Mateo 16:16 - Porciones del Nuevo Testamento

¹⁶ Mawũãĩ Simón Pedroba panaʉ̃ mawũãsia: Bʉra zhãrã Ẽdrʉbita Daizeze zokꞌai bꞌʉ Warra.

Mateo 16:16 Iomraidhean Croise

Mateo 1:16

Jacobo warra José, Joséra María kĩma basia, Jesúra Maríaba todꞌata zhãrã Ẽdrʉbia abada.

Mateo 14:33

Mawũẽ jãbadꞌe kꞌopanʉbara orradꞌape ibia jara mawũãsidꞌa: Bʉra wãrãne Daizeze Warra.

Mateo 16:15

Mawũãnaĩ izhara widꞌi mawũãsia: ¿Kꞌõbe marãma mʉrã kꞌaipe?

Mateo 26:63

Mawũãĩ Jesús chupea kꞌobꞌasia. Mawũẽ sacerdote wagꞌaubara mawũãsia: Daizeze zokꞌai bꞌʉ daidꞌu mʉã bʉaa jaraya, daia jaradua bʉta zhãrã Ẽdrʉbita Daizeze Warrabʉrʉ.

Mateo 27:54

Soldaorã nokꞌoba soldaorã bawarauba Jesústa kĩrãkuita bꞌedꞌe ẽjũã ureta ũdubʉdadꞌe, mawũã berabꞌaribʉrʉta ũdudꞌai kꞌãbãẽã perabʉdaba mawũãsidꞌa: Naʉ̃ wãrĩnu Daizeze Warra basia.

Mateo 4:3

Maʉ̃ne wãẽãbii kꞌarea ãtõmiã izhima zepe mawũãsia: Bʉta Daizeze Warrabʉrʉ mongꞌara za tabꞌea jaradua pan bakuamarẽã.

Marcos 14:61

Mawũãĩ Jesús chupea kꞌobꞌʉba panaʉ̃ ẽbasia. Mawũẽ sacerdote wagꞌaubara wakusa widꞌi mawũãsia: ¿Bʉra zhãrã Ẽdrʉbita Daizeze Warrakꞌa?

Lucas 2:11

Idꞌi rey David pʉwʉrʉdꞌe tosia zhãrã Ẽdrʉbita, izhira zhãrã ẽdrʉbita Nokꞌoa.

Juan 1:49

Mawũãĩ Natanaelbara mawũãsia: Miã Ũrãgꞌabari, bʉra Daizeze Warra, bʉra Israel duanu Rey.

Juan 11:27

Mawũãĩ izhara mawũãsia: Ããjã Nokꞌó, mʉãrã ĩjã bꞌʉa bʉra zhãrã Ẽdrʉbita Daizeze Warrata zesia naʉ̃ ẽjũãẽna.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 6:57

Mʉ Zeze mʉ zokꞌadꞌata bꞌʉ kĩrãkꞌa, mʉrã bꞌʉa mʉ Zezedꞌeba, aramaʉ̃ kĩrãkꞌa mʉta kꞌo bꞌʉra bꞌaya mʉneba.

Juan 6:68

Mawũãĩ Simón Pedroba panaʉ̃ mawũãsia: Nokꞌó, ¿daira kꞌaima wãĩpe? Bʉabʉrʉ bedꞌeata erubꞌʉa Daizeze ũme bꞌai jõ ẽãta.

Juan 6:69

Maʉ̃ daibara ĩjã bꞌea, aramaʉ̃ne daiba kꞌawua bꞌedꞌera bʉra zhãrã Ẽdrʉbita Daizeze zokꞌai bꞌʉ Warra.

Hechos 14:15

mawũãsidꞌa: ¿Kꞌãrẽã kꞌãwũã obꞌe? Daira beubarita panʉã marã kĩrãkꞌa. Daibara marãã jara panʉã kꞌãʉ̃ seri ẽãta ãmanape Daizeze zokꞌai bꞌʉta pẽwãnamarẽã, izha osia bãjãta, druata, pusata, ne jõma maʉ̃ne nʉmʉta.

Hechos 8:36

Odꞌe wãne jũẽsidꞌa baniãta bꞌʉ maẽ, mawũẽ nokꞌobara mawũãsia: Baniã za bꞌʉa, ¿kꞌãrẽba bꞌe ẽbaipe mʉ buru kꞌoeira?

Hechos 8:37

Mawũãĩ Felipebara mawũãsia: Soidꞌu ĩjãbʉrʉra buru kꞌoesia bꞌʉa. Mawũãĩ izhara panaʉ̃ mawũãsia: Mʉãrã ĩjãbʉrʉa Jesucristora Daizeze Warrata.

Hechos 9:20

Maʉ̃nerã de zhi jʉrebada nʉmeza jarakꞌasia Jesúra zhãrã Ẽdrʉbita Daizeze Warrata.

Romanos 1:4

Izhira Daizeze Warrata zarea bara bꞌʉta Jawurebiaba kꞌawuabisia, mawũã kꞌawuabisia beudꞌata piradrʉdꞌadꞌeba.