Mateo 11:19 - Porciones del Nuevo Testamento

¹⁹ Waya mʉ Beubari Bape bꞌʉta zedꞌara nekꞌo vino do bꞌʉ baera ũmakĩrã naʉ̃ nekꞌomiã vino domiã abꞌea. Rey Romanebemaĩta plata widꞌibada bawara, dewaraurã kꞌazhirua omiãrã bawara zhibiata bꞌʉa abꞌea. Mawũãmina Daizeze krĩchara bigata kꞌawua nʉmeã izhidꞌebema ĩjã bꞌeta bia nʉmeba.

Mateo 11:19 Iomraidhean Croise

Mateo 5:46

Marã kʉãgꞌa bꞌetrʉ kʉãgꞌadꞌara, ¿maʉ̃barira kꞌãrẽ biata jidadꞌaipe? ¿Abꞌarika obada ẽka rey Romanebemaĩta plata widꞌibadabidꞌa?

Lucas 14:1

Ẽnaʉ̃bada ewade ewari abꞌa Jesús nekꞌodꞌe wãsia fariseo nokꞌota bꞌʉ dedꞌa. Maʉ̃nerã fariseorãbara kĩrãkuitasidꞌa.

Lucas 19:7

Maʉ̃ta ũdudꞌape jõmaʉ̃ba bĩ ẽã jarasidꞌa, ʉ̃nadrʉita deidꞌu wãsi baera kꞌazhirua omiã maẽ.

Lucas 7:29

Maʉ̃ jarabʉrʉta zhãrã jõmaʉ̃ba ũrĩbʉdadꞌera, rey Romanebemaĩta plata widꞌibadabidꞌa ũrĩbʉdadꞌera jarasidꞌa Daizezeba Juanneba ũrãgꞌa nʉmʉrã bigata, ãzhira aramaʉ̃ne zhi buru kꞌoema basia Juanba.

Juan 2:2

Mawũã iabꞌa juwua jidabʉrʉdꞌera trʉ̃sidꞌa Jesústa izha jʉrʉkuadꞌa bawara.

Romanos 15:2

Dazhirã abꞌa abꞌakꞌa zhãrãma bia nʉmeãña biadꞌebemane, aramaʉ̃ne soidꞌu bꞌeabidꞌaya.