Mateo 27:60 - Porciones del Nuevo Testamento

⁶⁰ Mobe edꞌa tabꞌʉsia izhidꞌe beuwãrã wuagꞌai nʉmʉta zhiwidꞌi maẽ, maʉ̃ izhara peñata zobꞌea kꞌorubidꞌa basia. Edꞌa wãbari maẽ mongꞌara zromaba tapabigape wãsia.

Mateo 27:60 Iomraidhean Croise

Mateo 27:59

Mawũẽ Josébara Jesús kꞌakuara jiraedape burasia burubꞌa zhiwidꞌiba.

Mateo 27:66

Mawũãĩ ãzhira wãnape peña zobꞌeara sãwũãna ẽbaidꞌe obʉdata mongꞌara zhi tapa kꞌobꞌʉra kꞌarasidꞌa, mobe soldaorãta duanebisidꞌa akʉdꞌamarẽã.

Mateo 28:2

Maʉ̃ne ẽjũãta abꞌaedꞌa uresia, aramaʉ̃ne ángel Daizezedꞌeta ʉ̃treba zepe peña zobꞌea tapa kꞌobꞌʉta mongꞌara ãĩ kꞌobꞌʉpe ʉ̃rʉ̃ jewedꞌasia.

Lucas 24:2

Maʉ̃nerã mongꞌara ãña ʉratʉ kꞌobꞌʉta ũdusidꞌa peña zobꞌeata tapa kꞌobꞌadꞌata.

Juan 11:38

Jesús wakusa kꞌãbãẽã sopua zesia Lázaro wuagꞌadꞌapeadꞌa maẽ. Mama zobꞌeata nʉmʉta mongꞌara zromaba tapa nʉmasia.

Juan 11:41

Mobebʉrʉ beudꞌata bꞌʉdꞌapeadꞌa maẽbara mongꞌara ãĩ edasidꞌa. Mawũẽ Jesúsbara ʉ̃taa akʉ mawũãsia: Zeze, mʉã bʉaa zhibia jiya mʉã widꞌidꞌara bʉa ũrĩbʉrʉba.

Juan 19:41

Jesús cruzdꞌe kꞌachidꞌapeadꞌa kꞌaita bꞌasia ne uta, mawũã ne uta bꞌʉ maẽ bꞌasia peña zobꞌeata zhiwidꞌita. Mamarã beuwãrã wadꞌi bꞌʉdꞌa ẽbasia miõta.

Juan 20:1

Semana ewarita nabemata domingodꞌe María Magdalena diapedꞌa wadꞌi pãrĩgua nʉmʉne wãsia Jesús wuagꞌadꞌapeadꞌaidꞌu. Maʉ̃nerã peña zobꞌeata tapa kꞌobꞌadꞌara mongꞌara ãña ʉratʉ kꞌobꞌʉta ũdusia.