Mateo 21:26 - Porciones del Nuevo Testamento

²⁶ Dazhirãba zhãrãba zokꞌasia adꞌaisidꞌa, dazhirãbara zhãrãta wawia bꞌea jõmaʉ̃ma Juan Daizezeba bedꞌeata jarabibarita bꞌʉ baera.

Mateo 21:26 Iomraidhean Croise

Mateo 11:9

¿Kꞌãrẽta akʉdꞌe jũẽsidꞌa? ¿Daizezeba bedꞌeata jarabibarita akʉdꞌe jũẽsidꞌakꞌa? Izhia, mʉã marãã jaraya, kꞌãʉ̃ Daizezeba bedꞌeata jarabibarita audre zhi zroma.

Mateo 14:5

Herodebara bea krĩña bꞌasimina wawia bꞌasia zhãrã bꞌeta, zhãrãma Juan bꞌasi baera Daizezeba bedꞌeata jarabibarita.

Mateo 21:11

Maʉ̃nerã zhãrãbara mawũãsidꞌa: Naʉ̃ Jesústa Daizezeba bedꞌeata jarabibaria, Nazaret pʉwʉrʉdꞌebema, Galilea druadꞌebema.

Mateo 21:25

Zhãrã buru kꞌoemarẽã Juan, ¿kꞌaiba zokꞌasi? ¿Ʉ̃trebemaba o zhãrãba? Mawũãĩ ãzhirãĩnu mawũãsidꞌa: Dazhirãba Ʉ̃trebemaba zokꞌasia adꞌara, ¿mobera kꞌãrẽã ĩjãna ẽbasi aya?

Mateo 21:27

Mobebʉrʉ panaʉ̃bʉdata Jesúa mawũãsidꞌa: Daibara kꞌawuadꞌa ẽã. Mawũãnaĩ izhara mawũãsia: Mʉãbidꞌa marãã jara ẽã kꞌaiba obi bꞌʉra mʉã obꞌʉra.

Mateo 21:46

Mawũẽ sãwũã jidadꞌaita krĩcha jʉrʉsidꞌamina, zhãrãta wawiasidꞌa zhãrãma Jesús Daizezeba bedꞌeata jarabibarita bꞌʉ baera.

Marcos 11:32

¿Maʉ̃ne dazhirãbara sãwũã zhãrãba zokꞌasia adꞌaipe? Ãzhara aramaʉ̃ne zhãrãta wawiasidꞌa, jõmaʉ̃ma Juan wãrĩnu Daizezeba bedꞌeata jarabibarita bꞌʉ baera.

Marcos 12:12

Jida krĩñasidꞌa mawũã ne jarabʉrʉbara ãzhita jarabʉrʉta kꞌawuabʉdaba. Mawũãmina kꞌabanata wawiabʉdaba ãmaẽbʉdata wãsidꞌa.

Marcos 6:20

Herodebara Juan wawia bꞌasia izha kꞌawua bꞌʉba biata Daizezeita bꞌʉta, mawũẽ idaribi ẽbasia. Juan bedꞌeata ũrĩbʉrʉdꞌera sãwũãĩ kꞌawua ẽã bꞌasimina ũrĩ krĩña ũrĩ bꞌasia.

Lucas 20:19

Sacerdoterã nokꞌorãbara ũrãgꞌa Moisédꞌe jarabadabara aramaʉ̃ta jida krĩñasidꞌa mawũã ne jarabʉrʉbara ãzhita jarabʉrʉta kꞌawuabʉdaba. Mawũãmina wawiasidꞌa zhãrãta.

Lucas 20:6

Dazhirãba zhãrãba zokꞌasia adꞌara, dazhirã zhãrã jõmaʉ̃ba mongꞌaraba bꞌata jidadꞌaya kꞌawua bꞌe baera Juan Daizezeba bedꞌeata jarabibarita bꞌadꞌata.

Lucas 22:2

Sacerdoterã nokꞌorãta bꞌera ũrãgꞌa Moisédꞌe jarabadata bꞌera krĩcha jʉrʉ bꞌeasia Jesús sãwũã beadꞌaita, ãzhara wawia bꞌe baera zhãrã bꞌeta.

Juan 5:35

Juanbara mʉnebema kꞌawuabiga nʉmʉba pãrĩguadꞌe ĩbĩrã ʉ̃nabari kĩrãkꞌa bꞌasia, aramaʉ̃ne marã ewari kꞌakutua sobiasidꞌa izhi ʉ̃nane.

Juan 9:22

Zhibarirãbara mawũãsidꞌa judíorãta wawia panʉba, maʉ̃ẽnabemata judíorã ya krĩcha abꞌarika zekuasia Jesús zhãrã Ẽdrʉbia abʉrʉra de zhi jʉrebada maẽ edꞌa wãbidꞌa ẽbaita.

Hechos 5:26

Mawũãĩ Daizeze de akʉbada nokꞌora wekuaita wãsia Daizeze de akʉbada bawara, aramaʉ̃ne zhõ ne ẽã wekuasia perabʉdaba zhãrãba mongꞌaraba tabꞌari beadꞌaidꞌeba.