Mateo 24:3 - Porciones del Nuevo Testamento

³ Olivo kꞌatumane Jesús jewedꞌa bꞌʉdꞌe izha jʉrʉkuadꞌabara orradꞌape dobꞌaʉa mawũãsidꞌa: ¿Daia jaradua, sõmbedꞌepe Daizeze deta mawũã ãrĩnaĩrã, sãwũãĩpe bʉ zeira, sãwũãĩpe ewari nʉmʉta jõĩrã?

Mateo 24:3 Iomraidhean Croise

Mateo 13:36

Mobebʉrʉ zhãrã wãbigape Jesús deidꞌu wãsia. Maʉ̃ne izha jʉrʉkuadꞌabara orradꞌape mawũãsidꞌa: Sãwũãta daia jaradua chirua kꞌazhiruata pegadꞌebemata.

Mateo 13:49

Aramaʉ̃ kĩrãkꞌa berabꞌariya ewari nʉmʉta jõbʉrʉdꞌera. Ángelerã jʉ̃drʉkuape biarã ẽãta ãĩ bꞌʉdꞌaya biarã maẽba.

Mateo 15:12

Mawũãĩ izha jʉrʉkuadꞌabara orradꞌape mawũãsidꞌa: ¿Bʉara kꞌawuasika fariseorã bĩ ẽãbʉdara ũrĩbʉdaba maʉ̃ bedꞌeata?

Mateo 16:27

Mʉ Beubari Bape bꞌadꞌara mʉ Zeze zareaedꞌa zeya izhi ángelerã bawara, maʉ̃nerã abꞌa abꞌakꞌa kꞌawua obʉrʉta biata odꞌapeadꞌara bia bꞌʉya, bia ẽãta odꞌapeadꞌara zuburia bꞌʉya.

Mateo 16:28

Mʉã wãrĩnu marãã jaraya, ʉ̃kʉrʉ nama kꞌobꞌebara beudꞌai nawedꞌa ũdudꞌaya mʉ Beubari Bape bꞌadꞌara zebʉrʉta Rey baita.

Mateo 17:19

Mawũẽ izha jʉrʉkuadꞌabara Jesús orradꞌape dobꞌaʉa widꞌi mawũãsidꞌa: ¿Daibara kꞌãrẽneba ãĩ jʉreta bꞌedꞌa ẽbasi?

Mateo 21:1

Jerusalén kꞌaita babʉdadꞌe, Betfagé pʉwʉrʉedꞌa zebʉdata Olivo kꞌatumaẽna zebʉdadꞌera Jesúsbara izha jʉrʉkuadꞌata ũme zokꞌabʉrʉta,

Mateo 24:27

Bata dajada pureabari kĩrãkꞌa mʉ Beubari Bape bꞌadꞌata zebʉrʉdꞌera dajada zeya.

Mateo 24:30

Mobebʉrʉ ũdudꞌakꞌata ũdubʉdata mʉ Beubari Bape bꞌadꞌata bãjãneba uruta ũdudꞌaya, mawũã ũdubʉdaba druadꞌe zhãrã bꞌera jõma peraba jẽgadꞌaya. Maʉ̃nerã mʉ Beubari Bape bꞌadꞌara bãjãneba jãrãrãne uruta ũdudꞌaya zarea bara kꞌãbãẽã kĩrãwãrẽã.

Mateo 24:37

Noé ewade berabꞌaridꞌa kĩrãkꞌa berabꞌariya mʉ Beubari Bape bꞌadꞌata zebʉrʉdꞌera.

Mateo 24:39

Adu-a bꞌedꞌe do birupe jõma jogꞌakuasia. Mawũã bꞌeaya mʉ Beubari Bape bꞌadꞌata zebʉrʉdꞌebidꞌa.

Mateo 24:43

Mʉã jaraita sãwũãta kꞌawuaudua, nezrʉgamiã kꞌãrẽ ʉ̃madaudꞌe zeita zhidekʉba kꞌawuara daukꞌãrã bꞌeya, aramaʉ̃ne nezrʉgabi ẽbaya izhi dedꞌara.

Mateo 28:20

Mobe ũrãgꞌaudua jõma aribꞌaedꞌamarẽã mʉã marãã jaradꞌata. Mʉrã marã bawara ewariza bꞌaya ẽjũã jõñeẽna. Amén.

Lucas 21:7

Mawũãĩ widꞌi mawũãsidꞌa: Miã Ũrãgꞌabari, ¿sõmbedꞌepe Daizeze deta mawũã ãrĩnaĩrã? ¿Sãwũãĩpe maʉ̃ta arimaẽ berabꞌariira?

Hechos 1:7

Mawũãnaĩ Jesúsbara mawũãsia: Ewarira marãba kꞌawuadꞌai barata nʉmʉ ẽã mʉ Zezeba kꞌãrẽ oita nʉmʉkꞌãrĩrã.