Mateo 21:28 - Porciones del Nuevo Testamento

²⁸ ¿Mawũãmina marãma sãwũãpe? Ũmakĩrãba erubꞌasia warrarãta ũme, mawũẽ zhi nabemata orrape mawũãsia: Warra, idꞌira trajadꞌe wãrũã mʉ uvadꞌe.

Mateo 21:28 Iomraidhean Croise

Mateo 17:25

Mawũãnaĩ Pedrobara mawũãsia: Pagꞌabaria. Mawũãpe izhi deidꞌu wãbʉrʉdꞌera Jesús naara bedꞌeabʉrʉta mawũãsia: ¿Simón, bʉma sãwũãpe? ¿Reyrãta druadꞌe bꞌebara impuesto kꞌairãneta widꞌibada, ãzha jʉre bꞌea widꞌibadakꞌa o ãĩbemaneta widꞌibada?

Mateo 20:1

Daizezeta Nokꞌota nʉmʉrã ũmakĩrã drua zhibarita bꞌadꞌa kĩrãkꞌa bꞌʉa, diapedꞌa zhãrã jʉrʉ wãsia trajabigaita izhi uvadꞌe.

Mateo 21:27

Mobebʉrʉ panaʉ̃bʉdata Jesúa mawũãsidꞌa: Daibara kꞌawuadꞌa ẽã. Mawũãnaĩ izhara mawũãsia: Mʉãbidꞌa marãã jara ẽã kꞌaiba obi bꞌʉra mʉã obꞌʉra.

Mateo 21:29

Mawũãĩ izhara panaʉ̃ mawũãsia: Mʉrã wã krĩña ẽã. Mawũãnata tẽã wãĩta krĩchape wãsia.

Mateo 21:33

Ũrĩũdua, mʉã dewara ne jarakꞌaya: Ũmakĩrãta bꞌasia drua zhibarita, maʉ̃bara uvata upe serrape osia uva bꞌata piabarita. Mobe uva akʉita pãrãsia deta ʉ̃tʉ drasoa, mobe uvadꞌe trajabadaa arrendape wãsia wawara.

Mateo 22:17

Bʉma sãwũãta daia jaradua: ¿Diasia bꞌʉka rey César plata diabadara, o dia bꞌe ẽ?

Marcos 13:34

Aramaʉ̃nerã ũmakĩrãta wawara wãna kĩrãkꞌa berabꞌariya, izhi dera ãmaẽbʉrʉta nezokꞌarã izhidꞌea chãbꞌarisia, abꞌa abꞌaʉa dedꞌekasia kꞌãrẽ oita, de akʉbaria jarasia dauba bꞌamarẽã.

Lucas 13:4

Jari dieciochota Siloédꞌe de drasoa nʉmanata ʉ̃rʉ̃ bꞌaebʉrʉba beakuadꞌara, ¿marãbara krĩcha duanuka maʉ̃rãtrʉ audre bedꞌea bara bꞌeasita zhãrã bꞌe kꞌãñabara Jerusalénne?