Mateo 19:21 - Porciones del Nuevo Testamento

²¹ Mawũãĩ Jesúsbara mawũãsia: Bʉta bia nʉma krĩña bꞌʉbʉrʉ wãpe bʉzha ne erubꞌʉta nendope platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua.

Mateo 19:21 Iomraidhean Croise

Mateo 16:24

Mobebʉrʉ Jesúsbara izha jʉrʉkuadꞌaa mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Mateo 19:20

Mawũãĩ kũrãbara mawũãsia: Mʉãrã maʉ̃ jõma aribꞌae bꞌʉa kũrã wedꞌauba, ¿mawũẽ kꞌãrẽta ãmaña wãẽã bꞌʉ?

Mateo 19:22

Kũrãbara maʉ̃ bedꞌeata ũrĩpe sopua wãsia kꞌãbãẽã bara bꞌʉ baera.

Mateo 19:28

Mawũãĩ Jesúsbara mawũãsia: Mʉã wãrĩnu marãã jaraya, ne jõma zhiwidꞌita nʉmebʉrʉdꞌera, mʉ Beubari Bape bꞌadꞌara Reyta jewedꞌaya mʉzhi bugueta kĩrãwãrẽãne, marã mʉ pẽwã bꞌesidꞌa nokꞌorãta jewedꞌa duaneña bugue docedꞌe. Aramaʉ̃ne kꞌawua oduaneña Israel warrarã docedꞌebemata.

Mateo 4:19

Maʉ̃ne Jesúsbara mawũãsia: Mʉ kꞌaidꞌu panadua, mʉnebemata ĩjãnamarẽã mʉã marã zhãrã ũrãgꞌabarita panabiya.

Mateo 5:48

Maʉ̃ba marã kĩrãẽpa zhãrã kʉãgꞌa bꞌeaudua, marã Zeze ʉ̃tre bꞌʉta kĩrãẽpa zhãrã kʉãgꞌa bꞌʉ kĩrãkꞌa.

Mateo 8:22

Mawũãĩ Jesúsbara mawũãsia: Mʉ kꞌaidꞌu bꞌadua. Aduaita beuya bꞌea idu joubigarua ãzhirãta beubʉdara.

Mateo 9:9

Jesús mamaʉ̃ba wãbʉrʉdꞌera ũdusia Mateo abadata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Marcos 10:21

Mawũãĩ Jesúsbara ibiadꞌe akʉpe mawũãsia: Bʉara ne abꞌa aribꞌaeita wãẽã bꞌʉa. Mawũẽ wãpe, bʉzha ne erubꞌʉta jõma nendope, platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua bebudꞌe basiidꞌu.

Marcos 2:14

Mawũã wãbʉrʉdꞌera ũdusia Leví Alfeo warrata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Marcos 8:34

Mawũãpe zhãrãta izha jʉrʉkuadꞌa bawara trʉ̃pe mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Lucas 12:33

Mazha ne erubꞌera nendodꞌape zuburia bꞌea diaudua. Mawũãrã zũbi soreakꞌadꞌe ne biata ʉ̃tre tʉdꞌaya jõkꞌata. Maĩnurã nezrʉgamiã jũẽ ẽã, miã zhi muĩba ãrĩ ẽã.

Lucas 14:33

Aramaʉ̃ kĩrãkꞌa baridu marãnebemata bia krĩchape ne jõma kenabꞌari ẽbʉrʉ mʉ pẽwã bꞌʉta bꞌʉ ẽã.

Lucas 16:9

Mʉã marãã jaraya: Marãbidꞌa zhãrã marã bawara zhibiarãta oudua mazha ne erubꞌeba, plata erubꞌeba, mawũãrã maʉ̃ jõbʉrʉdꞌera bꞌaribidꞌaya Daizeze ũme bꞌai jõ ẽã maẽ.

Lucas 18:22

Maʉ̃ta ũrĩĩ Jesúsbara mawũãsia: Bʉara wadꞌi ne abꞌa aribꞌaeita wãẽã bꞌʉa. Bʉa ne erubꞌʉta jõma nendope platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua.

Lucas 5:27

Maʉ̃ tẽã Jesús wãbʉrʉdꞌera ũdusia impuesto widꞌibarita Leví abadata, jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua.

Lucas 6:40

Ne kꞌawa bꞌʉra audre bꞌʉ ẽã izhi ne jaradia nʉmʉ kꞌãñabara. Mawũãmina izha kꞌawa nʉmʉ jõma kꞌawatrʉ izhi ne jaradia nʉmʉ kĩrãkꞌa bꞌeya.

Lucas 9:23

Mawũãpe jõmaʉ̃ã mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu ewariza mʉrã pẽwãdua.

Juan 10:27

Mʉ ovejarãbara mʉ bedꞌeara ũrĩ bꞌea, mʉãrã ãzhira ũdukꞌawua bꞌʉa, mʉrã aramaʉ̃ne pẽwã bꞌea.

Juan 12:26

Iabꞌaʉba mʉ bedꞌeata aribꞌae nʉmʉbara mʉta pẽwãdua, mawũãrã mʉ bꞌʉ maẽ bꞌaya mʉ bedꞌeata aribꞌae bꞌʉra. Iabꞌaʉba mʉ bedꞌeata aribꞌae bꞌʉra mʉ Zezebara bia edaya.

Hechos 2:45

Ẽjũã ãzhidꞌera, ne ãzhidꞌera nendodꞌape platara abꞌa abꞌaʉa dra bꞌeasia zhi nesidꞌa kꞌawua.