Mateo 7:21 - Porciones del Nuevo Testamento

²¹ Mʉta Nokꞌó abꞌera jõmarã edꞌa wãna ẽã ʉ̃tre Daizezeta Nokꞌo maẽrã, awuarabʉrʉ edꞌa wãnaña mʉ Zeze ʉ̃tre bꞌʉba krĩñata obꞌeta.

Mateo 7:21 Iomraidhean Croise

Mateo 12:50

Mʉ Zeze ʉ̃tre bꞌʉba krĩñata obꞌeta maʉ̃ta mʉ mebea, mʉ nawekꞌaua, mʉ papaa.

Mateo 16:17

Mawũãĩ Jesúsbara mawũãsia: Bʉra Daizezeba bia nʉmʉkꞌãrĩã Simón, Jonás warra, maʉ̃ bʉaara beubariba kꞌawuabibʉrʉ ẽã, awuarabʉrʉ kꞌawuabibʉrʉa mʉ Zeze ʉ̃tre bꞌʉba.

Mateo 18:10

Seri ẽãne edarãũdua iabꞌabidꞌa za wĩka kedꞌeta, mʉã marãã jaraya, ángelerã ãzhi akʉ bꞌera ʉ̃trera baridua bꞌea mʉ Zeze ʉ̃tre bꞌʉ kĩrãbita.

Mateo 18:19

Dewara mʉã marãã jaraya, marãnebemata ũme naʉ̃ druadꞌe krĩcha abꞌarika zedꞌape ne bariduta widꞌidꞌara, aribꞌaeya mʉ Zeze ʉ̃tre bꞌʉbara.

Mateo 18:3

mawũãsia: Mʉã wãrĩnu marãã jaraya, bia ẽãrã idu bꞌʉdꞌape marãta wũãwũãrã kĩrãkꞌa zhi zroma ẽãne duanu ẽbʉrʉ, edꞌa wãna ẽã ʉ̃tre Daizezeta Nokꞌo maẽrã.

Mateo 18:35

Mʉ Zeze ʉ̃tre bꞌʉbara marãta aramaʉ̃ kĩrãkꞌa oya, marã abꞌa abꞌaʉba soidꞌu bedꞌea ne ẽãne edadꞌa ẽbʉrʉ marã mebẽrã marã bĩ ẽã obʉdata.

Mateo 19:24

Mʉã wakusa marãã jaraya, aguja uriadꞌe camellota audre bia berabꞌari bꞌeya bara bꞌʉta edꞌa wãĩ kꞌãñabara Daizezeta Nokꞌodꞌebemane.

Mateo 25:10

Mawũãnaĩ ãzha edadꞌe wãbʉdaedꞌa juwua jidadꞌe urura zesia. Mawũẽ ãwũẽrãrã zhi aribꞌaemata kꞌobꞌera maʉ̃ juwua jidai maẽ izhi bawara edꞌa wãsidꞌa, mawũẽ serrasidꞌa puerta.

Mateo 25:21

Mawũãĩ izhi nokꞌobara mawũãsia: Biga, bʉra nezokꞌa biaba bia obʉrʉa, wĩkata bia obʉrʉba mʉãrã bio chãbꞌari bꞌʉya, edꞌa zerua mʉta bʉzhi nokꞌo ũme sobiarua.

Mateo 26:39

Mawũãpe arajĩga wãpe egoroma bꞌarru kꞌobꞌepe zhiwidꞌi mawũãsia: Mʉ Zeze, bʉma bigabʉrʉ mʉrã zuburia beubirãrũã, mawũãmina mʉã krĩñata aribꞌaerãrũã, awuarabʉrʉ bʉzha krĩñata aribꞌaedua.

Mateo 26:42

Wakusa wãpe zhiwidꞌima ũmeta mawũãsia: Mʉ Zeze, mʉ zuburiabi ẽbaita bʉma biga ẽbʉrʉ aribꞌaedua bʉzha krĩñata.

Marcos 3:35

Daizezeba krĩñata obꞌeta maʉ̃ta mʉ mebea, mʉ nawekꞌaua, mʉ papaa.

Marcos 9:47

Bʉ dabʉba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ dabʉra ẽũtabʉrʉkarua. Audre biga Daizezeta Nokꞌota bꞌʉ maẽ edꞌa wãĩta dabʉ abꞌa bꞌʉta, dabʉ ũme bꞌʉta bꞌaribuedꞌai kꞌãñabara tebʉdꞌe.

Lucas 11:28

Mawũãĩ izhara mawũãsia: Audrera sobia bꞌeaidꞌe bꞌʉa Daizeze bedꞌeata ũrĩpe aribꞌae bꞌeta.

Lucas 13:25

De zhibarita piradrʉpe puerta serrabʉrʉdꞌe marãta ewaradꞌe duanerã marãbara puerta kꞌaita trʉ̃ mawũãnaña: Nokꞌó, daira ewadua. Mawũãnaĩ izhara panaʉ̃ mawũãña: Mʉãrã kꞌawua ẽã marã sãmabemata.

Lucas 18:25

Aguja uriadꞌe camellota audre bia berabꞌari bꞌeya bara bꞌʉta edꞌa wãĩ kꞌãñabara Daizezeta Nokꞌodꞌebemane.

Lucas 6:46

¿Mʉrã kꞌãrẽã Nokꞌó abada mʉã jara bꞌʉra odꞌa ẽãta?

Juan 14:7

Marãba mʉta ũdukꞌawua bꞌeasibʉrʉ, mʉ Zezesidꞌa ũdukꞌawua bꞌeakꞌausia, nane wedꞌauba ũdukꞌawadꞌaya ũdu bꞌeba.

Juan 15:23

Mʉta jura bꞌʉbara mʉ Zezesidꞌa jura bꞌʉa.

Juan 3:5

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa baniãneba Jawurebiadꞌeba tobʉrʉ ẽãrã edꞌa wã bꞌe ẽã Daizezeta Nokꞌo maẽrã.

Juan 5:17

Mawũẽ Jesúsbara mawũãsia: Mʉ Zezera ewariza kꞌãrẽ obꞌʉa, mawũẽ mʉsidꞌa kꞌãrẽ onʉmʉã.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Juan 7:17

Daizezeba krĩñata okrĩña bꞌʉbara kꞌawuaya ũrãgꞌara Daizezedꞌeta, o kꞌawuaya mʉrã bedꞌea bꞌʉta mʉzhikusauba.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.

Romanos 12:2

Naʉ̃ ẽjũãne bꞌedꞌe bꞌearãũdua, awuarabʉrʉ krĩcha zhiwidꞌidꞌe nʉmeba kĩrãẽpa bꞌeaudua, mawũãrã kꞌawuadꞌaya Daizezeba kꞌãrẽ krĩñata, jipa biata krĩñata.

Romanos 2:13

Moisé ũrãgꞌa bari ũrĩ bꞌeba biata duanu ẽã Daizeze kĩrãbitara, awuarabʉrʉ maʉ̃ ũrãgꞌa aribꞌae bꞌeta izhima biata bꞌea.