Mateo 8:20 - Porciones del Nuevo Testamento

²⁰ Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.

Mateo 8:20 Iomraidhean Croise

Mateo 12:32

Bariduta mʉ Beubari Bape bꞌʉta bĩ ẽã jaradꞌata zuburia bedꞌeara Daizezebara bedꞌea ne ẽã bꞌʉya. Mawũãmina Jawurebiama mitia bedꞌeabʉrʉra bedꞌea ne ẽã bꞌʉ ẽã, miã naʉ̃ ewade miã ewari tẽãbidꞌa.

Mateo 12:40

Bꞌeda zroma bꞌitaedꞌa Jonásta ewarita ũbea diamaseta ũbea bꞌadꞌa kĩrãkꞌa, mʉ Beubari Bape bꞌʉsidꞌa beudꞌata egorodꞌe edꞌa tabꞌaya ewarita ũbea diamaseta ũbea.

Mateo 12:8

Maʉ̃ẽnabema mʉ Beubari Bape bꞌʉra ewari ẽnaʉ̃bada Nokꞌoa.

Mateo 13:37

Mawũãnaĩ izhara panaʉ̃ mawũãsia: Trigo ta zhi biata pobarira mʉ Beubari Bape bꞌʉta maʉ̃ã.

Mateo 16:13

Cesarea Filipo druaedꞌa Jesús zebʉrʉdꞌera, izha jʉrʉkuadꞌaa widꞌi mawũãsia: ¿Zhãrãbara kꞌaita jara panʉ mʉ Beubari Bape bꞌʉra?

Mateo 16:27

Mʉ Beubari Bape bꞌadꞌara mʉ Zeze zareaedꞌa zeya izhi ángelerã bawara, maʉ̃nerã abꞌa abꞌakꞌa kꞌawua obʉrʉta biata odꞌapeadꞌara bia bꞌʉya, bia ẽãta odꞌapeadꞌara zuburia bꞌʉya.

Mateo 17:9

Kꞌatumaneba yedꞌa ãzhi urudꞌe Jesúsbara mawũãsia: Marãba ũdubʉdara miõã jararãũdua, mʉ Beubari Bape bꞌʉta beudꞌata piradrʉyeedꞌa.

Mateo 19:28

Mawũãĩ Jesúsbara mawũãsia: Mʉã wãrĩnu marãã jaraya, ne jõma zhiwidꞌita nʉmebʉrʉdꞌera, mʉ Beubari Bape bꞌadꞌara Reyta jewedꞌaya mʉzhi bugueta kĩrãwãrẽãne, marã mʉ pẽwã bꞌesidꞌa nokꞌorãta jewedꞌa duaneña bugue docedꞌe. Aramaʉ̃ne kꞌawua oduaneña Israel warrarã docedꞌebemata.

Marcos 8:38

Iabꞌa mʉ kꞌarea mʉ bedꞌea kꞌarea pera bꞌʉta kꞌazhirua omiãrãta wawiaba mawũã bꞌaibʉrʉ, mʉ Beubari Bape bꞌadꞌabara maʉ̃ mʉrẽ ẽã aya mʉ zebʉrʉdꞌera mʉ Zeze zareaedꞌa izhi ángelerã bawara.

Lucas 12:8

Mʉã marãã jaraya, iabꞌaʉba zhãrã kĩrãbita mʉ pẽwã bꞌʉa ara, mʉ Beubari Bape bꞌadꞌabidꞌa mʉ pẽwã bꞌʉa aya ángelerã Daizezedꞌe kĩrãbita.

Lucas 18:8

Mʉã marãã jaraya, kꞌadrʉabai kꞌarebakuaya. Mawũãmina mʉ Beubari Bape bꞌadꞌata zebʉrʉdꞌera, ¿mawũã soidꞌu bꞌera ũduika naʉ̃ druadꞌera?

Lucas 2:12

Marãba sãwũã kꞌawuadꞌaita mʉã jaraya: Marãbara wũãwũã ũdudꞌaya wuaba bʉra bꞌarizhiruta, nendʉwʉrʉ nekꞌobadadꞌe bꞌarizhiruta.

Lucas 2:16

Aramaʉ̃ta ĩñabasia zebʉdadꞌera María José ũme ũdusidꞌa, wũãwũãsidꞌa bꞌarizhirasia nendʉwʉrʉ nekꞌobadadꞌe.

Lucas 2:7

Aramaʉ̃ne to edasia zhi wau ãwũẽrã wũãwũãta. Mobe wuaba burape bꞌarizhirusia nendʉwʉrʉ nekꞌobadadꞌe. Mawũã osia ãzhiitara bari nʉmʉ ẽãba ãĩba zebʉrʉ kꞌãĩbibada deta.

Lucas 21:36

Mawũẽ kĩrãkuita bꞌeaudua, baridu ʉ̃madaudꞌe zhiwidꞌi bꞌeaudua, aramaʉ̃ne ẽdrʉdꞌaitrʉ bꞌeaudua ne bio mawũã menajacha bʉsadꞌewaidꞌera. Mawũãrã kꞌãrẽã peradꞌai ne ẽã kꞌobꞌeaya mʉ Beubari Bape bꞌadꞌa kĩrãbita.

Lucas 8:3

Dewara bꞌasia Juana Chuza kĩmata, Chuzabara erunʉmasia rey Herodeba ne nʉmʉkꞌãrĩta. Dewara bꞌasia Susanata, dewara wũẽrãrã bio bꞌeasia Jesús kꞌareba bꞌeta ãzha ne erubꞌeba.

Lucas 9:58

Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.

Juan 1:51

Mawũãpe mawũãsia: Mʉã wãrĩnu marãã jaraya, idꞌidꞌeba marãbara ũdudꞌaya bãjã ewa nʉmʉta, ũdudꞌaya ángelerã Daizezedꞌeta wãrĩze bꞌeta udꞌubꞌae bꞌeta mʉ Beubari Bape bꞌʉma.

Juan 12:34

Zhãrãbara mawũãsidꞌa: Daiba ũrĩbadara ũrãgꞌadꞌera jara bꞌʉa zhãrã Ẽdrʉbira beukꞌata. ¿Maʉ̃ta bʉara sãwũã Beubari Bape bꞌʉra cruzdꞌe jirabꞌʉdꞌaya abʉrʉ? ¿Mobera kꞌaipe maʉ̃ Beubari Bape bꞌʉra?

Juan 13:31

Juda wãbʉrʉdꞌera Jesúsbara mawũãsia: Kꞌõbebʉrʉ Daizezebara zhi zromata ũdukꞌawabigaya mʉ Beubari Bape bꞌʉra, izhi Daizezesidꞌa zhi zromata ũdukꞌawabigaya mʉneba.

Juan 3:13

Maʉ̃ kꞌawuaira miõta ʉ̃tre wãrĩzekꞌa, awuarabʉrʉ ʉ̃treba zedꞌaba kꞌawua bꞌʉta mʉ Beubari Bape bꞌʉba kꞌawua bꞌʉa ne ʉ̃trebemarã.

Juan 3:14

Drua drudrua tabꞌʉ maẽ Moiséba dãma ʉ̃tʉ jirabꞌʉdꞌa kĩrãkꞌa, mʉ Beubari Bape bꞌʉra ʉ̃tʉ jirabꞌʉdꞌaya.

Juan 6:27

Kꞌãrẽ obʉdata bari zhiko jõbari kꞌarea orãũdua, awuarabʉrʉ kꞌãrẽ oudua pan jõkꞌa kꞌarea, Daizeze ũme bꞌai jõ ẽã kꞌarea, mʉ Beubari Bape bꞌʉba maʉ̃ pan marãã diaya, mʉrã maʉ̃ kꞌarea bꞌʉsia mʉ Zhibari mʉ Zezeba.

Juan 6:53

Mawũãnaĩ Jesúsbara mawũãsia: Mʉã wãrĩnu marãã jaraya: Mʉ Beubari Bape bꞌʉ zharata kꞌodꞌa ẽbʉrʉ, mʉ wata dodꞌa ẽbʉrʉ erubꞌea ẽã Daizeze ũme bꞌai jõ ẽãrã.

Juan 6:62

¿Mobera sãwũãnaĩpe mʉ Beubari Bape bꞌʉta ʉ̃taa wãbʉrʉta ũdudꞌara naara mʉ bꞌadꞌama?

Hechos 7:56

Mawũẽ mawũãsia: Mʉãrã ũdu kꞌobꞌʉa bãjã ewa nʉmʉta, ũdu kꞌobꞌʉa Beubari Bape bꞌadꞌara kꞌobꞌʉta Daizeze juwua araare.