Mateo 10:14 - Porciones del Nuevo Testamento

¹⁴ Iabꞌaʉba marãta bia eda ẽbʉrʉ, miã marã bedꞌeata ũrĩ ẽbʉrʉ, maʉ̃ dedꞌaubara o maʉ̃ pʉwʉrʉdꞌebara ãĩ wãũdua, egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita.

Mateo 10:14 Iomraidhean Croise

Mateo 10:13

Mama dedꞌa bꞌeta mawũã bꞌeaidꞌe bꞌebʉrʉ, marãba adu-a bꞌaidꞌebema jarabʉdara ãzhima wãña. Mawũãmina mawũã bꞌeaidꞌe duanu ẽbʉrʉ, maʉ̃ adu-a bꞌaidꞌebema mazhima zeya.

Mateo 18:5

Mʉnebemata ĩjã bꞌʉdꞌeba bariduba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa.

Marcos 6:11

Baridu maẽ marãta bia edadꞌa ẽbʉrʉ, miã marã bedꞌeata ũrĩna ẽbʉrʉ, mamaʉ̃bara ãĩ wãbʉdata egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita. Mʉã wãrĩnu marãã jaraya, Daizezeba kꞌawua obʉrʉ ewadera Sodoma pʉwʉrʉdꞌe, Gomorra pʉwʉrʉdꞌe bꞌeadꞌara yarebai zuburia bꞌeabiya maʉ̃ pʉwʉrʉdꞌe bꞌe kꞌãñabara.

Marcos 9:37

Mʉnebemata ĩjã bꞌʉdꞌeba iabꞌaʉba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa, mʉta bia edabʉrʉra bari mʉta bia edabʉrʉ ẽã, awuarabʉrʉ bia edabʉrʉa mʉ zokꞌadꞌata.

Lucas 9:48

mawũãsia: Mʉnebema ĩjã bꞌʉdꞌeba bariduba wũãwũã kꞌãwũã bꞌʉta bia edara mʉta bia edabʉrʉa. Mʉta bia edabʉrʉra bia edabʉrʉa mʉ zokꞌadꞌata. Marã jõmaʉ̃nebema zhi zroma ẽãne bꞌʉta maʉ̃ta audre zhi zroma.

Lucas 9:5

Baridu maẽ marãta bia edadꞌa ẽbʉrʉ maʉ̃ pʉwʉrʉdꞌebara ãĩ wãbʉdata egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita.

Juan 13:20

Mʉã wãrĩnu marãã jaraya: Mʉã zokꞌabʉrʉta bia edabʉrʉra mʉta bia edabʉrʉa, mʉ Zeze mʉ zokꞌadꞌata bia edabʉrʉa.

Hechos 13:51

Mawũẽ ãzhi Daizezeba pua kꞌawua oidꞌebemata maʉ̃rãbara egoro jarra ãzhi jẽrũnebema niãwesidꞌa, mobe zesidꞌa Iconio pʉwʉrʉedꞌa.

Hechos 18:6

Mawũãmina maʉ̃rãbara ũrĩãmaba mitia bedꞌea jirpaneĩ wua jʉ̃ bꞌʉta niãwe mawũãsia: Kꞌãwũã bꞌedꞌeba Daizezebara pua kꞌawua okuaya. Mʉrã bedꞌea ne ẽbaya. Idꞌidꞌeuba mʉãrã Jesúsdꞌebema jaradꞌe wãña judíorã ẽãta bꞌea.