Mateo 6:9 - Porciones del Nuevo Testamento

⁹ Marã zhiwidꞌibʉdadꞌera mawũãũdua: Bʉra Daizezeta ʉ̃tre bꞌʉa, bʉra wawiadꞌaidꞌe bꞌʉa.

Mateo 6:9 Iomraidhean Croise

Mateo 10:29

¿Nendobada ẽka ibana zake ũmeta plata pichi abꞌaʉbari? Maʉ̃ta miã abꞌabidꞌa egorodꞌe beu bꞌae ẽã marã Zezeba idaribi ẽãrã.

Mateo 23:9

Druadꞌera miõta zeze arãũdua, marãne Zezera abꞌabai bꞌʉ baera ʉ̃tre bꞌʉta.

Mateo 26:29

Mʉã marãã jaraya, idꞌidꞌeuba mʉãrã naʉ̃ vino wueta do ẽã, jari ewade marã bawarauba zhiwidꞌita doyeedꞌa mʉ Zezeta Nokꞌo maẽ.

Mateo 26:42

Wakusa wãpe zhiwidꞌima ũmeta mawũãsia: Mʉ Zeze, mʉ zuburiabi ẽbaita bʉma biga ẽbʉrʉ aribꞌaedua bʉzha krĩñata.

Mateo 5:16

Aramaʉ̃ kĩrãkꞌa ʉ̃nata marãneta ʉ̃nabiudua zhãrã kĩrãbita, aramaʉ̃ne marãba biata obꞌeta ũdudꞌamarẽã, maʉ̃neba ibia jaradꞌamarẽã marã Zeze ʉ̃tre bꞌʉta.

Mateo 5:48

Maʉ̃ba marã kĩrãẽpa zhãrã kʉãgꞌa bꞌeaudua, marã Zeze ʉ̃tre bꞌʉta kĩrãẽpa zhãrã kʉãgꞌa bꞌʉ kĩrãkꞌa.

Mateo 6:14

Marã bĩ ẽã obʉdata marãba bedꞌea ne ẽãne edadꞌara, marãba bia ẽãta odꞌadꞌebara marãsidꞌa bedꞌea ne ẽã bꞌʉkuaya marã Zeze ʉ̃trebemabara.

Mateo 6:6

Mawũãmina bʉ zhiwidꞌibʉrʉdꞌera miõ ne ẽã maẽ wãpe zhiwidꞌidua bʉ Zezea, izhira chupea bʉ ũme nʉmʉã. Mawũãrã bʉ Zezebara bʉ chupea maʉ̃ kꞌaudꞌa bꞌʉta akʉ bꞌʉra maʉ̃bari kꞌãrẽ diaya jõmaʉ̃ daidꞌu.

Mateo 7:11

Marã bia ẽãta bꞌeba mazhi warrarãã ne biata dia kꞌawua bꞌebʉrʉ, marã Zeze ʉ̃tre bꞌʉbara audrebai ne biata diaya widꞌibʉdaara.

Lucas 15:18

Mʉrã wakusa mʉ zezema wãpe mawũãña: Zeze, mʉrã kꞌazhirua obʉrʉa Daizeze kĩrãbita, bʉ kĩrãbita.

Lucas 15:21

Maʉ̃ne warrabara mawũãsia: Zeze, mʉrã kꞌazhirua obʉrʉa Daizeze kĩrãbita, bʉ kĩrãbita. Ya mʉrã bʉ warra aidꞌe bꞌʉ ẽã.

Lucas 2:14

¡Daizezera ibia jaraudua ʉ̃trera, druadꞌera adu-a bꞌeaya izha bia erunʉmʉta bꞌera!

Juan 20:17

Maʉ̃ne Jesúsbara mawũãsia: Mʉta jiru nʉmerãrũã, mʉrã wadꞌi wãrĩze ẽã mʉ Zezema, mawũẽ mʉ mebẽrãma wãpe jaradua: Mʉrã wãrĩzeita mʉ Zezema, marã Zezema, mʉ Zhibarima, marã Zhibarima.

Romanos 1:7

Jõma marã Roma pʉwʉrʉdꞌebemata bꞌera Daizezeba kʉãgꞌata bꞌea, marã jʉrʉkuasia izhidꞌeta bꞌeamarẽã: Mawũẽ izhi biaba marã adu-a bꞌeabiya dazhi Zhibari dazhirã Zezeba dewara Nokꞌo Jesucristoba.

Romanos 8:15

Marãba Jawurebiata jidadꞌabara marã nezokꞌata bꞌʉ ẽbasia, mawũẽ nezokꞌata bꞌeadꞌa kĩrãkꞌa wakusa pera bꞌeaidꞌe bꞌʉ ẽã, awuarabʉrʉ Jawurebiara jidasidꞌa marã Daizeze warrarã babidꞌata. Izhidꞌeba dazhirãbara Daizezea ¡Zeze! abada.