Mateo 26:28 - Porciones del Nuevo Testamento

²⁸ Naʉ̃ mʉ wata Daizezeba zhãrã ẽdrʉbiidꞌebemata zhiwidꞌita nʉmeña, mʉrã biobari wa erezoaya, aramaʉ̃ne zhãrãta bedꞌea ne ẽã duanebiya kꞌazhiruata biodꞌeba.

Mateo 26:28 Iomraidhean Croise

Mateo 20:28

Aramaʉ̃ kĩrãkꞌa mʉ Beubari Bape bꞌʉra ze ẽbasia zhãrãba aribꞌaedꞌamarẽã, awuarabʉrʉ zesia zhãrã aribꞌaeita, aramaʉ̃ne mʉ bebura diaya jõmaʉ̃bari.

Mateo 26:27

Mobebʉrʉ vino copadꞌe jiraedape maʉ̃bari Daizezea zhibia jipe dedꞌekabʉrʉta mawũãsia: Naʉ̃ta doudua jõmaʉ̃ba.

Mateo 26:29

Mʉã marãã jaraya, idꞌidꞌeuba mʉãrã naʉ̃ vino wueta do ẽã, jari ewade marã bawarauba zhiwidꞌita doyeedꞌa mʉ Zezeta Nokꞌo maẽ.

Mateo 6:12

Daiba bia ẽãta odꞌadꞌebara daira bedꞌea ne ẽã duanebirua, daiba bedꞌea ne ẽãne edabada kĩrãkꞌa dai bĩ ẽã obʉdata.

Marcos 1:4

Mawũã jaradꞌadꞌe Juanbara drua drudrua tabꞌʉ maẽ zhãrã buru kꞌoekua nʉmasia, maʉ̃nerã jarakꞌa nʉmasia buru kꞌoebʉdaba kꞌazhiruara ãmape Daizezeta pẽwãnamarẽã, bedꞌea ne ẽã duanebimarẽã kꞌazhiruata biodꞌeba.

Marcos 14:24

Mobebʉrʉ mawũãsia: Naʉ̃ mʉ wata Daizezeba zhãrã ẽdrʉbiidꞌebemata zhiwidꞌita nʉmeña, mʉrã biobari wa erezoaya.

Lucas 22:19

Mobebʉrʉ pan jiraedape maʉ̃bari Daizezea zhibia jipe bꞌʉape dedꞌekabʉrʉta mawũãsia: Naʉ̃ mʉ kꞌakuata marãbari chãbꞌariya, naʉ̃ta kꞌãwũã o bꞌeaudua mʉta krĩchabʉdata.

Lucas 22:20

Abꞌarika obʉrʉta nekꞌope vino copadꞌe jiraedape mawũãsia: Naʉ̃ vino copadꞌera Daizezeba zhãrã ẽdrʉbiidꞌebemata zhiwidꞌita nʉmeña mʉ wadꞌeba, mʉrã marãbari wa erezoaya.

Romanos 5:15

Mawũãmina Daizezeba bari diadꞌara Adánba kꞌazhiruata odꞌa kĩrãkꞌa ẽã, mawũã abꞌaʉba kꞌazhiruata odꞌadꞌeba bio beusidꞌa. Waya Daizezeba izhi biaba bari diadꞌara ẽdrʉita bioitabemata izhi biaba nʉmʉkꞌãrĩã ũmakĩrã abꞌaʉdꞌeba, Jesucristodꞌeba.

Romanos 5:19

Adánba Daizeze bedꞌeata aribꞌae ẽbadꞌaba zhãrã jõma kꞌazhirua omiãta nʉmʉsia. Aramaʉ̃ kĩrãkꞌa Jesúsba Daizeze bedꞌeata aribꞌaedꞌaba zhãrã bio bedꞌea ne ẽã bꞌʉya.