Mateo 9:6 - Porciones del Nuevo Testamento

⁶ Kꞌawuaudua, mʉ Beubari Bape bꞌʉbara naʉ̃ druadꞌera zareata erubꞌʉa kꞌazhiruata biodꞌebara zhãrã bedꞌea ne ẽã bꞌʉita. Mawũãpe kꞌakua pira ẽã kꞌaya bꞌʉa mawũãsia: Piradrʉrua, bʉzhi jirabꞌa jiraedarua, mobe dedꞌaa wãrũã.

Mateo 9:6 Iomraidhean Croise

Mateo 4:24

Aramaʉ̃ne izhira Siria drua jõma trʉ̃poabʉrʉba jõma wesidꞌa pua bꞌeta, nekĩrãtõnoãba kꞌaya zuburia bꞌeta, kĩrãnema bꞌeta, jai abꞌeta, kꞌakua pira ẽã kꞌaya bꞌeta webʉdata bꞌebikuasia.

Mateo 8:20

Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.

Mateo 9:2

Maʉ̃ne kꞌakua pira ẽã kꞌaya bꞌʉta izhima wesidꞌa jirabꞌadꞌe. Ãzhi soidꞌu kꞌobꞌeta Jesúsba ũdui kꞌakua pira ẽã kꞌaya bꞌʉa mawũãsia: Wãniguarua, bʉra kꞌazhiruata biodꞌebara mʉãrã bedꞌea ne ẽã bꞌidꞌapʉa.

Mateo 9:5

¿Kꞌãrẽta audre borekea jaraidꞌe bꞌʉ: Kꞌazhiruata biodꞌebara bedꞌea ne ẽã bꞌidꞌapʉa aita, o piradrʉpe nimibarua aita?

Mateo 9:7

Mawũãĩ izhira piradrʉpe dedꞌaa wãsia.

Marcos 2:10

Kꞌawuaudua, mʉ Beubari Bape bꞌʉbara naʉ̃ druadꞌera zareata erubꞌʉa kꞌazhiruata biodꞌebara zhãrã bedꞌea ne ẽã bꞌʉita. Mobebʉrʉ kꞌakua pira ẽã kꞌaya bꞌʉa mawũãsia:

Marcos 2:7

¿Naʉ̃ kꞌãrẽã mawũã bedꞌeabʉrʉ? Mawũãrã Daizezema mitia bedꞌeabʉrʉa. ¿Kꞌazhiruata biodꞌebara zhãrã kꞌaiba bedꞌea ne ẽã bꞌʉ bꞌeipe? Awuarabʉrʉ bꞌeya Daizezebʉrʉ.

Lucas 5:21

Maʉ̃nerã ũrãgꞌa Moisédꞌe jarabadara fariseorã bawara krĩcha mawũãsidꞌa: ¿Naʉ̃ kꞌaipe mawũã Daizezema mitia bedꞌeaira? ¿Kꞌazhiruata biodꞌebara zhãrã kꞌaiba bedꞌea ne ẽã bꞌʉ bꞌeipe? Awuarabʉrʉ bꞌeya Daizezebʉrʉ.

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Juan 5:27

Dewara zhãrã kꞌawua oi zareata diasia mʉrã Beubari Bape bꞌʉba.

Juan 5:8

Mawũãĩ Jesúsbara mawũãsia: Piradrʉrua, bʉzhi ertõ jiraedape tebarua.

Hechos 5:31

Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.

Hechos 9:34

Pedrobara mawũãsia: Enea, Jesucristobara bʉra bꞌebiya. Piradrʉpe bʉzhi estera bʉratʉrua. Mawũãĩ aramaʉ̃ta piradrʉsia.