Mateo 14:15 - Porciones del Nuevo Testamento

¹⁵ Keudꞌe izha jʉrʉkuadꞌabara orradꞌape mawũãsidꞌa: Miõ ne ẽã maẽ bꞌedꞌe ewari ya keua, mawũẽ kꞌabanata kꞌobꞌera wãbigarua wãnamarẽã pʉwʉrʉ zake tabꞌema, aramaʉ̃ne edadꞌamarẽã kꞌãrẽ kꞌoita.

Mateo 14:15 Iomraidhean Croise

Mateo 14:13

Jesúsbara maʉ̃ta ũrĩpe mamaʉ̃bara dobꞌa jãbadꞌe wãsia miõ ne ẽãĩnu, zhãrãbara maʉ̃ta kꞌawuadꞌape kꞌaidꞌu jẽde wãsidꞌa pʉwʉrʉ tabꞌe maẽba.

Mateo 14:14

Jesús jãbadꞌeba udꞌubꞌaebʉrʉdꞌe kꞌabanata ũdui ãzhi sozuburiape bꞌebikuasia ãzhidꞌebema kꞌaya bꞌeta.

Mateo 14:16

Mawũãnaĩ Jesúsbara mawũãsia: Wãnaĩrã nesidꞌa ẽã, marãba nekꞌobigaudua.

Mateo 15:23

Jesúsbara panaʉ̃ ẽbasia, mawũẽ izha jʉrʉkuadꞌabara orradꞌape zuburia bedꞌea mawũãsidꞌa: Wãmarẽã jaradua, bꞌia taia dazhirã kꞌaidꞌu.

Marcos 8:3

Nekꞌobiga ẽã dedꞌaa zokꞌakuara odꞌe nomadrʉdꞌaya, ãzhirãnebema ʉ̃kʉrʉ zesidꞌa wawarauba.

Lucas 9:12

Maʉ̃ne ewari keudꞌe izha jʉrʉkuadꞌata docebara orradꞌape mawũãsidꞌa: Zhãrã kꞌobꞌera wãbigarua wãnamarẽã pʉwʉrʉ zake tabꞌema, meã arakꞌaita bꞌema, maʉ̃za kꞌãĩguebʉdaba ũdudꞌamarẽã zhikota. Dazhirã namarã kꞌobꞌea kꞌãrẽ ne ẽã maẽ.