Mateo 26:74 - Porciones del Nuevo Testamento

⁷⁴ Mawũãnaĩ izhara mawũãsia: Mʉta wãrĩnu bedꞌea ẽbʉrʉ Daizezebara izhikꞌawua zuburia oya. ¡Mʉãrã maʉ̃ ũdukꞌa! Maʉ̃ daucha berusia gallo.

Mateo 26:74 Iomraidhean Croise

Mateo 10:28

Wawiarãũdua kꞌakua bea bꞌeta, maʉ̃rãbara jawurera bea bꞌedꞌa ẽã. Awuarabʉrʉ Daizezeta wawiaudua, izhara jawureta kꞌakuata zuburiabi bꞌeya tebʉdꞌe.

Mateo 26:34

Mawũãĩ Jesúsbara mawũãsia: Mʉã wãrĩnu bʉaa jaraya, naʉ̃ diamase gallo berui nawedꞌa bʉa mʉrã ũdukꞌata jarama ũbea jaraya.

Mateo 26:73

Audre ẽãne mama kꞌobꞌebara orradꞌape Pedroa mawũãsidꞌa: Wãrãne bʉsidꞌa kꞌãʉ̃rãnebema, bʉzhi bedꞌeadꞌeba dajada bꞌʉa.

Mateo 26:75

Mobebʉrʉ Pedrobara bude basia Jesúsba mawũãnata: Gallo berui nawedꞌa bʉa mʉrã ũdukꞌata jarama ũbea jaraya. Aramaʉ̃ne Pedro ãĩ wãpe jẽgasia kꞌãbãẽã sopua.

Mateo 27:25

Mawũãĩ jõmaʉ̃ba panaʉ̃ mawũãsidꞌa: Kꞌãʉ̃ bebura izhikꞌawua dai ʉ̃rʉ̃ bꞌaeya, mobe izhikꞌawua dai warrarã ʉ̃rʉ̃ bꞌaeya.

Marcos 14:30

Mawũãĩ Jesúsbara mawũãsia: Mʉã wãrĩnu bʉaa jaraya: Nane diamase gallo beruma ũme berui nawedꞌa bʉa mʉrã ũdukꞌata jarama ũbea jaraya.

Marcos 14:68

Mawũãĩ izhara merãbʉrʉta mawũãsia: Maʉ̃ mʉãrã ũdukꞌa, mʉãrã kꞌawua ẽã bʉa kꞌãrẽ jara kꞌobꞌʉra. Mawũãpe edꞌa zebadaidꞌu wãbʉrʉdꞌera gallo berusia.

Lucas 22:60

Mawũãĩ Pedrobara mawũãsia: Mʉãrã kꞌawua ẽã bʉa kꞌãrẽ jara kꞌobꞌʉra. Maʉ̃ daucha izhi wadꞌi bedꞌea kꞌobꞌʉdꞌe gallo berusia.

Juan 18:27

Mawũãĩ Pedrobara wakusa merãsia. Maʉ̃ daucha berusia gallora.

Romanos 9:3

Mʉ ãĩ bꞌebʉrʉba ĩjãnaĩta bꞌasibʉrʉ mʉrã Daizezea zuburia obibʉrʉta Cristodꞌebara ãĩ bꞌekꞌausia mʉ ʉrerã zharadꞌebemata kʉãgꞌaba.