Mateo 19:22 - Porciones del Nuevo Testamento

²² Kũrãbara maʉ̃ bedꞌeata ũrĩpe sopua wãsia kꞌãbãẽã bara bꞌʉ baera.

Mateo 19:22 Iomraidhean Croise

Mateo 13:22

Ne ta pobʉrʉdꞌe ʉrʉdꞌe bꞌaedꞌara Daizeze bedꞌeata ũrĩbarita maʉ̃ã. Mawũãmina naʉ̃ ẽjũãnebemata krĩcha nʉme bꞌʉa, aramaʉ̃ne sãwũã ne bio erubꞌaita krĩcha nʉmʉbara sewa bꞌʉba Daizeze bedꞌeata kenabꞌaribi bꞌʉa, aramaʉ̃ne zau eaba ẽã.

Mateo 14:9

Mawũãĩ rey Herode sopuasia, mawũãmina izhi bawara nekꞌo kꞌobꞌe kĩrãbita kꞌãrẽ wãrĩnu diaita jaradꞌa baera jarasia diadꞌamarẽã.

Mateo 16:26

¿Zhãrãĩtara kꞌãrẽ biata bꞌaipe ẽjũãne nʉmʉta jõma izhidꞌeta nʉmʉbʉrʉdꞌe izhi jawureta aduara? ¿O zhãrãbara kꞌãrẽta dia bꞌeipe izhi jawureta ẽdrʉbiira?

Mateo 19:21

Mawũãĩ Jesúsbara mawũãsia: Bʉta bia nʉma krĩña bꞌʉbʉrʉ wãpe bʉzha ne erubꞌʉta nendope platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua.

Mateo 19:23

Mawũẽ izha jʉrʉkuadꞌaa Jesúsbara mawũãsia: Mʉã wãrĩnu marãã jaraya, bara bꞌʉra borekea edꞌa wã ẽã Daizezeta Nokꞌodꞌebemanerã.

Mateo 6:24

Miõba zhãrã ũme aribꞌae nʉma bꞌe ẽã. Manebʉrʉ abꞌa jurape abꞌa kʉãgꞌaya, o abꞌa zhi zromane edape abꞌa zhi zroma ẽãne edaya. Aramaʉ̃ kĩrãkꞌa Daizezedꞌebema aribꞌae ẽã platadꞌebemata aribꞌae nʉmʉbara.

Marcos 10:22

Kũrãbara maʉ̃ bedꞌeata ũrĩpe sopua wãsia kꞌãbãẽã bara bꞌʉ baera.

Marcos 6:26

Mawũãĩ rey kꞌãbãẽã sopuasia, mawũãmina izhi bawara nekꞌo kꞌobꞌe kĩrãbita kꞌãrẽ wãrĩnu diaita jaradꞌaba dia krĩña ẽã nʉma ẽbasia.

Lucas 18:23

Izha maʉ̃ta ũrĩĩ kꞌãbãẽã sopuasia biodꞌe bara bꞌʉba.

Juan 16:20

Mʉã wãrĩnu marãã jaraya, marã jẽgadꞌaya, sopuadꞌaya, waya mʉnebema ẽãta ẽjũãne bꞌera sobiadꞌaya. Mawũãmina marã sopuadꞌaimina marã sopuara sobia baya.