Mateo 5:9 - Porciones del Nuevo Testamento

⁹ Sobiaudua zhãrãta zhiya adu-a duanabi bꞌera, mawũãrã Daizeze warrarã adꞌaya.

Mateo 5:9 Iomraidhean Croise

Mateo 5:45

Mawũãrã mazhi Zeze ʉ̃tre bꞌʉ warrarã baya. Izhara izhi ʉ̃madaura ʉ̃tʉ zebi bꞌʉa bia ẽãta bꞌe ʉ̃rʉ̃, biata bꞌe ʉ̃rʉ̃. Kue zebi bꞌʉa biata bꞌe ʉ̃rʉ̃, bia ẽãta bꞌe ʉ̃rʉ̃.

Mateo 5:48

Maʉ̃ba marã kĩrãẽpa zhãrã kʉãgꞌa bꞌeaudua, marã Zeze ʉ̃tre bꞌʉta kĩrãẽpa zhãrã kʉãgꞌa bꞌʉ kĩrãkꞌa.

Lucas 20:36

Mobebaira wueta beudꞌa ẽãba ángelerã kĩrãkꞌa bꞌeaya, Daizeze warrarãta bꞌeaya beudꞌata piradrʉbʉdaba.

Lucas 6:35

Maʉ̃ba kʉãgꞌaudua marã jura bꞌera, bia oudua, ne prestaudua, mawũãmina jẽrũya diamarẽã bꞌearãũdua. Mawũãrã Daizezebara marãã kꞌãrẽ waibꞌʉa dedꞌekaya, aramaʉ̃nerã Ʉ̃trebema warrarãta bꞌeaya. Izhara sozuburia bꞌʉa izhaa zhibia jidakꞌata, bia ẽãta bꞌeta.

Hechos 7:26

Nrũẽma ũdusia israelirã ãzhirãĩnu zhõ bara bꞌʉta, mawũẽ adu-a panamarẽã mawũãsia: ¿Marã awʉrʉ ẽãta panʉta kꞌãrẽã zhiya puo panʉ?

Romanos 12:18

Marãba osia bꞌʉra obʉdata adu-a bꞌeaudua jõmaʉ̃ bawara.

Romanos 8:14

Jõma Daizeze Jawurebiadꞌeba nʉmerã Daizeze warrarã.

Romanos 8:16

Abꞌaʉ Jawurebiaba dazhi jawurea kꞌawuabi bꞌʉa dazhira Daizeze warrarãta.

Romanos 8:19

Ne jõma izha okuadꞌabara maʉ̃ta krĩña bꞌeba jʉ̃ã bꞌea ũdubimarẽã zhi warrarã bia nʉminapʉta Daizezeba.