Mateo 5:3 - Porciones del Nuevo Testamento

³ Sobiaudua Daizezedꞌebemata kꞌawuai kꞌarea zuburia bꞌera, mawũã bꞌera Daizezeta Nokꞌodꞌebema.

Mateo 5:3 Iomraidhean Croise

Mateo 11:25

Maʉ̃ ewadera Jesúsbara mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea.

Mateo 11:6

Sobia bꞌaya mʉnebemata ĩjã ẽã nʉmʉ ẽãrã.

Mateo 13:16

Mawũãmina marãbara mʉã obꞌʉra daubia akʉ bꞌea, marãbara kʉwʉrʉbia ũrĩ bꞌea.

Mateo 19:14

Mawũẽ Jesúsbara mawũãsia: Wũãwũãrã mʉma idu zebiudua, bueamarãũdua, naʉ̃rãne kĩrãkꞌa izhi krĩcha bꞌetrʉ Daizezeta Nokꞌodꞌebema.

Mateo 24:46

Nezokꞌa maʉ̃ sobiaya izhi nokꞌo zebʉrʉdꞌe maʉ̃ta aribꞌae nʉmʉta ũdu zera.

Mateo 25:34

Mobebʉrʉ mʉã Reyba mʉ juwua araare kꞌobꞌea mawũãña: Zeudua, marã mʉ Zezeba bia edabʉrʉa, Daizezeta Nokꞌodꞌebemane duanedua, marãĩta zhi aribꞌaema ẽjũã osidꞌebemata.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Mateo 8:11

Mʉã marãã jaraya, Daizezeba kꞌawua obʉrʉ ewadera bio zedꞌaya ʉ̃madau ʉ̃tʉ zebariareba, ʉ̃madau bꞌaebariareba. Maʉ̃rãta jewedꞌa nekꞌodꞌaya Abraham bawara, Isaac bawara, Jacobo bawara ʉ̃tre Daizezeta Nokꞌo maẽ.

Marcos 10:14

Jesúsba maʉ̃ta ũdui bĩ ẽãpe mawũãsia: Wũãwũãrã mʉma idu zebiudua, bueamarãũdua, naʉ̃rãne kĩrãkꞌa izhi krĩcha bꞌetrʉ Daizezeta Nokꞌodꞌebema.

Lucas 11:28

Mawũãĩ izhara mawũãsia: Audrera sobia bꞌeaidꞌe bꞌʉa Daizeze bedꞌeata ũrĩpe aribꞌae bꞌeta.

Lucas 18:14

Mʉã marãã jaraya, maʉ̃ bedꞌea ne ẽã dedꞌaa wãsia dewarabema kꞌãñabara. Bariduta zhi zromane bꞌʉra Daizezebara zhi zroma ẽãta bꞌʉya, waya zhi zroma ẽãne bꞌʉta zhi zromata bꞌʉya.

Lucas 22:29

Mawũẽ mʉãrã nokꞌota bꞌʉkuaya mʉ Zezeba mʉta nokꞌota bꞌʉdꞌa kĩrãkꞌa.

Lucas 22:30

Aramaʉ̃ne marã nekꞌodꞌaya baniã dodꞌaya mʉta Reyta bꞌʉ maẽ. Maʉ̃nerã marã bugue chubꞌedꞌe nokꞌota jewedꞌadꞌaya kꞌawua odꞌaita Israel warrarã docedꞌebemata.

Lucas 4:18

Jawurebia Daizezedꞌera mʉne bꞌʉa, mʉrã jʉrʉsi baera bedꞌea biata jaramarẽã zuburia bꞌea. Mʉrã zokꞌasia sobia omarẽã sopua bꞌeta, ẽdrʉbiita jaramarẽã jida erubꞌeta, ne ũdubimarẽã daʉbꞌerrea bꞌeta, ẽdrʉbimarẽã zuburia obꞌeta.

Juan 20:29

Mawũãĩ Jesúsbara mawũãsia: Mʉta ũdubʉrʉ baera Tomás bʉara ĩjãbʉrʉa. Sobiadꞌaidꞌe bꞌʉa ũdu ẽãta ĩjãbʉdara.