Mateo 5:19 - Porciones del Nuevo Testamento

¹⁹ Mawũẽ iabꞌaʉba maʉ̃ ũrãgꞌadꞌebemata abꞌa aribꞌae ẽãta wĩkata aribꞌae ẽbʉrʉ, aramaʉ̃ne zhãrã bꞌea aribꞌae ẽbaita jaradiara, zhi zroma ẽbaya Daizezeta Nokꞌodꞌebemanerã. Mawũãmina iabꞌaʉba aribꞌae nʉmʉrã, aramaʉ̃ne dewaraurãba aribꞌaedꞌamarẽã jaradia nʉmʉrã, maʉ̃ zhi zroma baya Daizezeta Nokꞌodꞌebemanerã.

Mateo 5:19 Iomraidhean Croise

Mateo 11:11

Mʉã wãrĩnu marãã jaraya, wũẽrãba tobʉdara awʉrʉrã audre zhi zroma ẽã Juan Burukꞌoemiã kꞌãñabara. Mawũãmina Daizezeta Nokꞌodꞌebemata zhi zroma ẽãta bꞌʉra zhi zroma izhi kꞌãñabara.

Mateo 19:28

Mawũãĩ Jesúsbara mawũãsia: Mʉã wãrĩnu marãã jaraya, ne jõma zhiwidꞌita nʉmebʉrʉdꞌera, mʉ Beubari Bape bꞌadꞌara Reyta jewedꞌaya mʉzhi bugueta kĩrãwãrẽãne, marã mʉ pẽwã bꞌesidꞌa nokꞌorãta jewedꞌa duaneña bugue docedꞌe. Aramaʉ̃ne kꞌawua oduaneña Israel warrarã docedꞌebemata.

Mateo 20:26

Mawũãmina marã mawũã duanaĩne bꞌʉ ẽã. Awuarabʉrʉ marãnebema zhi zromata bꞌa krĩña bꞌʉra bꞌaibara marã aribꞌaebarita.

Mateo 28:20

Mobe ũrãgꞌaudua jõma aribꞌaedꞌamarẽã mʉã marãã jaradꞌata. Mʉrã marã bawara ewariza bꞌaya ẽjũã jõñeẽna. Amén.

Lucas 1:15

Izhira Daizeze kĩrãbita zhi zromata bꞌaya. Dokꞌa baya ituata miã ne oregueata. Jawurebiaba bira bꞌaya zhi papa bꞌitaedꞌawedꞌa.

Lucas 11:42

¡Daizezebara pua kꞌawua oya marã fariseorãta bꞌera! Marãbara menta kiduata, ruda kiduata, ne udꞌebema kiduata diez bꞌʉabʉdaza abꞌa Daizezea diabada. Mawũãmina zhãrã kĩrãẽpa bia edadꞌa ẽã, miã Daizezera kʉãgꞌadꞌa ẽã. Maʉ̃ne maʉ̃trʉ aribꞌaedꞌaidꞌe bꞌʉa, ne wuaabema kenabꞌari ẽã aribꞌae bꞌedꞌe.

Lucas 9:48

mawũãsia: Mʉnebema ĩjã bꞌʉdꞌeba bariduba wũãwũã kꞌãwũã bꞌʉta bia edara mʉta bia edabʉrʉa. Mʉta bia edabʉrʉra bia edabʉrʉa mʉ zokꞌadꞌata. Marã jõmaʉ̃nebema zhi zroma ẽãne bꞌʉta maʉ̃ta audre zhi zroma.

Hechos 1:1

Mʉã bedꞌeata naara bꞌʉsidꞌera Teófilo, mʉãrã jõma jarasia Jesúsba odꞌata izha jaradiadꞌata jẽdeuba.

Romanos 3:8

¿Jaraidꞌe bꞌʉ ẽka daira ewaradꞌe jara panʉta, ʉ̃kʉrʉba dai mawũã jara bꞌera Daizezebara zuburia oidꞌe bꞌʉ ẽka? Daibara mawũã badabidꞌa: ¿Bia ẽãta odꞌaya biata zemarẽã?

Romanos 6:1

¿Mawũẽ kꞌasia adꞌaipe? ¿Kꞌazhiruadꞌe bꞌeaika Daizezeba izhi biaba kꞌãbãẽã sozuburiamarẽã?

Romanos 6:15

¿Mawũẽ sãwũãpe? ¿Kꞌazhiruara odꞌaika Moisé ũrãgꞌa edre duanu ẽbaera, mawũã odꞌaika Daizezeba izhi biaba ẽdrʉbidꞌa edre duanu baera? ¡Mawũã ẽã!