Mateo 12:10 - Porciones del Nuevo Testamento

¹⁰ Mama iabꞌa bꞌasia juwua abꞌa bagu bꞌʉta. Maʉ̃nerã Jesús jidꞌai kꞌarea widꞌi mawũãsidꞌa: ¿Zhãrã bꞌebisia bꞌʉka ẽnaʉ̃bada ewadera?

Mateo 12:10 Iomraidhean Croise

Mateo 12:2

Maʉ̃ta fariseorãba ũdudꞌai mawũãsidꞌa: Bʉa jʉrʉkuadꞌabara obʉda ẽnaʉ̃bada ewade oidꞌe bꞌʉ ẽãta.

Mateo 19:3

Maʉ̃ne izhima fariseorãta zedꞌape wãẽãbidꞌai kꞌarea mawũãsidꞌa: ¿Idaribi panʉka zhũmakĩrãba izhi wũẽrã ãmaĩrã newẽã kꞌarea?

Marcos 3:2

Maʉ̃nerã kĩrãkuitasidꞌa ẽnaʉ̃bada ewade bꞌebii kꞌawuaita, aramaʉ̃ne jidꞌaita.

Lucas 11:54

Aramaʉ̃ne wãẽãbidꞌape izhi bedꞌeadꞌeba jidꞌaita.

Lucas 13:14

Mawũãmina de zhi jʉrebada maẽ nokꞌota kĩrũbʉrʉba Jesúsba mawũã ẽnaʉ̃bada ewade bꞌebibʉrʉba zhãrã kꞌobꞌea mawũãsia: Trajaira ewari seis bꞌʉa, maʉ̃nebʉrʉ bꞌekuaita zeudua, zerãũdua kꞌãwũã ẽnaʉ̃bada ewade.

Lucas 20:22

¿Dazhirãbara diasia bꞌʉka rey César plata diabadara, o bꞌe ẽ?

Lucas 23:14

Mobe mawũãsia: Marãbara ũmakĩrã naʉ̃ mʉma wesidꞌa zhãrãta nokꞌorã bawara kĩrũbiga bꞌʉ baera, mawũãmina mʉã mazhi kĩrãbita widꞌibʉrʉba mʉma naʉ̃ bedꞌea ne ẽã marãba maʉ̃ne ji kꞌobꞌedꞌera.

Lucas 23:2

Mobe ji mawũãsidꞌa: Naʉ̃ daibara ũdusidꞌa zhãrãta nokꞌorã bawara kĩrũbiga bꞌʉta. Jara bꞌʉa rey César plata diabadara diadꞌa ẽbaita, jara bꞌʉa izhira zhãrã Ẽdrʉbita Reyta.

Juan 5:10

Mawũẽ judíorãbara mawũã bꞌebʉrʉa mawũãsidꞌa: Idꞌira ẽnaʉ̃bada ewaria, mawũẽ bʉzhi ertõ anʉma bꞌe ẽã.

Juan 5:3

Maʉ̃za kꞌayarãta bio nʉmasia, daʉbꞌerrea bꞌeta, wã bꞌe ẽã bꞌeta, kꞌakua pira ẽã kꞌaya bꞌeta nʉmasia, maʉ̃rãbara jʉ̃ã bꞌeasia poso õbꞌʉta pirayeedꞌa.

Juan 7:23

Mawũã ẽnaʉ̃bada ewadebidꞌa warra zakera kꞌakua eta kꞌõbada Daizezeba ũrãgꞌa Moiséa diadꞌata aribꞌaedꞌai kꞌarea, ¿maʉ̃ta marã mʉ bawara kĩrũ duanuka ẽnaʉ̃bada ewade mʉã jipa bꞌebibʉrʉba zhãrãta?

Juan 8:6

Maʉ̃ta jarasidꞌa wãẽãbidꞌape nokꞌoa jidꞌai kꞌarea. Mawũãmina Jesús ju kꞌobꞌepe egorodꞌe ne bꞌʉsia juwua jĩwĩniba.

Juan 9:16

Mawũãĩ fariseorã ʉ̃kʉrʉbara mawũãsidꞌa: Kꞌãʉ̃ Daizezedꞌeba nʉmʉ ẽã, mawũẽ aribꞌae ẽã ẽnaʉ̃bada ewarira. Waya awʉrʉrãbara mawũãsidꞌa: ¿Kꞌazhirua omiãbara sãwũã mawũã ũdudꞌakꞌata oipe? Ãzhira aramaʉ̃ne krĩcha abꞌarika ze ẽbasia.