Mateo 26:25 - Porciones del Nuevo Testamento

²⁵ Mawũãĩ Judabara zhi chãbꞌariibara mawũãsia: ¿Miã Ũrãgꞌabari, mʉka? Mawũãĩ Jesúsbara mawũãsia: Ara bʉzha jarabʉrʉa.

Mateo 26:25 Iomraidhean Croise

Mateo 23:7

Ãzhi wawia saludꞌaita krĩñadea pʉwʉrʉdꞌe kꞌabana maẽrã. Krĩñadea zhãrãba ãzhira Miã Ũrãgꞌabari adꞌaita.

Mateo 23:8

Mawũãmina marãbara krĩña bꞌearãũdua marãta Miã Ũrãgꞌabari adꞌaita, marãne Miã Ũrãgꞌabarira abꞌabai bꞌʉ baera mʉta zhãrã Ẽdrʉbita, waya marã jõma mebẽrãta bꞌea.

Mateo 26:14

Jesúsba doce jʉrʉkuadꞌata abꞌa Juda Iscariote abadata sacerdoterã nokꞌorãma wãpe,

Mateo 26:49

Mawũẽ aramaʉ̃ta Jesús orrape mawũãsia: ¡Miã Ũrãgꞌabari kʉa! asia. Mobe kĩrãma nigasia.

Mateo 26:64

Mawũãĩ Jesúsbara mawũãsia: Ara bʉzha jarabʉrʉa. Mawũẽ mʉã marãã jaraya, idꞌidꞌeba marãbara ũdudꞌaya mʉ Beubari Bape bꞌʉra Daizeze zhi zroma juwua araare jewedꞌa bꞌʉta, jãrãrãne zebʉrʉta ʉ̃treba.

Mateo 27:11

Jesús edau nʉmasia nokꞌo Pilato kĩrãbita, maʉ̃bara widꞌi mawũãsia: ¿Bʉra Rey judíorãneka? Mawũãĩ Jesúsbara mawũãsia: Ara bʉzha jarabʉrʉa.

Lucas 22:70

Mawũãĩ jõmaʉ̃ba mawũãsidꞌa: ¿Aramaʉ̃nerã bʉra Daizeze Warrakꞌa? Mawũãnaĩ izhara mawũãsia: Ara mazha jarabʉda mʉrã maʉ̃ta.

Juan 18:37

Mawũãĩ Pilatobara mawũãsia: ¿Mobera bʉra Reyka? Mawũãĩ Jesúsbara panaʉ̃ mawũãsia: Ara bʉzha jarabʉrʉa mʉrã Reyta. Mʉrã maʉ̃ kꞌarea tobʉdata naʉ̃ ẽjũãẽna zesia wãrãta jaraita. Wãrãnebemata bꞌebara ũrĩ bꞌea mʉ bedꞌeara.

Juan 4:31

Maʉ̃ẽna izha jʉrʉkuadꞌabara ibiadꞌe jara mawũãsidꞌa: Miã Ũrãgꞌabari, nekꞌorua.