Mateo 26:29 - Porciones del Nuevo Testamento

²⁹ Mʉã marãã jaraya, idꞌidꞌeuba mʉãrã naʉ̃ vino wueta do ẽã, jari ewade marã bawarauba zhiwidꞌita doyeedꞌa mʉ Zezeta Nokꞌo maẽ.

Mateo 26:29 Iomraidhean Croise

Mateo 13:43

Maʉ̃nerã biata bꞌera ʉ̃madau kĩrãkꞌa uruzhadꞌaya ãzhi Zezeta Nokꞌota bꞌʉ maẽ. Ne ũrĩ bꞌʉbara maʉ̃ta kĩrãkuita ũrĩdua.

Mateo 16:28

Mʉã wãrĩnu marãã jaraya, ʉ̃kʉrʉ nama kꞌobꞌebara beudꞌai nawedꞌa ũdudꞌaya mʉ Beubari Bape bꞌadꞌara zebʉrʉta Rey baita.

Mateo 18:20

Mawũã aribꞌaeya mʉ pẽwã panʉta ũme o ũbea ãba kꞌopanʉ maẽrã mʉrã mama ãzhidꞌe edꞌa bꞌʉ baera.

Mateo 25:34

Mobebʉrʉ mʉã Reyba mʉ juwua araare kꞌobꞌea mawũãña: Zeudua, marã mʉ Zezeba bia edabʉrʉa, Daizezeta Nokꞌodꞌebemane duanedua, marãĩta zhi aribꞌaema ẽjũã osidꞌebemata.

Mateo 26:28

Naʉ̃ mʉ wata Daizezeba zhãrã ẽdrʉbiidꞌebemata zhiwidꞌita nʉmeña, mʉrã biobari wa erezoaya, aramaʉ̃ne zhãrãta bedꞌea ne ẽã duanebiya kꞌazhiruata biodꞌeba.

Mateo 26:30

Trʉ̃ãbi Salmota trʉ̃ãnape wãsidꞌa Olivo kꞌatumaĩnu.

Mateo 28:20

Mobe ũrãgꞌaudua jõma aribꞌaedꞌamarẽã mʉã marãã jaradꞌata. Mʉrã marã bawara ewariza bꞌaya ẽjũã jõñeẽna. Amén.

Marcos 14:25

Mʉã wãrĩnu marãã jaraya, mʉãrã vino wueta do ẽã, marã bawarauba jari ewade zhiwidꞌita doyeedꞌa Daizezeta Nokꞌo maẽ.

Lucas 12:32

Marã kꞌabana ẽmina perarãũdua, Daizezebara krĩñasia marãã diaita izhita Nokꞌodꞌebemata.

Lucas 15:32

Mawũãmina fiesta odꞌaita bara basia sobiadꞌaita. Naʉ̃ bʉ mebeara beudꞌa kĩrãkꞌa nʉmanata zokꞌai bꞌʉba, aduadꞌata ũdubʉdaba.

Juan 15:11

Mʉã maʉ̃ta marãã jarabʉrʉa marã mʉ kĩrãkꞌa jipadꞌe sobia bꞌeamarẽã.

Juan 16:22

Aramaʉ̃ kĩrãkꞌa marãsidꞌa kꞌãwũãwedꞌara sopua bꞌea. Mawũãmina mʉã marã wakusa ũdubʉrʉba sobiadꞌaya, mobebaira miõba jãrĩ ẽã marã sobiara.

Juan 17:13

Kꞌõbebʉrʉ mʉrã bʉma wãña. Mawũẽ mʉãrã maʉ̃ta jarabʉrʉa wadꞌi naʉ̃ ẽjũãne bꞌʉwedꞌa, aramaʉ̃ne ãzhisidꞌa mʉ kĩrãkꞌa jipadꞌe sobia bꞌeamarẽã.

Hechos 10:41

Ũdubiga ẽbasia zhãrã jõmaʉ̃ã, awuarabʉrʉ daia ũdubigasia Daizezebara daira maʉ̃ kꞌarea jʉrʉdꞌaba nawedꞌa. Daira izhi bawara nekꞌosidꞌa baniã dosidꞌa beudꞌata piradrʉdꞌa tẽã.