Mateo 21:41 - Porciones del Nuevo Testamento

⁴¹ Mawũãĩ mawũãsidꞌa: Bia ẽãta bꞌera sozuburia ẽã makenaña, mobe uva izhidꞌera awʉrʉrã uvadꞌe trajabadaa arrendaya. Aramaʉ̃ne izhaa diadꞌaira diadꞌamarẽã uva bꞌʉabada ewade.

Mateo 21:41 Iomraidhean Croise

Mateo 21:34

Uva bꞌʉabada ewade nezokꞌarã izhidꞌeta zokꞌasia uvadꞌe trajabadama, jidadꞌamarẽã uva izhaa diabʉdata.

Mateo 21:40

Aramaʉ̃nerã uva zhibarita zebʉrʉdꞌera ¿uvadꞌe trajabadara marãma sãwũã oipe?

Mateo 21:43

Maʉ̃neba mʉã marãã jaraya, marã Daizezebara izhita Nokꞌodꞌebemane duanabi ẽã, awuarabʉrʉ maʉ̃ne bꞌeabiya izha jara bꞌʉta obꞌeta.

Mateo 3:12

Trigo ezoabarira izhi juwuadꞌe erubꞌʉa, trigora ezoape zhi tara zhi wuagꞌabari maẽ wuagꞌaya, mawũãmina zhi kꞌãbʉra baya tebʉ kikꞌata nʉmʉne. (Aramaʉ̃ kĩrãkꞌa izhidꞌebemata ĩjã bꞌera izhi maẽ bꞌʉkuaya, mawũãmina zhi ĩjãna ẽãrã pua kꞌawua okuaya.)

Lucas 20:16

Wãpe uvadꞌe trajabadara beakuaya, mobe izhi uvara chãbꞌariya awʉrʉrãã. Zhãrã kꞌobꞌebara maʉ̃ta ũrĩnaĩ mawũãsidꞌa: ¡Maʉ̃nebara daira Daizezeba kꞌarebaidꞌe bꞌʉa!

Hechos 15:7

Dããrã bedꞌeabʉdadꞌe Pedrota piradrʉpe mawũãsia: Mebẽrã, sãwũã dããrã bata marãbara kꞌawua bꞌea, mʉrã Daizezebara jʉrʉsia judíorã ẽãba mʉ idꞌeba Jesúsdꞌebema bedꞌea biata ũrĩnape ĩjãnamarẽã.

Hechos 18:6

Mawũãmina maʉ̃rãbara ũrĩãmaba mitia bedꞌea jirpaneĩ wua jʉ̃ bꞌʉta niãwe mawũãsia: Kꞌãwũã bꞌedꞌeba Daizezebara pua kꞌawua okuaya. Mʉrã bedꞌea ne ẽbaya. Idꞌidꞌeuba mʉãrã Jesúsdꞌebema jaradꞌe wãña judíorã ẽãta bꞌea.

Hechos 28:28

Mawũẽ kꞌawuaudua, judíorã ẽãta bꞌea jaradꞌe zokꞌasia ẽdrʉidꞌebemata Daizezedꞌera. Aramaʉ̃ne maʉ̃rãbara ũrĩnaña.

Hechos 28:8

Maʉ̃nerã Publio zezera kʉdꞌadꞌe tabꞌasia kʉwamiãba ãmiba. Pablo edꞌa wãsia akʉdꞌe, mobe zhiwidꞌipe juwua ʉ̃rʉ̃ bꞌʉpe bꞌebisia.