Mateo 27:35 - Porciones del Nuevo Testamento

³⁵ Jesús cruzdꞌe kꞌachidꞌape soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape. Aramaʉ̃ne arimaẽ berabꞌarisia Daizezeba bedꞌeata jarabibariba mawũãnata: Mʉ wuara ãzhirãĩnu drasidꞌa sãwũã dradꞌaidꞌebemata odꞌape.

Mateo 27:35 Iomraidhean Croise

Lucas 23:34

Maʉ̃nerã Jesúsbara mawũãsia: Zeze, bedꞌea ne ẽã bꞌʉkuadua ãzhara kꞌawuadꞌa ẽbaera kꞌãrẽ obꞌeta. Maʉ̃nerã soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape.

Juan 20:20

Mawũãpe ũdubigasia izhi juwuata, izhi orrota. Izha jʉrʉkuadꞌara sobiasidꞌa Nokꞌota ũdubʉdaba.

Juan 20:25

Mawũẽ dewarabemarã Jesúsba jʉrʉkuadꞌabara mawũãsidꞌa: Nokꞌora daibara ũdusidꞌa. Mawũãnaĩ mawũãsia: Izhi juwua clavoba kꞌachidꞌapeadꞌata mʉã ũdupe mʉ juwua jĩwĩnita edꞌa pẽũ ẽbʉrʉ, mʉ juwuata izhi orrodꞌe pẽũ ẽbʉrʉ, beudꞌata piradrʉdꞌara mʉãrã ĩjã ẽã.

Juan 20:27

Mobe Tomás kꞌobꞌʉa mawũãsia: Nama pẽũdua bʉ juwua jĩwĩnita, akʉdua mʉ juwuata, bʉ juwuara pẽũdua mʉ orrodꞌe. Mobe ĩjã ẽã nʉmarãrũã, awuarabʉrʉ ĩjãrũã.

Hechos 2:23

Maʉ̃ Jesús izha nawedꞌa krĩchadꞌadꞌe chãbꞌarisia Daizezebara, mawũẽ marãbara jidadꞌape bia ẽãta bꞌea beabisidꞌa cruzdꞌe kꞌachi.

Hechos 4:10

Marã jõmaʉ̃ba Israel jõmaʉ̃ba kꞌawuaudua, Jesucristo Nazaredꞌebema trʉ̃neba marãba cruzdꞌe kꞌachi beabidꞌapeadꞌata Daizezeba beudꞌata piradrʉbidꞌa trʉ̃neba naʉ̃ mazhi kĩrãbita bꞌe bꞌidꞌa.