Mateo 17:3 - Porciones del Nuevo Testamento

³ Maʉ̃nerã Moiséta Elíata zhi ũdubisidꞌa, bedꞌea kꞌopanasia Jesús bawara.

Mateo 17:3 Iomraidhean Croise

Mateo 17:2

Mama awuarasia ãzhi kĩrãbita, izhi kĩrã ʉ̃nasia ʉ̃madau kĩrãkꞌa, izhi wuara totroa ʉ̃nasia ʉ̃na kĩrãkꞌa.

Mateo 17:4

Mawũẽ Pedrobara Jesúa mawũãsia: Nokꞌó, biga dazhirã nama kꞌobꞌera, bʉa krĩñabʉrʉ nama de kꞌãĩdeta ũbea odꞌaya abꞌa bʉita, abꞌa Moiséita, abꞌa Elíaita.

Marcos 9:4

Maʉ̃nerã ũdusidꞌa Moiséta, Elíata, bedꞌea kꞌopanasia Jesús bawara.

Lucas 1:17

Izhira dazhirã Nokꞌo nawedꞌa zebʉrʉta Jawurebiaba Elíata zarea bꞌadꞌa kĩrãkꞌa bꞌaya. Aramaʉ̃ne soidꞌu ibiadꞌe babigaya zezerãta ãzhi warrarã bawara, Daizeze bedꞌeata aribꞌae ẽã bꞌeara aribꞌaebigaya biata bꞌedꞌe kĩrãkꞌa. Aramaʉ̃ne dazhirã Nokꞌo bia edaita bꞌeabiya.

Lucas 16:16

Ũrãgꞌara Moisédꞌeta tabꞌʉta, Daizezeba bedꞌeata jarabibarirãneta tabꞌʉta, tabꞌʉa Juanba jaradꞌa bitabai. Mamaʉ̃ba jara panʉã Daizezeta Nokꞌodꞌebemata, mawũẽ bio maʉ̃ne edꞌa wã krĩña bꞌea.

Lucas 24:27

Mobebʉrʉ Moiséba bꞌʉdꞌadꞌeba, Daizezeba bedꞌeata jarabibarirãba bꞌʉdꞌapeadꞌadꞌeba sãwũãta bia jarakꞌasia. Maʉ̃nerã zhi bꞌʉma jõmaʉ̃neba jarasia izhidꞌebemata jara tabꞌeta.

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Lucas 9:33

Maʉ̃rãta Jesús maẽba ãĩ wãbʉdadꞌera Pedrobara Jesúa mawũãsia: Miã Ũrãgꞌabari, biga dazhirã nama kꞌobꞌera. De kꞌãĩdeta ũbea odꞌaya abꞌa bʉita, abꞌa Moiséita, abꞌa Elíaita. Pedrobara sãwũãta kꞌawua ẽãta mawũã bedꞌeasia.

Juan 1:17

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.