Mateo 26:55 - Porciones del Nuevo Testamento

⁵⁵ Maʉ̃nerã zhãrã kꞌobꞌea Jesúsbara mawũãsia: ¿Mʉrã nezrʉgamiã kĩrãkꞌa kuchoedꞌa bakuruedꞌa zebʉdakꞌa mʉ jidadꞌe? Mʉrã ewariza marã bawara jewedꞌa Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia.

Mateo 26:55 Iomraidhean Croise

Mateo 21:23

Daizeze dedꞌa ewara maẽ Jesús zebʉrʉdꞌera, sacerdoterã nokꞌorãbara, pʉwʉrʉ nokꞌorãbara izhira orrasidꞌa miã ũrãgꞌa nʉmʉne, mobe mawũãsidꞌa: ¿Kꞌaiba obi bꞌʉ bʉa obꞌʉra? ¿Kꞌaiba diasi kꞌãwũã zarea nʉmaĩrã?

Mateo 26:47

Jesús wadꞌi bedꞌea kꞌobꞌʉdꞌe izha doce jʉrʉkuadꞌadꞌebemata Judata zesia, izhi bawara zhãrã bio zesidꞌa kuchoedꞌa bakuruedꞌa, maʉ̃rã zokꞌasidꞌa sacerdoterã nokꞌorãba, nokꞌorã pʉwʉrʉdꞌebemaba.

Marcos 10:1

Mama Capernaúm pʉwʉrʉdꞌebara Jesús wãbʉrʉta, Judea druaedꞌa wãsia do Jordán kĩrãrẽ. Mawũẽ zhãrãbara izhira wakusa bʉredrʉsidꞌa, mawũẽ wakusa miã ũrãgꞌasia izhi bꞌʉ kĩrãkꞌa.

Marcos 12:35

Daizeze dedꞌa ewara maẽ Jesús miã ũrãgꞌa mawũãsia: ¿Ũrãgꞌa Moisédꞌe jarabadabara jara panʉka zhãrã Ẽdrʉbira rey Davidꞌeba uruta?

Lucas 19:47

Jesús ewariza miã ũrãgꞌa bꞌasia Daizeze dedꞌa ewara maẽ. Maʉ̃nerã sacerdoterã nokꞌorãba, ũrãgꞌa Moisédꞌe jarabadaba, nokꞌorãba bea krĩña bꞌeasia.

Lucas 20:1

Ewari abꞌa Jesús Daizeze dedꞌa ewara maẽ zhãrã ũrãgꞌa nʉmʉta bedꞌea biata jarakꞌa nʉmʉne zesidꞌa sacerdoterã nokꞌorãta, ũrãgꞌa Moisédꞌe jarabadata nokꞌorã bawara.

Lucas 4:20

Mawũã lepe libro burape diasia zhi wuagꞌabaria, mobe jewedꞌasia. Maʉ̃nerã de zhi jʉrebada maẽrã izhira jõmaʉ̃ba akʉ duanasia.

Juan 7:14

Fiestara ẽsadra babʉrʉdꞌera, Jesús Daizeze deidꞌu wãrĩzepe ewara maẽ miã ũrãgꞌasia.

Juan 7:28

Mobebʉrʉ Jesúsbara Daizeze dedꞌa ewara maẽ miã ũrãgꞌa nʉmʉba nemi jĩgua mawũãsia: Marãbara mʉrã ũdukꞌawua bꞌeta kꞌawua bꞌea sãmabemata. Mawũãmina mʉrã mʉzhikusauba ze ẽbasia, awuarabʉrʉ mʉrã zokꞌasia Daizeze wãrĩnu bꞌʉba, izhidꞌebema marãbara kꞌawua duanu ẽã.

Juan 8:2

Nrũẽma diapedꞌa wakusa Daizeze dedꞌa ewara maẽ zebʉrʉdꞌera zhãrã jõma zesidꞌa izhima. Mawũẽ jewedꞌape maʉ̃rãta ũrãgꞌasia.

Juan 8:20

Jesúsbara maʉ̃ bedꞌeata jarasia ofrenda bꞌʉbada maẽ Daizeze dedꞌa ewara maẽ miã ũrãgꞌa nʉmʉba. Maʉ̃nerã miõba jidadꞌa ẽbasia wadꞌi araba ẽãba izhi ewarita.