1 CORINTIOS 1:10 - Chatino Zona Alta Occidental

¹⁰ ꞌWan taꞌa msñian chaꞌ ꞌin Krixtu, chkwiǐnꞌ loꞌo wan ni chabiyaꞌ ꞌin Jesucristo nu nka Xꞌnaan, chaꞌ kuꞌni wan chaꞌ ka suꞌwa chaꞌ ꞌin nchga wan loꞌo taꞌa wan, chaꞌ ja chkwiꞌ ꞌa wan tukwa loo chaꞌ. Tyiꞌin suꞌwe wan loꞌo taꞌa wan, ska ti chaꞌ tyaꞌan tiye wan, ska ti chaꞌ kuwe tiꞌ wan.

1 CORINTIOS 1:10 Iomraidhean Croise

SAN MATEO 9:16

’Xka chaꞌ chkwiǐnꞌ loꞌo wan: Ja tukwin kuꞌni xuꞌwe ska teꞌ kusun ꞌin neꞌ loꞌo sa yuꞌwe teꞌ tiji, chaꞌ bra nu wa ngaten teꞌ kanꞌ, ndyiꞌiin teꞌ tiji kanꞌ; katiꞌ seꞌen nchkwan teꞌ kanꞌ bra kanꞌ.

SAN MARCOS 2:21

’Xka chaꞌ ni, nten nu nxkwan teꞌ, nu kuꞌni xuꞌwe teꞌ kusun, ja xuꞌwi neꞌ sa yuꞌwe teꞌ tiji lo ska teꞌ kusun, chaꞌ ngatiꞌ la teꞌ tiji; bra ti tyiꞌiin ran, tyaaꞌ seꞌen nchkwan ran bra kanꞌ.

SAN MARCOS 3:24

Ja ka. Bra ti tyii chaꞌ ꞌin ska kichen ngwañaꞌan ti, bra nu xkwiꞌ nsuun ska ta neꞌ wsiya loꞌo xka ta neꞌ wsiya.

SAN JUAN 10:19

Xiyaꞌ ja ngwa kuꞌni suꞌwa neꞌ judío chaꞌ loꞌo taꞌa neꞌ, chaꞌ nu ykwiꞌ Jesús ngwañaꞌan.

SAN JUAN 17:23

Suꞌwa lka tiyeěn loꞌo neꞌ kanꞌ, loꞌo suꞌwa lka tiyee loꞌoǔn ―ndukwin―, kanꞌ chaꞌ chañi chaꞌ ka suꞌwa kasiya ꞌin neꞌ loꞌo taꞌa neꞌ. Ngwañaꞌan ka biyaꞌ tiꞌ nchga nten chalyuu chaꞌ nuꞌwin wa msuꞌwaa ꞌñaǎn chaꞌ mdiyaǎn lo chalyuu, chaꞌ sa ñaꞌan nu ndiya ꞌa tiiꞌ ꞌñaǎn, ngwañaꞌan ndiya ꞌa tiiꞌ ꞌin nten nu wa yten chaꞌ ꞌñaǎn.

SAN JUAN 7:43

Ja ngwa suꞌwa chaꞌ ꞌin neꞌ loꞌo taꞌa neꞌ chaꞌ ꞌin Jesús.

SAN JUAN 9:16

Loꞌo ndiya chinꞌ neꞌ fariseo nu ykwiꞌ chaꞌ re: ―Siꞌi seꞌen ndiꞌin Ndiose mdoꞌo yu kanꞌ, kanꞌ chaꞌ ja nduwe tiꞌ yu ni siya kti ꞌa tsan taꞌa ni. Loꞌo ndiya xka ta nten nu ykwiꞌ chaꞌ re ꞌin yu: ―¿Ni ñaꞌan ka ra ꞌin yu kanꞌ kuꞌni yu chaꞌ tnun chabiyaꞌ ꞌin Ndiose si ndukwi ꞌa yu kiꞌya ngwañaꞌan a? Ja suꞌwa ykwiꞌ neꞌ kanꞌ chaꞌ ꞌin Jesús.

LOS HECHOS 4:32

Ska seꞌen ti ndiꞌin nchga neꞌ nu yten chaꞌ ꞌin Jesucristo; suꞌwa ꞌa yꞌni nchga neꞌ kanꞌ loꞌo taꞌa neꞌ, ska ti chaꞌ lka tiye nchga neꞌ. Mda neꞌ kanꞌ nchga nan nu nsuꞌwi ꞌin neꞌ chaꞌ kunanjoꞌo ꞌin nchga neꞌ loꞌo taꞌa neꞌ.

ROMANOS 1:13

ꞌWan taꞌa msñian chaꞌ ꞌin Jesús, nchka tiǎnꞌ chaꞌ ka biyaꞌ tiꞌ wan chaꞌ suꞌwe ꞌa nsuꞌwi tiyeěn ꞌwan. Tyun yaꞌ ngwa tiǎnꞌ kaǎn seꞌen ndiꞌin wan, loꞌo ni ñaꞌan ti, ti ji kaja ñaꞌan kaǎn. Sa ñaꞌan nu yꞌniǐn la xka kichen, kwiꞌ ngwañaꞌan nchka tiǎnꞌ kuꞌniǐn nde kichen seꞌen ndiꞌin wan; nchka tiǎnꞌ chaꞌ kaꞌan la nten sten chaꞌ ꞌin Jesús, loꞌo ngwañaꞌan nchka tiǎnꞌ chaꞌ ti kwaꞌuǔn la chaꞌ kanꞌ ꞌwan.

ROMANOS 12:1

ꞌWan taꞌa ndiꞌin chaꞌ ꞌñaan loꞌo Krixtu, chaꞌ lye ꞌa nchka tꞌnan tiꞌ Ni ꞌñaan, kanꞌ chaꞌ nchkwiǐnꞌ loꞌo wan ni. Ta wan tyukwi ñaꞌaan wan ꞌin Ndiose, chaꞌ kuꞌni wan nchga tñan nu nchka tiꞌ Ni chaꞌ kuꞌni wan lo chalyuu; ta wan tyukwi ñaꞌaan wan ꞌin Ndiose chaꞌ xkwiꞌ chaꞌ ꞌin Ni tyiꞌin wan lo chalyuu, chaꞌ wa lka wan sa ñaꞌan lka ska lomstan nu luꞌu. Ndiya tiꞌ Ndiose chaꞌ kuꞌni wan ngwañaꞌan; chaꞌ nu lka wan nten ꞌin Ni, ndiꞌin chaꞌ kuꞌni wan ngwañaꞌan.

ROMANOS 12:16

Ska ñaꞌan ti chaꞌ chkwiꞌ wan loꞌo nchga taꞌa ndiꞌin chaꞌ ꞌwan loꞌo Jesucristo; ja kuꞌni siyeꞌ wan loꞌo neꞌ tiꞌi taꞌa wan, suꞌwe ti chkwiꞌ wan loꞌo neꞌ kanꞌ. Suꞌwa ti tyiꞌin wan loꞌo neꞌ kanꞌ, ja tyaꞌan chaꞌ tiye wan chaꞌ ꞌwan, jlyo la tiꞌ ꞌwan.

ROMANOS 15:30

ꞌWan taꞌa msñian chaꞌ ꞌin Ndiose, chkwiǐnꞌ loꞌo wan chabiyaꞌ ꞌin Jesucristo nu nka Xꞌnaan, chaꞌ ngwañaꞌan suꞌwe ꞌa nka tiye wan ñaꞌan wan ꞌin taꞌa nten wan, chunꞌ tñan nu ngiꞌni Tyiꞌi Ndiose niꞌ kasiya ꞌwan. Kuꞌni wan chaꞌ suꞌwa ka tiye wan loꞌoǔn, chaꞌ taꞌa ti chkwiꞌ wan loꞌo Ndiose chaꞌ ꞌñaǎn.

ROMANOS 16:17

ꞌWan taꞌa ndiꞌin chaꞌ ꞌñaan loꞌo Krixtu, lye ꞌa chkwiǐnꞌ loꞌo wan ni, chaꞌ tiya ti tiꞌ tyiꞌin wan lo chalyuu, chaꞌ ja kan ꞌa nten nu suꞌwa chaꞌ wsuun ꞌwan loꞌo taꞌa wan, chaꞌ ja tukunꞌ neꞌ kanꞌ chaꞌ nu ñi ꞌin Krixtu nu wa ynan wan. Ja xñi wan chaꞌ nchkwiꞌ neꞌ kanꞌ,

1 CORINTIOS 1:11

Nu ngwa xkanꞌ ti mjwi rsun ꞌñaǎn, bra nu ytsaꞌ neꞌ taꞌa Cloé ꞌñaǎn chaꞌ lye ꞌa ndiꞌin chaꞌ wsuun ꞌwan loꞌo taꞌa wan, chaꞌ ja suꞌwa chaꞌ ꞌwan loꞌo taꞌa wan.

1 CORINTIOS 11:18

Wa ytsaꞌ neꞌ ꞌñaǎn chaꞌ ja suꞌwe ngiꞌni wan seꞌen ndyoꞌ tiꞌin wan chaꞌ ku siin wan. Ska ñaꞌan ngiꞌni wan ska wan, ndukwin neꞌ. Loꞌo kwiꞌ ngwañaꞌan ngiꞌni wan, nxkeꞌ tiǎnꞌ.

1 CORINTIOS 12:25

Suꞌwa ti ngiꞌni nchga tijyan tñan laja kunaanꞌ, suꞌwa ti ndiꞌin chaꞌ ꞌin ska tijyaan loꞌo xka la tijyaan seꞌen ndya kala ran.

1 CORINTIOS 3:3

chaꞌ ti ndiya la tiꞌ wan nchga chaꞌ kuxi nu ngiꞌni nten chalyuu. Chaꞌ nu liyeꞌ tiꞌ wan ꞌin taꞌa nten wan, chaꞌ nu lye ꞌa wsuun ndiꞌin wan, kanꞌ chaꞌ chkanꞌ tijyuꞌ chaꞌ ndiya la tiꞌ wan chaꞌ kuxi nu ngiꞌni nten chalyuu. Ti ngiꞌni wan sa ñaꞌan nu ngiꞌni nten kuxi,

1 CORINTIOS 4:16

Kanꞌ chaꞌ ni, nchkwiǐnꞌ ꞌaǎn loꞌo wan chaꞌ kuꞌni wan sa ñaꞌan nu naꞌan wan ngiꞌniǐn.

2 CORINTIOS 10:1

Palyu lkaǎn nu nchkwiǐnꞌ loꞌo wan ni. Kuꞌni wan chaꞌ tlyu tiꞌ ꞌñaǎn, ni siya chkwiǐnꞌ ñi loꞌo wan. Ndiya nten nu ndukwin chaꞌ ntseěn ꞌaǎn chkwiǐnꞌ loꞌo wan xa nu ndiꞌiǐn seꞌen ndiꞌin wan, loꞌo ngiꞌniǐn tláǎn ꞌaǎn ꞌwan xa nu ndiꞌiǐn tijyuꞌ; ngwañaꞌan ndukwin neꞌ. Tyaa yuꞌwi tiꞌ wan sikwa, chaꞌ xkwiꞌ suꞌwe ti nka tiye Krixtu ñaꞌan Ni ꞌñaan.

2 CORINTIOS 13:11

ꞌWan taꞌa msñian chaꞌ ꞌin Jesucristo, nslaǎnꞌ loꞌo wan ni, xa wa tyii ti kwaꞌaǎn kityi re. Kuꞌni ji wan sa ñaꞌan nu ndiꞌin chaꞌ kuꞌni wan chaꞌ lka wan nten ꞌin Ndiose. Kunan suꞌwe wan nchga chaꞌ nu nchkwiǐnꞌ lo kityi re. Ka suꞌwa ka tiye wan loꞌo xka ta taꞌa nten wan. Suꞌwe ti tyiꞌin wan loꞌo nchga nten. Loꞌo bra kanꞌ ti kwiꞌ Ndiose, tyiꞌin Ni loꞌo wan nchga tsan; suꞌwe ꞌa ka tiye Ni ñaꞌan Ni ꞌñaan, kwiꞌ ngiꞌni Ni chaꞌ tiin ti tyiꞌian niꞌ kasiya ꞌñaan.

2 CORINTIOS 13:9

Bra nu suꞌwe ꞌa nganun tsaa chaꞌ ꞌin Ndiose niꞌ kasiya ꞌwan, suꞌwe ꞌa nka tiye ba bra kanꞌ, ni siya chinꞌ ti chaꞌ nchka ꞌin ykwiꞌ ba; kanꞌ chaꞌ njñan ba chaꞌ ꞌin Ndiose chaꞌ ꞌwan, chaꞌ xñi ñi tiye wan chaꞌ ꞌin Ni.

2 CORINTIOS 5:20

kanꞌ chaꞌ ndaꞌan ba seꞌen ndiꞌin wan chabiyaꞌ ꞌin Krixtu. Nchkwiꞌ ba loꞌo wan ñaꞌan tiꞌ si Ndiose nniin Ni ꞌwan chaꞌ kunan suꞌwe wan chaꞌ nu nchkwiꞌ Krixtu. Nchkwiꞌ ba loꞌo wan chabiyaꞌ ꞌin Krixtu sikwa, chaꞌ kuꞌni wan chaꞌ ka suꞌwe chaꞌ ꞌwan loꞌo Ni.

2 CORINTIOS 6:1

Taꞌa ngiꞌnian tñan ꞌin Ndiose lka wan; kanꞌ chaꞌ nchkwiꞌ ꞌa ba loꞌo wan, chaꞌ ja tnaꞌ wan chaꞌ suꞌwe ꞌin Ndiose ngwa ti ñaꞌan, ti kwiꞌ chaꞌ suꞌwe kanꞌ nu wa nda Ni chaꞌ kanun niꞌ kasiya ꞌwan. Wa msñi wan chaꞌ kanꞌ ska yaꞌ, kanꞌ chaꞌ ti tukwa la wan chaꞌ kanꞌ ni.

GÁLATAS 4:12

ꞌWan taꞌa ndiꞌin chaꞌ ꞌñaan loꞌo Jesucristo, lye ꞌa chkwiǐnꞌ loꞌo wan ni, chaꞌ nu nchka ꞌa tiǎnꞌ chaꞌ ka wan sa ñaꞌan nu lkaǎn siyaꞌ ti. Ja ka tatsaa neꞌ ꞌñaǎn ni, loꞌo chaꞌ kula kanꞌ, ni siya neꞌ judío lkaǎn; suꞌwa ꞌa ndiꞌin chaꞌ ꞌñaǎn loꞌo wan ni, chaꞌ wa mdoꞌoǔn laǎn ꞌin chaꞌ kula nu mdatsaa ꞌa ꞌñaǎn sꞌni la. Xa wa yiꞌaǎn seꞌen ndiꞌin wan ti kulo, ja ska chaꞌ kuxi yꞌni wan loꞌoan.

FILIPENSES 1:27

Kanꞌ chaꞌ ni, kiꞌya wan kwenta sa ñaꞌan ndiꞌin chaꞌ kuꞌni wan lo chalyuu xa wa msñi wan chaꞌ ꞌin Krixtu. Si ngwañaꞌan kuꞌni wan, bra kanꞌ ja nꞌni chaꞌ ni siya kaǎn kichen tyi wan, ni siya ja ka kaǎn. Ja chan kaja chaꞌ ꞌñaǎn chaꞌ ska ti chaꞌ nsuꞌwi tiye wan loꞌo taꞌa wan, chaꞌ nsuꞌwi ꞌa chaꞌ tlyu tiꞌ ꞌwan loꞌo nten nu nxuun loꞌo wan; ja chan suꞌwa ti ndaꞌan chaꞌ tiye wan loꞌo taꞌa wan, ni siya chan ꞌa nchkwiꞌ wan loꞌo neꞌ chaꞌ xñi neꞌ chaꞌ suꞌwe kanꞌ ꞌin Krixtu.

FILIPENSES 3:16

Suꞌwe sikwa, ti kuꞌniin laan ti kwiꞌ taꞌa chaꞌ, sa ñaꞌan nu ngwa biyaꞌ suꞌwe tianꞌ ti kulo.

1 TESALONICENSES 5:13

Suꞌwe ti kuꞌni wan loꞌo neꞌ kanꞌ sikwa, chaꞌ suꞌwe ꞌa tñan ngiꞌni neꞌ kanꞌ chabiyaꞌ ꞌin Ndiose; suꞌwe ti xuꞌwi tiye wan ñaꞌan wan ꞌin neꞌ kanꞌ. Kwiꞌ ngwañaꞌan, suꞌwe ti xuꞌwi tiye wan ñaꞌan wan ꞌin nchga neꞌ taꞌa wan, chaꞌ ja xuꞌwi chaꞌ wsuun ꞌwan loꞌo taꞌa wan bra kanꞌ.

2 TESALONICENSES 2:1

ꞌWan taꞌa msñian chaꞌ ꞌin Jesús, jlyo tianꞌ chaꞌ ti kan Jesucristo nu nka Xꞌnaan xiyaꞌ, chaꞌ tsaa loꞌo Ni ꞌñaan chaꞌ tyukwa taꞌaan loꞌo Ni la kanꞌ; kanꞌ chaꞌ ñi ꞌa katsaꞌ ba ꞌwan ni,

1 TIMOTEO 5:21

Ndloǔn tñan re ꞌiin, Timu, chaꞌ kuꞌnii nchga tñan nu ngwaꞌaǎn lo kityi re; chunꞌ jlyo tiꞌ Ndiose chaꞌ nu ngwaꞌaǎn re, jlyo tiꞌ Jesucristo, jlyo tiꞌ angajle nu ngulo suwi Ni chaꞌ ka tñan ꞌin Ni. Bra nu ndiꞌin chaꞌ kuꞌnii biyaaꞌ ꞌin ska yu taꞌaan ni, kataa chinꞌ chaꞌ ka biyaꞌ suꞌwe tiiꞌ nchga loo chaꞌ ꞌin yu kanꞌ, chaꞌ ska ti biyaꞌ nu ñi tyoꞌo chaꞌ ꞌin yu, ni siya taꞌa suꞌwe ndiꞌian, ni siya xka nten.

2 TIMOTEO 4:1

Kuloǔn tñan ꞌiin chabiyaꞌ ꞌin Ndiose, kwiꞌ ngwañaꞌan chabiyaꞌ ꞌin Jesucristo nu kuꞌni biyaꞌ ꞌin nchga nten nu ti luꞌu, loꞌo ꞌin nchga nten nu wa ngujwi. Ti kan Jesucristo xiyaꞌ chaꞌ ka ndloo Ni ꞌin nchga nten.

1 SAN PEDRO 2:11

ꞌWan taꞌa suꞌwe ndiꞌian, ndiꞌin chaꞌ tyiꞌian nde seꞌen ndiꞌin Ndiose nu ndyaa nde loo la, kanꞌ chaꞌ suꞌwe si tyiꞌian lo chalyuu sa ñaꞌan si lkaan nten nu mdoꞌo tijyuꞌ nu ja nsuꞌwi naꞌan tyi nde re. Lye ꞌa chkwiǐnꞌ loꞌo wan ni, chaꞌ ja kuꞌni wan ya ñaꞌan ti chaꞌ kuxi nu jñan tiye wan chaꞌ kuꞌni wan; ja tukwa wan chaꞌ kuxi kanꞌ, loꞌo ngwañaꞌan ja ka ꞌin ran kuꞌni ñuꞌun ran ꞌwan.

1 SAN PEDRO 5:10

Chinꞌ ti tsan ti tyijin wan nu tiꞌí ni. Xa wa mdyii tsan nu tyijin wan nu tiꞌí, bra kanꞌ kuꞌni Ndiose chaꞌ ka suꞌwe wan, kuꞌni Ni chaꞌ ka ngula la tiꞌ niꞌ kasiya ꞌwan xiyaꞌ; ta Ni jwersa ꞌwan, chaꞌ xkwiꞌ suꞌwe ꞌa ngiꞌni Ni loꞌoan. Chabiyaꞌ ꞌin Krixtu wa ngulo suwi Ni ꞌñaan chaꞌ ka tyiꞌian nde seꞌen tnun seꞌen ndiꞌin ykwiꞌ Ni.