22 Mawũãĩ Jesúsbara panaʉ̃ mawũãsia: Marãbara kꞌawuadꞌa ẽã kꞌãrẽ widꞌi panʉrã. ¿Marã zuburiaita panʉka mʉ zuburiai kĩrãkꞌara? Mawũãĩ ãzhara mawũãsidꞌa: Daibara bꞌedꞌaya.
Mawũãĩ Pedrobara mawũãsia: Bʉ ũme beuita babʉrʉsidꞌa mʉã bʉra ũdukꞌata jara ẽã. Jesúsba jʉrʉkuadꞌabara jõmaʉ̃ba abꞌarika jarasidꞌa.
Mawũãpe arajĩga wãpe egoroma bꞌarru kꞌobꞌepe zhiwidꞌi mawũãsia: Mʉ Zeze, bʉma bigabʉrʉ mʉrã zuburia beubirãrũã, mawũãmina mʉã krĩñata aribꞌaerãrũã, awuarabʉrʉ bʉzha krĩñata aribꞌaedua.
Wakusa wãpe zhiwidꞌima ũmeta mawũãsia: Mʉ Zeze, mʉ zuburiabi ẽbaita bʉma biga ẽbʉrʉ aribꞌaedua bʉzha krĩñata.
Mawũãmina naʉ̃ jõma kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata Daizezeba bedꞌeata jarabibarirãba jaradꞌapeadꞌata. Izha jʉrʉkuadꞌabara jõmaʉ̃ba Jesús ãmaẽbʉdata merũ wãẽbasidꞌa.
Izhara mawũãsia: Zeze, bʉitara ne jõma borekea, mawũẽ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.
Mʉrã zuburia beuya. ¡Mʉrã maʉ̃ba sopua bꞌʉa maʉ̃ta arimaẽ berabꞌariyeedꞌa!
mawũãsia: Zeze, bʉma bigabʉrʉ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.
Jesúsbara Pedroa mawũãsia: Bʉzhi kuchora edꞌa pẽũdua. Mʉ Zezeba mʉrã zuburiabiya nʉmʉba, ¿mʉrã zuburiaidꞌe bꞌʉ ẽka?
Aramaʉ̃ kĩrãkꞌa dazhira Jawurebiaba kꞌareba bꞌʉa dazha bꞌe ẽãnebemane. Daizezea kꞌãrẽ bigata widꞌiira dazhara kꞌawua ẽã. Mawũãmina Jawurebiata dazhibari ʉ̃ĩ-ʉ̃ĩã zhiwidꞌi bꞌʉa, maʉ̃ sãwũãta jaraidꞌe bꞌʉ ẽã.