Mateo 3:12 - Porciones del Nuevo Testamento

¹² Trigo ezoabarira izhi juwuadꞌe erubꞌʉa, trigora ezoape zhi tara zhi wuagꞌabari maẽ wuagꞌaya, mawũãmina zhi kꞌãbʉra baya tebʉ kikꞌata nʉmʉne. (Aramaʉ̃ kĩrãkꞌa izhidꞌebemata ĩjã bꞌera izhi maẽ bꞌʉkuaya, mawũãmina zhi ĩjãna ẽãrã pua kꞌawua okuaya.)

Mateo 3:12 Iomraidhean Croise

Mateo 13:30

Idu ãba abꞌarika waribiudua trigo bꞌʉadꞌayeedꞌa. Bꞌʉabʉda ewadebʉrʉ mʉãrã zhi bꞌʉabadarãã mawũãña: Chirua kꞌazhiruata naara ẽũkua jãmaũdua, baratʉ tãjʉ̃kuaudua badꞌai kꞌarea. Mawũãmina trigo tara kuaudua mʉ ne kuabari maẽ.

Mateo 13:41

Mʉ Beubari Bape bꞌadꞌabara zokꞌaya ángelerã mʉrẽta, maʉ̃rãbara mʉta Reydꞌebemata jʉredꞌaya zhãrãta kꞌazhirua obi bꞌeta, bia ẽãta obꞌeta.

Mateo 13:42

Mobe pepekuadꞌaya tebʉdꞌe, mama jẽgadꞌaya kidꞌa kꞌõsesea.

Mateo 13:43

Maʉ̃nerã biata bꞌera ʉ̃madau kĩrãkꞌa uruzhadꞌaya ãzhi Zezeta Nokꞌota bꞌʉ maẽ. Ne ũrĩ bꞌʉbara maʉ̃ta kĩrãkuita ũrĩdua.

Lucas 3:16

Maʉ̃ne Juanbara jõmaʉ̃ã mawũãsia: Mʉãrã wãrãnebai marã baniãba buru kꞌoe bꞌʉa. Mawũãmina mʉ audre zhi zromata zeya, nezokꞌaba obari kĩrãkꞌara mʉãrã ẽnaĩne bꞌʉ ẽã maʉ̃ba jẽrũne jʉ̃ bꞌʉra. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Lucas 3:17

Trigo ezoabarira izhi juwuadꞌe erubꞌʉa, trigora ezoape zhi tara zhi wuagꞌabari maẽ wuagꞌaya, mawũãmina zhi kꞌãbʉra baya tebʉ kikꞌata nʉmʉne. (Aramaʉ̃ kĩrãkꞌa izhidꞌebemata ĩjã bꞌera izhi maẽ bꞌʉkuaya, mawũãmina zhi ĩjãna ẽãrã pua kꞌawua okuaya.)

Juan 15:2

Jʉ̃kꞌara mʉ kꞌarradꞌebema zhi zau ẽãrã izha tiaweya. Mawũãmina zhi zaubʉdara zhi tae seri ẽãtrʉ kꞌõkua araa oya audre zaumarẽã.