Marcos 10:1 - Porciones del Nuevo Testamento

¹ Mama Capernaúm pʉwʉrʉdꞌebara Jesús wãbʉrʉta, Judea druaedꞌa wãsia do Jordán kĩrãrẽ. Mawũẽ zhãrãbara izhira wakusa bʉredrʉsidꞌa, mawũẽ wakusa miã ũrãgꞌasia izhi bꞌʉ kĩrãkꞌa.

Marcos 10:1 Iomraidhean Croise

Mateo 26:55

Maʉ̃nerã zhãrã kꞌobꞌea Jesúsbara mawũãsia: ¿Mʉrã nezrʉgamiã kĩrãkꞌa kuchoedꞌa bakuruedꞌa zebʉdakꞌa mʉ jidadꞌe? Mʉrã ewariza marã bawara jewedꞌa Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia.

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Marcos 1:21

Jesús izha jʉrʉkuadꞌa bawara Capernaúm pʉwʉrʉedꞌa wãnape ẽnaʉ̃bada ewade de zhi jʉrebada maẽ edꞌa wãpe miã ũrãgꞌasia.

Marcos 10:2

Maʉ̃ne fariseorãbara orradꞌape wãẽãbidꞌai kꞌarea widꞌisidꞌa zhũmakĩrãbara ãmasia bꞌʉ kꞌawuaita izhi wũẽrã.

Marcos 12:35

Daizeze dedꞌa ewara maẽ Jesús miã ũrãgꞌa mawũãsia: ¿Ũrãgꞌa Moisédꞌe jarabadabara jara panʉka zhãrã Ẽdrʉbira rey Davidꞌeba uruta?

Marcos 14:49

Mʉrã ewariza marã bawara bꞌʉta Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia. Mawũãmina kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata.

Marcos 2:13

Maʉ̃ tẽã do jedꞌea õbꞌʉidꞌu Jesús wakusa wãpe zhãrã izhima zebʉsita ũrãgꞌasia.

Marcos 4:2

Mawũẽ miã ũrãgꞌabʉrʉta ne bio jarakꞌasia, izhi miã ũrãgꞌabʉrʉra mawũãsia:

Marcos 6:2

Ẽnaʉ̃bada ewarita araa zebʉrʉdꞌera miã ũrãgꞌasia de zhi jʉrebada maẽ, maʉ̃ta bioba ũrĩnaĩ bia akʉdrua mawũãsidꞌa: ¿Naʉ̃ sãmaʉ̃ba kꞌãwũã nʉmʉ? ¿Naʉ̃bara krĩchara sãmaʉ̃ba kꞌãwũã erubꞌʉ, sãwũã ũdudꞌakꞌata okua bꞌʉ?

Marcos 6:34

Jesús jãbadꞌeba udꞌubꞌaebʉrʉdꞌe kꞌabanata ũdui ãzhira sozuburiasia ovejarã kĩrãkꞌa bꞌeba ãzhi akʉbari ne ẽã, mawũẽ ũrãgꞌakuasia ne bio jara.

Marcos 6:6

Kꞌawua ẽã krĩcha bꞌesia izhidꞌebema ĩjãna ẽãba izhi ʉreta bꞌebara. Jesús pʉrrʉasia pʉwʉrʉ zake arakꞌaita tabꞌe maẽ miã ũrãgꞌa.

Juan 10:40

Mobe wakusa wãsia Jordán do kĩrãrẽ, naara Juanba zhãrã buru kꞌoe bꞌadꞌaidꞌu, mobe bꞌesia mama.

Juan 11:7

Mobe maʉ̃ tẽã izha jʉrʉkuadꞌaa mawũãsia: Wakusa wãdrʉ Judea druaedꞌa.

Juan 18:20

Mawũẽ Jesúsbara panaʉ̃ mawũãsia: Mʉrã dajada bedꞌea bꞌasia zhãrã jõmaʉ̃ daidꞌu. Mʉrã baridua miã ũrãgꞌa bꞌasia de zhi jʉrebada maẽ, Daizeze dedꞌa ewara maẽ, judíorã jõma zhi jʉrebada maẽ, mʉãrã aramaʉ̃ne kꞌãrẽ chupea jara bꞌa ẽbasia.