Mateo 22:16 - Porciones del Nuevo Testamento

¹⁶ Mawũẽ ãzhi pẽwã bꞌeta rey Herode pẽwã bꞌe bawara izhima zokꞌabʉdata jarabuesidꞌa mawũãnamarẽã: Miã Ũrãgꞌabari, daiba kꞌawua bꞌedꞌera bʉara jara bꞌʉa wãrãta, aramaʉ̃ne wãrĩnuta jara bꞌʉa Daizeze ota. Bʉra krĩcha zhãrãneã zhi edebi ẽã bʉara akʉ ẽbaera zhãrãnebemata.

Mateo 22:16 Iomraidhean Croise

Mateo 22:24

mawũãsidꞌa: Miã Ũrãgꞌabari, Moisébara mawũãsia: Iabꞌaʉta warra ne ẽã beura, izhi wũẽrã zhi mebeaba edaibara, aramaʉ̃ne zhi mebea beudꞌata warra barabiya.

Mateo 22:26

Zhi ũmesidꞌa abꞌarika berabꞌarisia, zhi ũbeasidꞌa, zhi sietesidꞌa.

Mateo 26:18

Mawũãnaĩ izhara mawũãsia: Pʉwʉrʉedꞌa wãũdua ũmakĩrã mʉ ũdukꞌawuama, mobe mawũãũdua: Miã Ũrãgꞌabariba mawũãsia: Mʉ bebura kꞌaita basia, mawũẽ fiesta zhikota mʉãrã bʉ dedꞌa oya mʉã jʉrʉkuadꞌa bawarauba.

Mateo 26:49

Mawũẽ aramaʉ̃ta Jesús orrape mawũãsia: ¡Miã Ũrãgꞌabari kʉa! asia. Mobe kĩrãma nigasia.

Marcos 10:17

Jesús wãne iabꞌa wãẽba zepe izhi kĩrãbita sãkꞌokꞌodꞌe kꞌobꞌepe widꞌi mawũãsia: Miã Ũrãgꞌabari, bʉra biata bꞌʉa, ¿mʉãrã kꞌãrẽta oi barape Daizeze ũme bꞌai jõ ẽãta jidaira?

Marcos 12:13

Fariseorãta ʉ̃kʉrʉ rey Herode pẽwã bꞌeta ʉ̃kʉrʉ Jesúsma zokꞌasidꞌa wãẽã bedꞌeabidꞌamarẽã.

Marcos 12:14

Mawũẽ maʉ̃rã zekuape mawũãsidꞌa: Miã Ũrãgꞌabari, daiba kꞌawua bꞌedꞌera bʉara jara bꞌʉa wãrãta, bʉra krĩcha zhãrãneã zhi edebi ẽã bʉara akʉ ẽbaera zhãrãnebemata. Awuarabʉrʉ wãrĩnuta jara bꞌʉa Daizeze ota. ¿Diasia bꞌʉka rey César plata diabadara, o dia bꞌe ẽ? ¿Diadꞌaidꞌe bꞌʉka o diadꞌaidꞌe bꞌʉ ẽ?

Marcos 3:6

Mawũẽ fariseorã wãnape Herode pẽwã bꞌe bawara krĩcha jʉrʉsidꞌa Jesús beadꞌaita.

Marcos 8:15

Maʉ̃ne Jesúsbara mawũãsia: Kĩrãkuita bꞌeaudua ne oregueata fariseorãne kꞌarea, ne oregueata rey Herode bꞌʉdꞌe kꞌarea.

Lucas 20:21

Mawũẽ maʉ̃rãbara widꞌi mawũãsidꞌa: Miã Ũrãgꞌabari, daiba kꞌawua bꞌedꞌera bʉa jara bꞌʉra bʉ ũrãgꞌara jipa bꞌʉa, bʉara miõta awuara eda ẽã, awuarabʉrʉ Daizeze ota jara bꞌʉa wãrãne.

Lucas 7:40

Maʉ̃ne Jesúsbara mawũãsia: Simón, mʉã bʉaa ne jaraya. Mawũãĩ izhara mawũãsia: Jaradua Miã Ũrãgꞌabari.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 18:37

Mawũãĩ Pilatobara mawũãsia: ¿Mobera bʉra Reyka? Mawũãĩ Jesúsbara panaʉ̃ mawũãsia: Ara bʉzha jarabʉrʉa mʉrã Reyta. Mʉrã maʉ̃ kꞌarea tobʉdata naʉ̃ ẽjũãẽna zesia wãrãta jaraita. Wãrãnebemata bꞌebara ũrĩ bꞌea mʉ bedꞌeara.

Juan 7:18

Izhikusauba bedꞌea bꞌʉbara izhitrʉ bia jaradꞌamarẽã bꞌʉa, mawũãmina mʉãrã Daizeze mʉ zokꞌadꞌata bia jaradꞌamarẽã bꞌʉa, mawũẽ wãrĩnuta jara bꞌʉa, aramaʉ̃ne mʉãrã sewata jara ẽã.