Mateo 9:13 - Porciones del Nuevo Testamento

¹³ Mawũẽ wãũdua, mobe sãwũãta kꞌawaudua Daizezeba mawũãnata: Mʉãrã krĩña bꞌʉa zhãrã sozuburia bꞌeaita mʉĩta nendʉwʉrʉta babue bꞌeai kꞌãñabara. Daizezeba mawũãnaneba mʉãrã jʉrʉdꞌe ze ẽbasia ãzhikusa biata bꞌeta, awuarabʉrʉ ẽdrʉbigaita jʉrʉdꞌe zesia kꞌazhirua omiãrãta, kꞌazhiruara ãmape Daizezeta pẽwãnamarẽã.

Mateo 9:13 Iomraidhean Croise

Mateo 12:3

Mawũãnaĩ Jesúsbara mawũãsia: ¿Marãbara ledꞌakꞌa kĩrãkꞌa duanu ẽka rey Davidba odꞌara izhi ũme duanu bawara jarrasidꞌadꞌe?

Mateo 12:5

¿O marãbara ledꞌa ẽã duanuka Daizezeba ũrãgꞌa Moiséa diadꞌadꞌe jara bꞌʉra? Mama jara bꞌʉ kĩrãkꞌara ẽnaʉ̃bada ewade Daizeze dedꞌa sacerdoterãba ne aribꞌae duanurã Daizezema bedꞌea ne ẽã.

Mateo 12:7

Sãwũãta kꞌawuadꞌara Daizezebara mawũãsia: Mʉãrã krĩña bꞌʉa zhãrã sozuburia bꞌeaita, mʉĩta nendʉwʉrʉta babue bꞌeai kꞌãñabara. Maʉ̃ta sãwũãta kꞌawua bꞌebʉrʉ jidꞌa ẽbakꞌausia mʉã jʉrʉkuadꞌa bedꞌea barabʉda ẽãta.

Mateo 19:4

Mawũãnaĩ Jesúsbara panaʉ̃ mawũãsia: ¿Marãbara ledꞌakꞌa kĩrãkꞌa bꞌeta jẽdeubara zhi odꞌabara zhũmakĩrãta wũẽrãta osi ẽka?

Mateo 21:42

Mawũãnaĩ Jesúsbara mawũãsia: ¿Marãbara ledꞌakꞌa kĩrãkꞌa duanu ẽka aramaʉ̃ kĩrãkꞌa mʉ seribidꞌa ẽãnebemata zhi bꞌʉmarã?: ¿Jara bꞌʉ ẽka de obadaba mongꞌara seri ẽãne bꞌʉdꞌapeadꞌara wagꞌauta bꞌesita. Daizezeba mawũã osi baera dazhirãma ne bia abꞌʉ ẽka? (Salmos 118:22-23)

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Mateo 3:8

Mawũẽ dajada kꞌazhiruara ãmape bꞌeta Daizezeta pẽwã bꞌeaudua.

Mateo 4:17

Maʉ̃ ewaridꞌeba Jesús miã ũrãgꞌa jʉ̃drʉbʉrʉta mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Marcos 12:26

Mawũãmina beudꞌata piradrʉdꞌaidꞌebema, ¿marãbara Moisé librodꞌera ledꞌakꞌa kĩrãkꞌa bꞌeta Daizezebara ʉrʉta nʉmʉ maẽba Moiséa mawũãsi ẽka?: ¿Mʉrã Abraham Zhibaria, Isaac Zhibaria, Jacobo Zhibaria asi ẽka?

Marcos 12:33

Mawũã Daizezeta soidꞌu kʉãgꞌaira, dazhi jawureidꞌuba, dazhi zareaidꞌuba kʉãgꞌaira, zhãrã dazhi kĩrãkꞌa kʉãgꞌaira audre biga nendʉwʉrʉta bio Daizezeita bai kꞌãñabara.

Marcos 2:17

Maʉ̃ta ũrĩpe Jesúsbara mawũãsia: Bika bꞌebara nesidꞌa duanu ẽã zhãrã bꞌebi bꞌʉra, awuarabʉrʉ nesidꞌa bꞌea kꞌayarãbʉrʉ. Aramaʉ̃ kĩrãkꞌa mʉãrã jʉrʉdꞌe ze ẽbasia ãzhikusa biata bꞌeta, awuarabʉrʉ Ẽdrʉbigaita jʉrʉdꞌe zesia kꞌazhirua omiãrãta.

Lucas 10:26

Mawũãĩ izhara mawũãsia: ¿Kꞌãrẽta jara bꞌʉ tabꞌʉ Daizeze ũrãgꞌadꞌera? ¿Bʉa kꞌãrẽta lebari?

Lucas 19:10

Mʉ Beubari Bape bꞌʉbara jʉrʉdꞌe zesia ẽdrʉbiita aduadꞌata.

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Lucas 5:31

Mawũãnaĩ Jesúsba panaʉ̃ mawũãsia: Bika bꞌebara nesidꞌa duanu ẽã zhãrã bꞌebi bꞌʉra, awuarabʉrʉ nesidꞌa bꞌea kꞌayarãbʉrʉ.

Lucas 5:32

Aramaʉ̃ kĩrãkꞌa mʉãrã jʉrʉdꞌe ze ẽbasia ãzhikusa biata bꞌeta, awuarabʉrʉ ẽdrʉbigaita jʉrʉdꞌe zesia kꞌazhirua omiãrãta, kꞌazhiruara ãmape Daizezeta pẽwãnamarẽã.

Juan 10:34

Mawũãnaĩ Jesúsbara panaʉ̃ mawũãsia: ¿Marã ũrãgꞌata bꞌʉ tabꞌʉdꞌera Daizezebara mawũãsi ẽka: Mʉã zhi jarama marã dai zezerãta?

Hechos 11:18

Maʉ̃ta ũrĩbʉdadꞌera chupeadꞌape Daizeze ibia jara mawũãsidꞌa: ¡Mawũẽ Daizezebara idaribibʉrʉa judío ẽãta bꞌebidꞌa kꞌazhiruara ãmape izhita pẽwãnamarẽã, aramaʉ̃ne jidadꞌamarẽã izhi ũme bꞌai jõ ẽãta!

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Hechos 5:31

Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.