Mateo 10:42 - Porciones del Nuevo Testamento

⁴² Bariduba maʉ̃rãnebema abꞌa zhi zroma ẽã arigu baniã kũrãsãta dobira, mʉta pẽwã bꞌʉ baera mawũã dobira, mʉã wãrĩnu marãã jaraya, Daizezebara maʉ̃barira kꞌãrẽ diaya.

Mateo 10:42 Iomraidhean Croise

Mateo 18:10

Seri ẽãne edarãũdua iabꞌabidꞌa za wĩka kedꞌeta, mʉã marãã jaraya, ángelerã ãzhi akʉ bꞌera ʉ̃trera baridua bꞌea mʉ Zeze ʉ̃tre bꞌʉ kĩrãbita.

Mateo 18:14

Aramaʉ̃ kĩrãkꞌa marã Zeze ʉ̃tre bꞌʉbara krĩña ẽã iabꞌa aduaira za wĩka kedꞌeta.

Mateo 25:40

Mawũãnaĩ mʉã Reyba panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ odꞌapeadꞌara mʉĩta osidꞌa.

Lucas 17:2

Mawũẽ biga bakꞌausia osidaudꞌe yuta tãjʉ̃nape bꞌaribuedꞌaita pusadꞌe, abꞌa kꞌazhiruadꞌe bꞌaebii kꞌãñabara mʉnebema ĩjã bꞌe za wĩka kedꞌeta.

Lucas 6:35

Maʉ̃ba kʉãgꞌaudua marã jura bꞌera, bia oudua, ne prestaudua, mawũãmina jẽrũya diamarẽã bꞌearãũdua. Mawũãrã Daizezebara marãã kꞌãrẽ waibꞌʉa dedꞌekaya, aramaʉ̃nerã Ʉ̃trebema warrarãta bꞌeaya. Izhara sozuburia bꞌʉa izhaa zhibia jidakꞌata, bia ẽãta bꞌeta.