Mateo 10:41 - Porciones del Nuevo Testamento

⁴¹ Iabꞌaʉba bia edabʉrʉta Daizezeba bedꞌeata jarabibarita bꞌʉ baera bia edara, Daizezebara maʉ̃ã ne biata diaya izha bedꞌeata jarabibaria diai kĩrãkꞌa. Iabꞌaʉba bia edabʉrʉta Daizezedꞌeta biata bꞌʉ baera bia edara, Daizezebara maʉ̃ã ne biata diaya izhidꞌeta biata bꞌʉa diai kĩrãkꞌa.

Mateo 10:41 Iomraidhean Croise

Mateo 16:27

Mʉ Beubari Bape bꞌadꞌara mʉ Zeze zareaedꞌa zeya izhi ángelerã bawara, maʉ̃nerã abꞌa abꞌakꞌa kꞌawua obʉrʉta biata odꞌapeadꞌara bia bꞌʉya, bia ẽãta odꞌapeadꞌara zuburia bꞌʉya.

Mateo 25:44

Maʉ̃nerã maʉ̃rãbidꞌa panaʉ̃ mawũãnaña: ¿Nokꞌó, sõmbewedꞌa daibara bʉra jarra bꞌʉta ũdusidꞌa, bʉ obisia bꞌʉta, bʉ ãĩbemata bꞌʉta, bʉ wua ne ẽã bꞌʉta, bʉ kꞌaya bꞌʉta, bʉ cárceldꞌe bꞌʉta, sõmbewedꞌa daibara bʉra aribꞌaedꞌa ẽbasi?

Mateo 25:45

Mawũãnaĩ mʉãrã panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ o ẽbadꞌara mʉĩta kꞌãrẽ odꞌa ẽbasia.

Mateo 6:1

Kĩrãkuitaudua, marãba biata obʉdara zhãrã kĩrãbita orãũdua bari zhãrãba ũdudꞌamarẽã. Bari maʉ̃ kꞌarea odꞌaibʉrʉ kꞌãrẽ dia ẽã marã Zeze ʉ̃tre bꞌʉbara.

Mateo 6:18

Mawũãrã zhãrã bꞌea kꞌawuabi ẽbaya bʉ nekꞌo ẽã zhiwidꞌi bꞌʉra, awuarabʉrʉ bʉ Zezea kꞌawua nʉmabiya, izhira chupea bʉ ũme nʉmʉã. Bʉ Zezeba bʉ chupea maʉ̃ kꞌaudꞌa bꞌʉta akʉ bꞌʉra maʉ̃bari kꞌãrẽ diaya jõmaʉ̃ daidꞌu.

Mateo 6:4

Zuburia bꞌeta bʉa nebari diabʉrʉra chupea diadua. Mawũãrã bʉ Zezebara bʉ chupea maʉ̃ kꞌaudꞌa bꞌʉta akʉ bꞌʉra maʉ̃bari kꞌãrẽ diaya jõmaʉ̃ daidꞌu.

Mateo 6:6

Mawũãmina bʉ zhiwidꞌibʉrʉdꞌera miõ ne ẽã maẽ wãpe zhiwidꞌidua bʉ Zezea, izhira chupea bʉ ũme nʉmʉã. Mawũãrã bʉ Zezebara bʉ chupea maʉ̃ kꞌaudꞌa bꞌʉta akʉ bꞌʉra maʉ̃bari kꞌãrẽ diaya jõmaʉ̃ daidꞌu.

Mateo 7:8

Daizezea ne widꞌi bꞌʉbara jidaya. Ne widꞌi bꞌʉba jʉrʉ bꞌʉbara ũduya. Ne widꞌi bꞌʉba trʉ̃ bꞌʉaara diaita puerta ewaya.

Hechos 16:15

Aramaʉ̃ne zhi mebẽrã bawara buru kꞌoepe daia zuburia bedꞌea mawũãsia: Marãma mʉã Nokꞌo Jesúsdꞌebemata wãrĩnu ĩjãbʉrʉ mʉ dedꞌa audua. Aramaʉ̃ne daira duanebisia.

Romanos 16:23

Marãã saludo diabuea Gayoba, mʉrã izhi dedꞌa bꞌʉkꞌãrĩã, izhi dedꞌa zhi jʉrebibaria mebẽrãsidꞌa jõma. Marãã saludo diabuea Erastoba, izhira plata naʉ̃ pʉwʉrʉdꞌebema wuagꞌabaria, saludo diabuea mebea Cuartoba.