Mateo 23:13 - Porciones del Nuevo Testamento

¹³ ¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Mateo 23:13 Iomraidhean Croise

Mateo 23:16

¡Marã Daizezebara pua kꞌawua oya, zhãrã jipa ededꞌa ẽãba daʉbꞌerrea bꞌe kĩrãkꞌa bꞌea! Mawũẽ mawũãbada: Iabꞌaʉba Daizeze de daidꞌu kꞌãrẽ wãrĩnu oita jarape o ẽbʉrʉ kꞌãrẽ ẽã. Mawũãmina iabꞌaʉba Daizeze dedꞌa oro nʉmʉ daidꞌu kꞌãrẽ wãrĩnu oita jarabʉrʉra oibara abada.

Mateo 23:23

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Marãbara menta kiduata, eneldo kiduata, cominota diez bꞌʉabʉdaza abꞌa Daizezea diabada. Mawũãmina audre aribꞌaei bꞌʉra aribꞌaedꞌa ẽã Daizezeba ũrãgꞌa Moiséa diadꞌadꞌe jara bꞌʉra zhãrã sãwũã edai bꞌʉdꞌe edaita, zhãrã sozuburiaita, Daizezedꞌebema ĩjãĩta. Maʉ̃ne maʉ̃trʉ aribꞌae duanaĩne bꞌʉa wuaabema kenabꞌari ẽã aribꞌae bꞌedꞌe.

Mateo 23:25

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Mawũẽ vasota epedꞌekꞌota ʉ̃rʉ̃bʉrʉ zhi sʉgʉma kĩrãkꞌa bꞌea, mawũãmina marã edꞌara bia ẽãba bira bꞌea, nezrʉga kꞌãrẽ o ẽbai bꞌʉta obꞌeba.

Mateo 23:27

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Mawũẽ beuwãrã joudꞌapeadꞌa totroa nʉme kĩrãkꞌa bꞌea, ʉ̃rʉ̃rã wãrĩnu bi-ia nʉmeã, mawũãmina edꞌara beudꞌa bꞌʉwʉrʉba bira nʉmeã, mitia nʉmeã.

Mateo 23:29

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Mawũẽ Daizezeba bedꞌeata jarabibarirã joudꞌapeadꞌa nʉmema ne pãrãbada, aramaʉ̃ne kĩrãwãrẽã obada biata joudꞌapeadꞌa nʉmerã.

Mateo 3:7

Fariseorãta saduceorãta izha bio ũdubʉrʉta izha buru kꞌoemarẽã zebʉdadꞌera ʉ̃kʉrʉa mawũãsia: Marã bia ẽãta bꞌeba dãmata neãrã bara bꞌe kĩrãkꞌa bꞌea. ¿Mawũã bꞌeta kꞌaiba ẽdrʉdꞌaya asi Daizezeba kĩrũbiba pua kꞌawua okuaita ʉ̃rʉ̃ badꞌebara?

Lucas 11:52

¡Daizezebara pua kꞌawua oya marã ũrãgꞌa Moisédꞌe jarabadata bꞌera! Marãbara idaribidꞌa ẽã Daizezedꞌebema kꞌawuadꞌaira. Miã mazhabidꞌa kꞌawuadꞌa ẽã, zhi kꞌawua krĩñabʉdaara idaribidꞌa ẽã.

Juan 9:22

Zhibarirãbara mawũãsidꞌa judíorãta wawia panʉba, maʉ̃ẽnabemata judíorã ya krĩcha abꞌarika zekuasia Jesús zhãrã Ẽdrʉbia abʉrʉra de zhi jʉrebada maẽ edꞌa wãbidꞌa ẽbaita.

Juan 9:24

Mawũẽ daʉbꞌerrea bꞌadꞌara wakusa trʉ̃nape mawũãsidꞌa: Daizeze kĩrãbita daia wãrãta jaradua. Daibara kꞌawua bꞌea kꞌãʉ̃ kꞌazhirua omiãta.

Juan 9:34

Mawũãĩ panaʉ̃ mawũãsidꞌa: Bʉra jipadꞌe kꞌazhiruadꞌe tosia. ¿Maʉ̃ta bʉabʉrʉ ũrãgꞌaika daita? Mawũãnape jarasidꞌa de zhi jʉrebada maẽ wueta edꞌa wã ẽbamarẽã.

Hechos 13:8

Mawũãmina idaribiga ẽbasia Elima jaibanaba. Griego bedꞌeadꞌera maʉ̃ basia izhi trʉ̃rã. Aramaʉ̃ne ĩjãbi ẽbaita nʉmasia nokꞌoa.

Hechos 5:28

mawũãsia: ¿Daibara marãã jipa jarasidꞌa ẽka jaradꞌa ẽbamarẽã Jesúsdꞌebema? Maʉ̃ta marãbara Jerusalénne jõmaʉ̃ã jarabʉda mazhi ũrãgꞌara, aramaʉ̃ne dai ʉ̃rʉ̃ bꞌaebi krĩña panʉã Jesús bebuta.

Hechos 5:40

Mawũãĩ krĩcha abꞌarika zekuasia izhi bawara. Mobebʉrʉ Jesúsba zokꞌakuadꞌara trʉ̃sidꞌa, mobe ubidꞌape jarasidꞌa jaradꞌa ẽbamarẽã Jesúsdꞌebema, mobebʉrʉ ẽna panʉsidꞌa.

Hechos 8:1

Sauloma biga basia Esteban beabʉdara. Abꞌaʉ ewade mebẽrã bĩ ẽã osidꞌa Jerusalénne bꞌeta. Mawũẽ Jesúsba zokꞌakuadꞌa wãna ẽãnerã ãzhira jõma jãrãzoa wãsidꞌa Judea druadꞌe, Samaria druadꞌe.