Mateo 15:31 - Porciones del Nuevo Testamento

³¹ Maʉ̃ta kꞌabanaba bia akʉdrua ũdubʉdara bedꞌea bꞌe ẽã bꞌera bedꞌeasidꞌa, juwua dorrabꞌari bꞌera bꞌesidꞌa, wã bꞌe ẽã bꞌera wãsidꞌa, daʉbꞌerrea bꞌera ne ũdusidꞌa. Mawũẽ ibia jarasidꞌa Daizeze Israel bꞌedꞌera.

Mateo 15:31 Iomraidhean Croise

Mateo 15:30

Zhãrã bioba orrasidꞌa zhi wedꞌapeadꞌaba wã bꞌe ẽã bꞌeta, daʉbꞌerrea bꞌeta, bedꞌea bꞌe ẽã bꞌeta, juwua dorrabꞌari bꞌeta, dewara bio wesidꞌa kꞌayarãta. Maʉ̃ta Jesús jẽrũ kꞌaita bꞌʉkuasidꞌa, mawũẽ bꞌebikuasia.

Mateo 18:8

Maʉ̃ba bʉ juwuaba o bʉ jẽrũba bʉta kꞌazhiruadꞌe bꞌaebiidꞌebema orãrũã, aramaʉ̃ne bꞌʉatukuape bʉdꞌebara pepekuabʉrʉkꞌarua. Audre biga Daizeze ũme bꞌai jõ ẽã maẽ edꞌa wãĩta juwua abꞌa o jẽrũ abꞌa bꞌʉta, juwua ũme jẽrũ ũme bꞌʉta bꞌaribuedꞌai kꞌãñabara tebʉ kikꞌadꞌe.

Mateo 21:14

Daizeze dedꞌa ewara maẽ Jesús orrasidꞌa daʉbꞌerrea bꞌeba, wã bꞌe ẽã bꞌeba, mawũẽ bꞌebikuasia.

Mateo 8:10

Jesúsba maʉ̃ta ũrĩbʉrʉdꞌera sobiape izhi kꞌaidꞌu erjiranʉã mawũãsia: Mʉã wãrĩnu marãã jaraya, mʉãrã miã Israel bꞌedꞌebema ũdu ẽã kꞌãwũã soidꞌu kꞌobꞌʉra.

Mateo 9:32

Daʉbꞌerrea pananata wãbʉda daucha Jesúsma wesidꞌa jaiba bedꞌea bꞌe ẽã bꞌʉta.

Mateo 9:33

Jesúsba jaita ãĩ jʉretabʉrʉdꞌera bedꞌea bꞌe ẽã bꞌadꞌara bedꞌeasia. Mawũẽ zhãrãbara bia akʉdrua mawũãsidꞌa: Kꞌãwũãrã ũdudꞌakꞌa Israeldꞌera.

Mateo 9:8

Zhãrãba maʉ̃ta ũdubʉdadꞌera bia akʉdrua Daizeze ibia jarasidꞌa maʉ̃ zareata diasi baera beubari bꞌea.

Marcos 2:12

Mawũãĩ izhira piradrʉpe izhi jirabꞌa jiraedape jõmaʉ̃ daidꞌu wãsia, jõmaʉ̃ba bia akʉdrua Daizeze ibia jara mawũãsidꞌa: Kꞌãwũãrã ũdudꞌakꞌa.

Marcos 7:37

Mawũẽ kꞌãbãẽã sobia mawũã bazhidꞌa: Ne jõma bia obꞌʉa. Ne ũrĩ ẽã bꞌeta ne ũrĩbi bꞌʉa, bedꞌea bꞌe ẽã bꞌeta bedꞌeabi bꞌʉa.

Marcos 9:43

Bʉ juwuaba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ juwuara bꞌʉatubʉrʉkarua. Audre biga Daizeze ũme bꞌai jõ ẽã maẽ edꞌa wãĩta juwua abꞌa bꞌʉta, juwua ũme bꞌʉta wãĩ kꞌãñabara tebʉ kikꞌadꞌe.

Lucas 14:13

Maʉ̃ba bʉa zhikota obʉrʉdꞌera trʉ̃rũã zuburia bꞌeta, juwuata o jẽrũta dorrabꞌari bꞌeta, wã bꞌe ẽã bꞌeta, daʉbꞌerrea bꞌeta.

Lucas 14:21

Nezokꞌa jẽrũya zepe maʉ̃ta kꞌawuabisia izhi nokꞌoa. Mawũẽ zhidekʉra kĩrũpe izhi nezokꞌaa mawũãsia: Ĩñabasia pʉwʉrʉdꞌe edꞌa wãrũã o zromaza, o zakeza, aramaʉ̃ne naĩnu wedua zuburia bꞌeta, juwuata o jẽrũta dorrabꞌari bꞌeta, wã bꞌe ẽã bꞌeta, daʉbꞌerrea bꞌeta.

Lucas 18:43

Audre ẽãne ne ũdusia, mawũẽ kꞌaidꞌu tebasia Daizeze ibia jara. Zhãrã jõmaʉ̃ba maʉ̃ta ũdudꞌai ibia jarasidꞌa Daizezera.

Lucas 7:16

Mawũẽ jõma peradꞌape Daizeze ibia jara mawũãsidꞌa: Naʉ̃ Jesús Daizezeba bedꞌeata jarabibarita zhi zromata piradrʉbʉrʉa dazhirãne edꞌa. Daizezera zebʉrʉa izhidꞌerãta kꞌarebadꞌe.

Juan 9:24

Mawũẽ daʉbꞌerrea bꞌadꞌara wakusa trʉ̃nape mawũãsidꞌa: Daizeze kĩrãbita daia wãrãta jaradua. Daibara kꞌawua bꞌea kꞌãʉ̃ kꞌazhirua omiãta.