ni, bra wa naꞌaan chaꞌ mdoꞌo tukwa chaꞌ kanꞌ, ja ndiꞌin chaꞌ ti kataan laan ꞌin ran bra kanꞌ; ja tyiꞌin ta ꞌaan ꞌin ran, chaꞌ wa naꞌaan ꞌin ran bra kanꞌ.

1 CORINTIOS 13:4

Si chañi chaꞌ suꞌwe nka tiyean ñaꞌaan ꞌin nten, lye la taloan ꞌin neꞌ bra kanꞌ, chka tꞌnan tianꞌ ꞌin neꞌ bra kanꞌ; ja ndiꞌin chaꞌ tyijin chaꞌ ꞌñaan loꞌo neꞌ bra kanꞌ, ja ndiꞌin chaꞌ kuꞌni tukwa tianꞌ bra nu chkwianꞌ loꞌo neꞌ, ja ndiꞌin chaꞌ kuꞌni siyeanꞌ loꞌo neꞌ bra kanꞌ.

1 CORINTIOS 9:12

Xka la taꞌa ngiꞌni ba tñan ndyiji nan lka nu lyiji ꞌin neꞌ bra nu nda wan chinꞌ siyaꞌ neꞌ kanꞌ. ¿Ta ja suꞌwe si ti kwiꞌ ti chaꞌ kaja ꞌwa, sa ñaꞌan nu ndyiji ꞌin neꞌ kanꞌ a? Sa kanꞌ ti chaꞌ, ja ska bra mjñan ba chaꞌ suꞌwe kanꞌ ꞌwan. Ndalo ꞌa ba nchga nu tiꞌí nu ndijin ba chaꞌ ja siyaꞌ nchka tiꞌ ba tukunꞌ ba chaꞌ suꞌwe ꞌin Krixtu nu nchkwiꞌ ba loꞌo wan; nchka tiꞌ ba chaꞌ kunan wan chaꞌ kanꞌ.

GÁLATAS 6:2

Kuꞌni suꞌwa tiye wan loꞌo taꞌa nten wan, chaꞌ ka tayaꞌ wan ꞌin neꞌ loꞌo ska chaꞌ tukwi nu ndiꞌin ꞌin neꞌ, chaꞌ ja kuꞌni neꞌ ska chaꞌ kuxi. Ngwañaꞌan ndukwaan suꞌwean nchga tñan nu nda Krixtu ꞌñaan chaꞌ kuꞌnian.

2 TESALONICENSES 1:4

Suꞌwe ꞌa bra kanꞌ. Suꞌwe ꞌa nka tiye ba chaꞌ ꞌwan, kanꞌ chaꞌ nchkwiꞌ ba chaꞌ ꞌwan loꞌo nchga nten taꞌa msñian chaꞌ ꞌin Ndiose. Nchkwiꞌ ba loꞌo neꞌ chaꞌ suꞌwe ꞌa ngiꞌni wan, chaꞌ ngula ꞌa tiꞌ niꞌ kasiya ꞌwan chaꞌ ꞌin Ndiose, ni siya ndijin ꞌa wan nu tiꞌí, ni siya lye ꞌa tiꞌí tiꞌ nten ꞌwan ni. Suꞌwe ꞌa chaꞌ ndalo wan ꞌin neꞌ, ni siya kuxi ꞌa ngiꞌni neꞌ kanꞌ loꞌo wan.

2 TIMOTEO 2:24

Si nka wan nten nu ngiꞌni tñan ꞌin nu nka Xꞌnaan ni, ja suꞌwe si tyiꞌin wan wsuun loꞌo taꞌa wan; ndiꞌin chaꞌ chkwiꞌ suꞌwe wan loꞌo nchga nten. Loꞌo suꞌwe ꞌa si nchka ꞌwan kwaꞌu wan chaꞌ ꞌin Ndiose ꞌin xka ta nten; kwiꞌ ngwañaꞌan, ndiꞌin chaꞌ talo wan ꞌin nten nu tiꞌí tiꞌ ꞌwan,

2 TIMOTEO 3:11

ni siya lye ꞌa tiꞌí tiꞌ nten ꞌñaǎn, ni siya lye ꞌa ndijiǐn nu tiꞌí. Wa jlyo tiiꞌ sa ñaꞌan chaꞌ kuxi ngwa ꞌñaǎn nde kichen Antioquía, nde kichen Iconio, nde kichen Listra, bra nu ngwa tiꞌí tiꞌ neꞌ ꞌñaǎn la kanꞌ; loꞌo nu nka Xꞌnaan ngulaa ꞌñaǎn ꞌin nchga chaꞌ kuxi kanꞌ.

2 TIMOTEO 4:5

Nuꞌwin ni, tyaꞌan chinꞌ chaꞌ suꞌwe tiyee nan lka nu suꞌwe la kuꞌnii, chaꞌ taloo la bra nu tiꞌí ꞌa tiꞌ neꞌ ꞌiin, chaꞌ ñaꞌan ti chkwiiꞌ chaꞌ suꞌwe ꞌin Ndiose loꞌo nten, chaꞌ ti kuꞌnii la nchga tñan nu ndiꞌin chaꞌ kuꞌnii chaꞌ ꞌin Ndiose.

HEBREOS 13:13

Loꞌo nan, suꞌwe si ja kutsean, ni siya tsaa loꞌo neꞌ ꞌñaan chaꞌ ta neꞌ nu tiꞌí ꞌñaan chaꞌ ꞌin Jesús, ñaꞌan tiꞌ si suꞌwa tsaan loꞌo Jesús.

SANTIAGO 1:12

Ka suꞌwe ka tiye nten nu ti nsñi chaꞌ ꞌin Jesús, ni siya tyijin neꞌ kaꞌan ꞌa nu tiꞌí. Suꞌwe si chan talo neꞌ, xa wa mdyii chaꞌ tiꞌí kanꞌ ꞌin neꞌ, chaꞌ kaja chalyuu ꞌin neꞌ nu ja tsaa tii ꞌa bra kanꞌ; kanꞌ lka chaꞌ suꞌwe nu wa ndukwin Ndiose chaꞌ ta Ni ꞌin nten nu suꞌwe ꞌa nka tiye ñaꞌan ꞌin Ni.

1 SAN PEDRO 2:24

Ti kwiꞌ Krixtu ngwiꞌya yu nchga yuweꞌ nu ndiꞌin ꞌñaan. Ska yaꞌ ti mstya neꞌ ꞌin yu lo wsi chaꞌ kuꞌni tyii kiꞌya nu ndiꞌin ꞌñaan taꞌaan, chaꞌ tyoꞌo laan ꞌin chaꞌ kuxi. Kanꞌ chaꞌ ka tyiꞌian lo chalyuu ni chaꞌ ꞌin Krixtu, chaꞌ ngwañaꞌan xlyaan kuꞌnian nchga chaꞌ suꞌwe nu nchka tiꞌ Xꞌnaan chaꞌ kuꞌnian. Chunꞌ nu tiꞌí nu mdijin Krixtu, kanꞌ chaꞌ tyii nchga chaꞌ kuxi nu nsuꞌwi niꞌ kasiya ꞌñaan, sa ñaꞌan nu nchkaa ska seꞌen nu tiꞌí ꞌñaan.

1 SAN PEDRO 4:8

Tñan nu ndloo ꞌa chaꞌ kuꞌni wan ni, ndiꞌin chaꞌ xkwiꞌ ka suꞌwe ka tiye wan ñaꞌan wan ꞌin taꞌa nten wan. Si ngwañaꞌan nka tiyean ñaꞌaan ꞌin taꞌaan, bra kanꞌ kuꞌnian chaꞌ tlyu tiꞌ ꞌin taꞌaan bra nu ndiya chaꞌ kuxi nu yꞌni taꞌaan loꞌoan.