Mateo 23:39 - Porciones del Nuevo Testamento

³⁹ Mʉã marãã jaraya, kꞌãwũã wedꞌauba marãbara mʉrã ũdudꞌa ẽbaya, marãba mawũãnañeẽna: Ibia jaradꞌaya Daizezedꞌeba urura.

Mateo 23:39 Iomraidhean Croise

Mateo 21:9

Zhãrãbara na wãba tẽã uruba nemi jĩgua mawũãsidꞌa: ¡Bʉra ibia jaradꞌaya rey Davidꞌeba urura! ¡Ibia jaradꞌaya Daizezedꞌeba zebʉrʉra! ¡Daizezera ibia jaraudua ʉ̃trera! (Salmos 118:25-26)

Lucas 17:22

Mobe izha jʉrʉkuadꞌaa mawũãsia: Ewarita zeya zuburiadꞌaita, maʉ̃nerã marãbara mʉ Beubari Bape bꞌadꞌara ewari abꞌabidꞌa ũdu krĩñanaña, mawũãmina ũdudꞌa ẽbaya.

Juan 14:19

Mʉnebema ẽãta ẽjũãne bꞌebara dããrã ẽãne mʉrã wueta ũdudꞌa ẽã. Mawũãmina marãbara mʉrã ũdudꞌaya. Mʉta bꞌʉba marãsidꞌa bꞌeaya.

Juan 14:9

Mawũãĩ Jesúsbara mawũãsia: ¿Mʉrã marã bawara bꞌʉta ewari bio bata, bʉa mʉrã ũdukꞌawa ẽka Felipe? Mʉta ũdu bꞌʉbara mʉ Zezeta ũdu bꞌʉa, ¿maʉ̃ta bʉara sãwũã mawũãbʉrʉ: Daia ũdubigarua bʉ Zezeta?

Juan 8:21

Jesúsbara wakusa mawũãsia: Mʉta wãbʉrʉdꞌera marãbara mʉrã jʉrʉdꞌaya, mawũãmina marã mazhi kꞌazhiruadꞌe beukuaya, mawũẽ mʉ wãĩma marã wã bꞌedꞌa ẽã.

Juan 8:24

Maʉ̃ba mʉã marãã jarabʉrʉa marã mazhi kꞌazhiruadꞌe beukuaita, Mʉrã Mʉta ĩjãna ẽbʉrʉ mazhi kꞌazhiruadꞌe beukuaya.

Juan 8:56

Marã zeze Abraham sobiasia mʉ zebʉrʉ ewarita ũdui baera, aramaʉ̃ne ũdusia, mawũẽ sobiasia.

Romanos 11:25

Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.