Mateo 12:45 - Porciones del Nuevo Testamento

⁴⁵ Mawũẽ wãpe jai awʉrʉta siete jʉrebaria izhi audre bia ẽãta, mobe edꞌa wãnape mama duanebaria. Mawũẽ zhãrã maʉ̃ audre zuburia bꞌebaria izhi naara bꞌadꞌa kꞌãñabara. Mawũã abꞌarika berabꞌariya idꞌi ewade bia ẽãta bꞌera.

Mateo 12:45 Iomraidhean Croise

Mateo 12:24

Fariseorãba maʉ̃ta ũrĩnaĩ mawũãsidꞌa: Naʉ̃bara jaira ãĩ jʉrekua bꞌʉ ẽã, awuarabʉrʉ jʉrekua bꞌʉa Beelzebú jai duanu nokꞌo zareadꞌeba.

Mateo 12:44

Mawũẽ mawũãbaria: Mʉrã wakusa mʉzhi dedꞌa wãña mʉzhi ẽdrʉdꞌama. Aramaʉ̃ne zebʉrʉdꞌera ũdubaria bari nʉmʉta barre bi-ia nʉmʉta.

Mateo 17:21

Mawũãmina jai kꞌãwũã bꞌʉra arakꞌãwũãrã ãĩ wã ẽã, awuarabʉrʉ ãĩ wã bꞌʉa nekꞌo ẽã zhiwidꞌi.

Mateo 23:15

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba pusata druata pʉrrʉa bꞌea, mazhi ũrãgꞌata iabꞌaʉa ĩjãbidꞌaita mawũã bꞌea. Aramaʉ̃ne ĩjãbibʉdadꞌera mazhi kꞌãñabara tebʉdꞌe audre zuburia bꞌaitrʉ opanʉã.

Mateo 23:24

¡Zhãrã jipa ededꞌa ẽãba daʉbꞌerrea bꞌe kĩrãkꞌa bꞌeba, kʉchikʉchira ãĩ sãpe baniã dobadamina camellota mibue bꞌe kĩrãkꞌa bꞌea!

Marcos 16:9

Jesús beudꞌata diapedꞌa piradrʉbʉrʉra semana ewarita nabemata domingodꞌera naara zhi ũdubisia María Magdalenaa, maʉ̃ wũẽrãnebara jʉrekua bazhia jai siete.

Marcos 5:9

Jesúsbara widꞌi mawũãsia: ¿Bʉ trʉ̃rã kꞌaipe? Mawũãĩ jaibara panaʉ̃ mawũãsia: Mʉ trʉ̃rã Kꞌabana, daira bio baera.

Lucas 11:26

Mawũẽ wãpe jai awʉrʉta siete jʉrebaria izhi audre bia ẽãta, mobe edꞌa wãnape mama duanebaria. Mawũẽ zhãrã maʉ̃ audre zuburia bꞌebaria izhi naara bꞌadꞌa kꞌãñabara.