Mateo 14:36 - Porciones del Nuevo Testamento

³⁶ Zuburia bedꞌeasidꞌa arigu idu tõbꞌaribimarẽã izhi wua ita. Jõma zhi tõbꞌaridꞌapeadꞌara bꞌe duanesia.

Mateo 14:36 Iomraidhean Croise

Mateo 14:35

Zhãrã mama bꞌeba Jesústa kꞌawuadꞌai ibꞌarita jarabisidꞌa maʉ̃ drua jõma, mawũẽ jõma izhima wesidꞌa kꞌaya bꞌeta.

Mateo 23:5

Awuarabʉrʉ jõma kꞌãrẽ obʉdara obꞌea zhãrãba ũdudꞌamarẽã. Mawũẽ Daizeze bedꞌeata wĩka edꞌa bꞌʉbadata caja zakedꞌera jʉ̃kꞌara audre joubꞌʉa obada, mobe datrudꞌe, juwuadꞌe tãjʉ̃bada, wua ita irabadata audre drasoa obada.

Marcos 3:10

Kꞌayarãta bio bꞌebikuasi baera kꞌaya bꞌebara izhira pẽũsua edabarisidꞌa tõbꞌaridꞌaita.

Marcos 6:56

Izhi wãbʉrʉ maẽrã pʉwʉrʉ zakedꞌe o pʉwʉrʉ zromanebidꞌa, meã bꞌe maẽbidꞌa odꞌe bꞌʉkua jirpanesia kꞌaya bꞌeta, mawũẽ zuburia bedꞌeasidꞌa arigu idu tõbaribimarẽã izhi wua ita. Jõma zhi tõbꞌaribʉdara bꞌe tupudꞌeasia.

Marcos 8:22

Betsaida pʉwʉrʉedꞌa zebʉrʉdꞌera daʉbꞌerrea bꞌʉta izhima wedꞌape zuburia bedꞌeasidꞌa tõbꞌarimarẽã.

Lucas 6:19

Mawũẽ jõmaʉ̃ba tõbꞌari krĩña bꞌeasia Daizeze zareadꞌeba jõma bꞌebikua nʉmaẽrã.

Juan 6:37

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Juan 7:23

Mawũã ẽnaʉ̃bada ewadebidꞌa warra zakera kꞌakua eta kꞌõbada Daizezeba ũrãgꞌa Moiséa diadꞌata aribꞌaedꞌai kꞌarea, ¿maʉ̃ta marã mʉ bawara kĩrũ duanuka ẽnaʉ̃bada ewade mʉã jipa bꞌebibʉrʉba zhãrãta?

Hechos 3:16

Daibara izhidꞌebema ĩjã panʉã, za naʉ̃ marãba ũdukꞌawua bꞌeta akʉ kꞌobꞌera kꞌãwũã bꞌe dogꞌoa izhi zareaba. Izhara bꞌebiita ĩjã panʉba naʉ̃ kꞌãwũã jipa bꞌe dogꞌoa mazhi jõmaʉ̃ kĩrãbita.