Mateo 6:5 - Porciones del Nuevo Testamento

⁵ Bʉ zhiwidꞌibʉrʉdꞌera sewa bibaʉta bꞌe kĩrãkꞌa bꞌarãrũã. Ãzhira ʉ̃ta zhiwidꞌi krĩñadea, de zhi jʉrebadata nʉme maẽ, pʉwʉrʉdꞌe odꞌe zhãrã berabꞌari nʉme maẽ maʉ̃ kꞌaudꞌa bꞌea bari zhãrãba ũdudꞌamarẽã. Mʉã wãrĩnu marãã jaraya, maʉ̃ kꞌareara Daizezebara kꞌãrẽ dia ẽã.

Mateo 6:5 Iomraidhean Croise

Mateo 21:22

Jõma marãba widꞌibʉdara zhiwidꞌi soidꞌu kꞌobꞌebʉrʉ jidadꞌaya.

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Mateo 23:5

Awuarabʉrʉ jõma kꞌãrẽ obʉdara obꞌea zhãrãba ũdudꞌamarẽã. Mawũẽ Daizeze bedꞌeata wĩka edꞌa bꞌʉbadata caja zakedꞌera jʉ̃kꞌara audre joubꞌʉa obada, mobe datrudꞌe, juwuadꞌe tãjʉ̃bada, wua ita irabadata audre drasoa obada.

Mateo 23:6

Nokꞌorãta jewedꞌabari maẽ jewedꞌa krĩñadea nekꞌodꞌe trʉ̃bʉdadꞌera. Nokꞌorãta jewedꞌabari maẽ jewedꞌa krĩñadea de zhi jʉrebadata nʉme maẽrã.

Mateo 6:1

Kĩrãkuitaudua, marãba biata obʉdara zhãrã kĩrãbita orãũdua bari zhãrãba ũdudꞌamarẽã. Bari maʉ̃ kꞌarea odꞌaibʉrʉ kꞌãrẽ dia ẽã marã Zeze ʉ̃tre bꞌʉbara.

Mateo 6:16

Marã nekꞌo ẽã zhiwidꞌi bꞌedꞌera kĩrã sopua duanarãũdua, sewa bibaʉta bꞌe kĩrãkꞌa duanarãũdua. Nekꞌo ẽã zhiwidꞌi bꞌeta zhãrãba kꞌawuadꞌamarẽã kĩrã sopua duaĩnabaria. Mʉã wãrĩnu marãã jaraya, mawũã bꞌebarira Daizezebara kꞌãrẽ dia ẽã.

Mateo 6:2

Maʉ̃ba zuburia bꞌeta bʉa nebari diabʉrʉra jõmaʉ̃ã jarakꞌarãrũã, sewa bibaʉta bꞌeba obꞌe kĩrãkꞌa orãrũã, de zhi jʉrebadata nʉme maẽ, pʉwʉrʉdꞌe odꞌe zhãrã berabꞌari nʉme maẽ maʉ̃ kꞌaudꞌa bꞌea zhãrãba bia jaradꞌamarẽã. Mʉã wãrĩnu marãã jaraya, maʉ̃ kꞌareara Daizezebara kꞌãrẽ dia ẽã.

Mateo 9:38

Maʉ̃ba widꞌiudua Daizeze zhãrã Zhibaria, miã ũrãgꞌabadata zokꞌamarẽã izhidꞌebema ĩjãĩta bꞌema.

Marcos 11:25

Marã zhiwidꞌi kꞌobꞌedꞌera bedꞌea ne ẽãne edaudua iabꞌaʉ bawara bĩ ẽã bꞌebʉrʉ, marã Zeze ʉ̃tre bꞌʉbidꞌa marã bedꞌea ne ẽã bꞌʉkuamarẽã marãba bia ẽãta odꞌapeadꞌata biodꞌeba.

Marcos 12:38

Jesús miã ũrãgꞌa nʉmʉnerã mawũãsia: Kĩrãkuita bꞌeaudua ũrãgꞌa Moisédꞌe jarabada kꞌarea, zhi zromane tebaita wua eidꞌu drasoa jʉ̃ teba krĩñadea, ãzhi wawia saludꞌaita krĩñadea pʉwʉrʉdꞌe kꞌabana maẽrã.

Lucas 11:43

¡Daizezebara pua kꞌawua oya marã fariseorãta bꞌera! Nokꞌorãta jewedꞌabari maẽ jewedꞌa krĩñadea de zhi jʉrebada nʉme maẽrã, marã wawia saludꞌaita krĩñadea pʉwʉrʉdꞌe kꞌabana maẽrã.

Lucas 18:1

Jesúsbara ne jarakꞌasia ewariza zhiwidꞌii baradꞌebemata poea ẽã.

Lucas 18:13

Waya rey Romanebemaĩta plata widꞌibarira wawara nʉmepe miã ʉ̃taa akʉ krĩña ẽbasia, awuarabʉrʉ trũã neãchi mawũãsia: Daizeze, mʉrã sozuburiarua, mʉrã kꞌazhirua omiã.

Lucas 20:47

Deta wũẽrãrã pẽdrarãneta jãrĩ bꞌea, mobe zhãrãma bia nʉmaĩta dããrã zhiwidꞌibada. Maʉ̃neba maʉ̃rã Daizezebara audre pua kꞌawua oya.

Lucas 6:24

Mawũãmina, ¡zuburiadꞌaya zhãrã bara bꞌera! Ya erubꞌeba ãzhi sobiara.

Juan 16:24

Wadꞌi marãbara mʉnebara kꞌãrẽ widꞌidꞌa ẽã. Kꞌãrẽ widꞌiudua, mobedꞌeba jidadꞌaya, aramaʉ̃ne marã jipadꞌe sobia bꞌeaya.