Mateo 10:11 - Porciones del Nuevo Testamento

¹¹ Pʉwʉrʉ zromane o pʉwʉrʉ zakedꞌe marã edꞌa wãbʉda maẽ mazhi bia edai bꞌʉta jʉrʉudua, mobe mama kꞌãĩũdua mamaʉ̃ba wãnañeẽna.

Mateo 10:11 Iomraidhean Croise

Mateo 10:10

Miã odꞌera talegora ederãũdua, miã wua trokꞌa jʉ̃ĩta, miã sandalia trokꞌa jʉ̃ĩta, miã barrata ederãũdua. Traja bꞌʉra zhiko diadꞌaidꞌe bꞌʉa.

Mateo 10:12

Mama deidꞌu wãbʉdadꞌera mawũãũdua: Daizezedꞌeba marã adu-a bꞌeaya.

Marcos 6:10

Mobe mawũãsia: Baridu maẽ deidꞌu wãbʉdadꞌera mama kꞌãĩũdua mamaʉ̃ba wãnañeẽna.

Lucas 19:7

Maʉ̃ta ũdudꞌape jõmaʉ̃ba bĩ ẽã jarasidꞌa, ʉ̃nadrʉita deidꞌu wãsi baera kꞌazhirua omiã maẽ.

Lucas 9:4

Baridu maẽ deidꞌu wãbʉdadꞌera mama duanedua mamaʉ̃ba wãnañeẽna.

Hechos 16:15

Aramaʉ̃ne zhi mebẽrã bawara buru kꞌoepe daia zuburia bedꞌea mawũãsia: Marãma mʉã Nokꞌo Jesúsdꞌebemata wãrĩnu ĩjãbʉrʉ mʉ dedꞌa audua. Aramaʉ̃ne daira duanebisia.