Mateo 10:5 - Porciones del Nuevo Testamento

⁵ Jesúsbara doce maʉ̃rãta zokꞌabʉrʉta mawũãsia: Judíorã ẽãta bꞌema wãrãũdua, Samaria druadꞌebema pʉwʉrʉdꞌera edꞌa wãrãũdua.

Mateo 10:5 Iomraidhean Croise

Mateo 22:3

Juwua jidayidꞌe trʉ̃kuadꞌata trʉ̃ne nezokꞌarã izhidꞌeta zokꞌasia, mawũãmina maʉ̃rã ze krĩñana ẽbasia.

Mateo 4:15

Marã Zabulón druadꞌe, Neftalí druadꞌe bꞌera, do jedꞌea õbꞌʉ doya odꞌe bꞌera, Jordán do kĩrãrẽ bꞌera, Galilea druadꞌe judíorã ẽãta bꞌera,

Marcos 6:7

Maʉ̃nerã ãba trʉ̃kuasia doceta, mobe zokꞌakuasia ũme ũmekꞌa, zareata dedꞌekasia jai bꞌe ʉ̃rʉ̃.

Lucas 10:1

Maʉ̃ tẽã Jesúsbara dewara awʉrʉrãta setenta jʉrʉkuape izhi naa ũme ũmekꞌa zokꞌakuasia pʉwʉrʉza izhi wãĩ maẽ.

Lucas 10:33

Mawũãmina Samariadꞌebemata odꞌe wãta izhi kꞌaita zebʉrʉdꞌe ũdui sozuburiasia.

Lucas 17:16

Jesús jẽrũ kꞌaita egoroma kĩrã bꞌarru ju kꞌobꞌesia zhibia ji. Maʉ̃ Samariadꞌebema basia.

Lucas 9:1

Jesúsbara izha jʉrʉkuadꞌa doceta ãba jʉrepe zareata dedꞌekasia jai jõmaʉ̃ ʉ̃rʉ̃, aramaʉ̃ne bꞌebidꞌamarẽã kꞌayarãsidꞌa.

Lucas 9:2

Mobebʉrʉ jaradꞌe zokꞌakuasia Daizezeta Nokꞌodꞌebemata, aramaʉ̃ne bꞌebidꞌamarẽã kꞌayarãsidꞌa.

Juan 17:18

Bʉa mʉta ẽjũãne bꞌema zokꞌadꞌa kĩrãkꞌa, mʉãbidꞌa zokꞌakuabʉrʉa ẽjũãne bꞌema.

Juan 20:21

Mawũẽ Jesúsbara wakusa mawũãsia: ¡Kʉa, marã adu-a bꞌeaudua! Mʉ Zezeba mʉta zokꞌadꞌa kĩrãkꞌa mʉãbidꞌa marãta zokꞌaya.

Juan 4:20

Dai zhibarirãbara Daizezera ibia jara bꞌeasia naʉ̃ kꞌatumane, maʉ̃ne marãbara jara bꞌea Daizezera Jerusalénnebʉrʉ ibia jaradꞌai barata.

Juan 4:5

Aramaʉ̃ne zesia pʉwʉrʉ Samaria druadꞌebemata Sicar abadaidꞌu, mama kꞌaita bꞌasia Jacobo bꞌadꞌaba druata diadꞌata zhi warra Joséa.

Juan 4:9

Mawũãĩ wũẽrã Samariadꞌebemabara mawũãsia: ¿Bʉra judíota sãwũã baniã doita mʉãã widꞌibʉrʉ, maʉ̃ne mʉrã wũẽrã Samariadꞌebemata bꞌʉ ẽka? Mawũãsia judíorã Samariadꞌebema bawara zhi biata duanu ẽbaera.

Juan 7:35

Mawũãĩ judíorãbara ãzhirãĩnu mawũãsidꞌa: ¿Naʉ̃ sãmaã wãĩba dazhirãba mawũã ũdudꞌa ẽbaira? ¿Judíorã druaza griegorãne edꞌa bꞌema wãĩbʉka, aramaʉ̃ne griegorã ũrãgꞌaita?

Juan 8:48

Mawũãĩ judíorãbara panaʉ̃ mawũãsidꞌa: ¿Kꞌãʉ̃neba bia daibara bʉra Samaria bidꞌata jara panʉta bʉra jaiba erunʉmʉ ẽka?

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Hechos 10:45

Judíorã Jesúsdꞌebema ĩjã bꞌeta Pedro bawara zedꞌabara bia akʉdruasidꞌa mawũã Daizezeba judíorã ẽãta bꞌeabidꞌa diabʉrʉba Jawurebiata.

Hechos 8:1

Sauloma biga basia Esteban beabʉdara. Abꞌaʉ ewade mebẽrã bĩ ẽã osidꞌa Jerusalénne bꞌeta. Mawũẽ Jesúsba zokꞌakuadꞌa wãna ẽãnerã ãzhira jõma jãrãzoa wãsidꞌa Judea druadꞌe, Samaria druadꞌe.