Marcos 1:4 - Porciones del Nuevo Testamento

⁴ Mawũã jaradꞌadꞌe Juanbara drua drudrua tabꞌʉ maẽ zhãrã buru kꞌoekua nʉmasia, maʉ̃nerã jarakꞌa nʉmasia buru kꞌoebʉdaba kꞌazhiruara ãmape Daizezeta pẽwãnamarẽã, bedꞌea ne ẽã duanebimarẽã kꞌazhiruata biodꞌeba.

Marcos 1:4 Iomraidhean Croise

Mateo 3:11

Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Mateo 3:6

Jordán dodꞌe Juanʉã zhi buru kꞌoebisidꞌa ãzhi kꞌazhiruata jara.

Marcos 1:5

Izhima ze nʉmasia Judea druadꞌe bꞌeta, Jerusalénne bꞌeta. Jordán dodꞌe Juanʉã zhi buru kꞌoebisidꞌa ãzhi kꞌazhiruata jara.

Lucas 1:77

Aramaʉ̃ne bʉara ẽdrʉdꞌaidꞌebemata kꞌawuabigaya izhidꞌeta bꞌea, izhara aramaʉ̃ne bedꞌea ne ẽã bꞌʉkuaya kꞌazhiruata biodꞌeba.

Juan 3:23

Juanbidꞌa zhãrã buru kꞌoekua nʉmasia Enón pʉwʉrʉdꞌe Salin kꞌaita, mama tadrʉ bꞌasi baera dota kꞌãbãẽã. Mawũẽ zhãrã zepe buru kꞌoe nʉmeãsia.

Hechos 10:37

Marãbara kꞌawua bꞌea sãwũã trʉ̃poadꞌata Judea drua jõma, mawũã trʉ̃poasia Galileadꞌeba, buru kꞌoedꞌamarẽã jaradꞌa tẽã Juanba.

Hechos 22:16

Mawũẽ ¿bʉra kꞌãrẽã pi kꞌobꞌaipe? Piradrʉrua, buru kꞌoedua, bʉra kꞌazhiruata biodꞌebara bedꞌea ne ẽã bꞌʉmarẽã izhaa jaradua.