Mateo 19:16 - Porciones del Nuevo Testamento

¹⁶ Kũrãta Jesúsma zepe mawũãsia: Miã Ũrãgꞌabari, bʉra biata bꞌʉa, ¿mʉãrã kꞌãrẽ biata oi barape Daizeze ũme bꞌai jõ ẽãta erubꞌaira?

Mateo 19:16 Iomraidhean Croise

Mateo 19:15

Mawũãpe wũãwũãrã juwua ʉ̃rʉ̃ bꞌʉkua zhiwidꞌipe wãsia mamaʉ̃bara.

Mateo 19:26

Mawũãnaĩ Jesúsbara ãzhi akʉ mawũãsia: Ẽdrʉira zhãrãĩtara boreke ẽã, mawũãmina ẽdrʉbi bꞌeidꞌeba Daizezeitara ne jõma borekea.

Mateo 19:29

Bariduba deta ãmaẽrã, zhi mebẽrã zhũmakĩrãrãta, nawekꞌaurãta ãmaẽrã, zezeta, papata, wũẽrãta, warrarãta, druata, mʉ kꞌarea ãmaẽrã, jidama cien jidaya ãmaña. Mobe Daizeze ũme bꞌai jõ ẽãta jidaya.

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Juan 12:25

Bꞌa krĩñaba mʉ kꞌarea beu ẽãrã aduaya, mawũãmina naʉ̃ ẽjũãne bꞌa krĩña ẽkĩrãkꞌa mʉ kꞌarea beubʉrʉra Daizeze ũme bꞌai jõ ẽã bꞌaya.

Juan 3:15

Aramaʉ̃ne mʉnebemata ĩjãbʉrʉra adua ẽbamarẽã, awuarabʉrʉ erubꞌamarẽã Daizeze ũme bꞌai jõ ẽãta.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 5:39

Daizeze bedꞌeata zhi bꞌʉmarã marãbara kĩrãkuita estudia bꞌea, mazhima maʉ̃neba erubꞌeba Daizeze ũme bꞌai jõ ẽãta, mawũã zhi bꞌʉmabara jara bꞌʉa mʉnebemata.

Juan 6:47

Mʉã wãrĩnu marãã jaraya: Mʉnebemata ĩjã bꞌʉbara erubꞌʉa Daizeze ũme bꞌai jõ ẽãta.

Juan 6:68

Mawũãĩ Simón Pedroba panaʉ̃ mawũãsia: Nokꞌó, ¿daira kꞌaima wãĩpe? Bʉabʉrʉ bedꞌeata erubꞌʉa Daizeze ũme bꞌai jõ ẽãta.

Hechos 16:30

Mobe ãzhira ãĩ wepe mawũãsia: ¿Mʉãrã kꞌãrẽta oibarape ẽdrʉira?

Romanos 2:7

Izhi ũme bꞌai jõ ẽãta diaya biata obꞌeba jʉrʉ bꞌea izha bia jaramarẽã, beukꞌata bꞌʉmarẽã.

Romanos 5:21

Kꞌazhiruata obadaba aduaita beubada, mawũãmina Daizezebara izhi biaba bedꞌea ne ẽã bꞌʉya izhi ũme bꞌai jõ ẽã bꞌabiita Jesucristo dazhirã Nokꞌodꞌeba.